ICC Test Rankings માં જસપ્રિત બુમરાહ બન્યો ટેસ્ટનો નં. 1 બોલર

• બુમરાહ ICC બોલિંગ ટેસ્ટ રેન્કિંગમાં નંબર વન બની ગયો છે
• રબાડાને પાછળ છોડીને પ્રથમ સ્થાન હાંસલ કર્યું
• જયસ્વાલ અને કોહલીને પણ રેન્કિંગમાં ફાયદો થયો છે

ICC Test Rankings:ભારતના સ્ટાર ફાસ્ટ બોલર જસપ્રિત બુમરાહે પર્થમાં ઓસ્ટ્રેલિયા સામેના શાનદાર પ્રદર્શનને કારણે તેની કારકિર્દીનું સર્વશ્રેષ્ઠ રેટિંગ હાંસલ કર્યું છે. તે જ સમયે, તેણે ફરીથી જાહેર કરાયેલ ICC મેન્સ ટેસ્ટ બોલર રેન્કિંગમાં નંબર-1 ખેલાડીનું સ્થાન હાંસલ કર્યું છે. બુમરાહે આફ્રિકાના ફાસ્ટ બોલર કાગીસો રબાડાને પાછળ છોડી દીધો છે. જયસ્વાલ અને કોહલીને બેટિંગ રેન્કિંગમાં પણ ફાયદો થયો છે.બોર્ડર-ગાવસ્કર ટ્રોફીની પ્રથમ મેચમાં ભારતની 295 રનની શાનદાર જીત દરમિયાન બુમરાહે આઠ વિકેટ લીધી અને પ્લેયર ઓફ ધ મેચનો એવોર્ડ જીત્યો. આ ઇન-ફોર્મ જમણા હાથના બોલરે દક્ષિણ આફ્રિકાના ઝડપી બોલર કાગિસો રબાડા અને ઓસ્ટ્રેલિયન ફાસ્ટ બોલર જોશ હેઝલવુડને પાછળ છોડીને ટેસ્ટ ક્રિકેટમાં બે સ્થાનની છલાંગ લગાવી અને પ્રથમ સ્થાન હાંસલ કર્યું.

બુમરાહના 872 પોઈન્ટ પર

બુમરાહે આ વર્ષે ફેબ્રુઆરીમાં ઇંગ્લેન્ડ સામે 9 વિકેટ ઝડપીને પ્રથમ વખત ICC ટેસ્ટ બોલર રેન્કિંગમાં પ્રથમ સ્થાન હાંસલ કર્યું હતું. આ પછી, ઓક્ટોબરમાં બાંગ્લાદેશ સામે તેના શાનદાર પ્રદર્શન બાદ, તે ફરી એકવાર નંબર વન બોલર બન્યો, પરંતુ તાજેતરના અઠવાડિયામાં તેને રબાડાએ પછાડી દીધો. હવે ફરી જસપ્રીત બુમરાહે રબાડાને પાછળ છોડી દીધો છે. બુમરાહના 872 પોઈન્ટ છે.

ICC TEST RANKINGS 🏏

📸 Getty Images

[CricketGully Cricket TeamIndia BCCI IPL TestCricket WorldTestChampionship BGT BorderGavaskarTrophy YashasviJaiswal JaspritBumrah] pic.twitter.com/uMbQW5TwRg

— হৃদয় হরণ 💫✨ (@thundarrstorm) November 27, 2024

આ પણ  વાંચો -બજરંગ પુનિયા હવે નહીં લડી શકે કુસ્તી? કોચિંગ પણ આપી નહીં શકે

યશસ્વી અને કોહલી બેટિંગમાં ચમક્યા હતા

બેટિંગ રેન્કિંગની વાત કરીએ તો ભારતીય ટીમના યુવા બેટ્સમેન યશસ્વી જયસ્વાલે શાનદાર સદી ફટકારીને બે સ્થાનની છલાંગ લગાવી છે. તે નવા જાહેર કરાયેલ ICC ટેસ્ટ બેટિંગ રેન્કિંગમાં બીજા સ્થાને પહોંચી ગયો છે. જયસ્વાલે 161 રનની શાનદાર ઇનિંગ રમીને મેચને ભારતની તરફેણમાં ફેરવી દીધી અને પરિણામે, તે ટેસ્ટ બેટ્સમેનોની રેન્કિંગમાં બે સ્થાન આગળ વધીને બીજા સ્થાને પહોંચી ગયો.

આ પણ  વાંચો -IPL માં અનસોલ્ડ રહેલા Urvil Patel એ ફટકારી માત્ર 28 બોલમાં સદી

જો રૂટ પ્રથમ સ્થાને છે

આ સાથે તેણે તેની કારકિર્દીનું સર્વશ્રેષ્ઠ 825 રેટિંગ પણ હાંસલ કર્યું હતું. જયસ્વાલ ઉપરાંત બીજી ઇનિંગમાં શાનદાર સદી ફટકારનાર વિરાટ કોહલીને પણ ફાયદો થયો છે. વિરાટ કોહલી તેની 30મી ટેસ્ટ સદી બાદ 9 સ્થાનની છલાંગ લગાવીને 13મા સ્થાને પહોંચી ગયો છે. ઈંગ્લેન્ડનો અનુભવી બેટ્સમેન જો રૂટ પ્રથમ સ્થાને છે.