ભરૂચનું તુલસીધામ શાક માર્કેટ ખાલી કરાવતા વેપારીઓની રજૂઆત, જાણો શું કહ્યું

ભારત દેશ એ ખેતીપ્રધાન દેશ છે અને ખેડૂતો પોતાના ખેતરોમાં પકવેલો પાક વેચી પોતાના પરિવારનું ગુજરાન ચલાવતા હોય છે.ભરૂચ શહેરના પૂર્વ વિસ્તારમાં ઝાડેશ્વરના તુલસીધામ શાક માર્કેટ ખેડૂતો અને વેપારીઓ માટે રોજગારીનું સાધન બની ગયું છે 30 વર્ષ થી તુલસીધામ શાક માર્કેટ ચાલી રહ્યું છે પરંતુ છેલ્લા એક અઠવાડિયાથી ભરૂચ ભોલાવ ગ્રામ પંચાયત અને ઝાડેશ્વર ગ્રામ પંચાયત દ્વારા  તુલસીધામ શાક માર્કેટ દૂર કરવાના પ્રયાસો કરાયા છે.

તુલસીધામ શાક માર્કેટના વેપારીઓએ ભરૂચ કલેકટરને રજૂઆત કર્યા બાદ આજે વાગરાના ધારાસભ્ય અરૂણસિંહ રણાને રજૂઆત કરવા માટે ભરૂચ ડીસ્ટ્રીક બેંક ખાતે દોડી આવ્યા હતા અને બેંકના સભાખંડમાં રજૂઆત કરી હતી.  ધારાસભ્યે આગામી દિવસોમાં સમસ્યાનો અંત આવે તેવા પ્રયાસો કરાશે તેમ જણાવ્યું હતું.