પ્રમુખ સ્વામી મહારાજ નગરમાં યોજાય આજે બાર કાઉન્સિલની પ્રોફેશનલ કોન્ફરન્સ

પ્રમુખ સ્વામી મહારાજ શતાબ્દી મહોત્સવની ભવ્યાતિભવ્ય ઉજવણી પ્રમુખ સ્વામી મહારાજ નગર અમદાવાદ ખાતે થઈ રહી છે. પ્રમુખ સ્વામી મહારાજ નગરમાં મોટી સંખ્યામાં હરિભક્તો અને નગરજનો ઉમટી રહ્યાં છે. દરરોજ નગરમાં વિવિધ વિષયો પર નિષ્ણાંતોની ઉપસ્થિતિમાં વિવિધ પ્રોફેશનલ કોન્ફરન્સ યોજવામાં આવી રહી છે. આજે બાર કાઉન્સિલ ઓફ ગુજરાતની પ્રોફેશનલ કોન્ફરન્સ યોજવામાં આવી હતી. જેમાં મુખ્ય વક્તાઓએ પોતાની વાત રજુ કરી હતી.

“સ્વામિનારાયણ સંપ્રદાયે લોકોની સેવા કરી છે અને તેમને પ્રગતિ માટે ટેકો પૂરો પાડ્યો છે.પ્રમુખસ્વામી મહારાજ નગરનું આયોજન અદ્ભુત છે અને સ્વચ્છતાનું શ્રેષ્ઠ પ્રતિક છે.” 

“ આજે આપણે  વિવિધતામાં એકતાનો અનુભવ કરી રહ્યા છે કેમકે સુપ્રીમ કોર્ટ, ગુજરાત હાઈ કોર્ટ, બાર કાઉન્સિલ ઓફ ઇન્ડિયા અને બાર કાઉન્સિલ ઓફ ગુજરાત જેવી સંસ્થાઓમાંથી અહી એક છત્ર હેઠળ સર્વે ઉપસ્થિત રહ્યા છે. પ્રમુખસ્વામી મહારાજ શિક્ષાપત્રીનું જીવંત સ્વરૂપ હતા. ૨૦૦૨માં જયારે મેં એમને પૂજામાં કેટલો સમય ફાળવવો જોઈએ તે અંગે પૂછ્યું ત્યારે તેમણે  જણાવ્યું હતું કે જો આપણે આપણું કાર્ય નિષ્ઠાથી કરીએ તો તે પૂજા વ્યવસ્થિત કર્યા બરાબર છે.” 

“પ્રમુખસ્વામી મહારાજને ૨૦૦૪માં મળતાં લાગ્યું કે આપણે તેઓની જેમ અનુશાસનપૂર્વક જીવવું જોઈએ. આપણે તેમના પગલે ચાલી શિસ્ત, સેવા અને ઉદારતાના ગુણો કેળવવા જોઈએ. પ્રમુખસ્વામી મહારાજે  શિક્ષાપત્રીના નિયમો સમજાવ્યા અને લાગ્યું કે શિક્ષાપત્રી આપણા જીવનનું બંધારણ છે.”

તેમણે વ્યવસાયિક મુલ્યો અને નિષ્ઠા પર વાત કરતાં સૌને મુશ્કેલીઓમાં પણ ધર્મ જાળવી રાખવાનો અનુરોધ કર્યો. પ્રમુખસ્વામી મહારાજ નગરની ભવ્યતા બિરદાવતાં તેમણે આ પ્રકારનો અન્ય એક કાયદાકીય સેમીનાર દિલ્લી અક્ષરધામ ખાતે યોજવાની ઈચ્છા દર્શાવી.

“આપણે આપણી જવાબદારીઓને આપણા વ્યવસાય પૂરતી સીમિત કરી દઈએ છીએ.પરંતુ, આપણે માનવતા અને સમાજ પ્રત્યેની જવાબદારી પણ અદા કરવી જોઈએ. પ્રમુખસ્વામી મહારાજે સૌને ઘરસભાનો આદેશ આપ્યો, જે કુટુંબમાં સંવાદિતા લાવવા માટે અને મુલ્યોના જતન માટે ખુબ જરૂરી છે.” 

આ પણ વાંચો - “મનના દુઃખની અકસીર દવા એ અધ્યાત્મ છે”: મહંતસ્વામી મહારાજ