અભિનેત્રીમાંથી રાજનેતા બનેલી મહિલાનું પિતાએ કર્યું શારીરિક શોષણ
મોટાભાગે આ વસ્તુઓ ફક્ત મહિલાઓ સાથે જ થાય છે
અજાણી વ્યક્તિ હોય તો પણ તેને તમારા સપોર્ટની જરૂર
અવાજ ઉઠાવવામાં મને આટલો સમય કેમ લાગ્યો?
આ દરેક માટે આંખ ખોલનારી ઘટના હોવી જોઈએ
Khushbu Sundar Sexual Abuse : Hema Committee ના રિપોર્ટ સામે આવ્યા બાદ મલયાલમ ઈન્ડસ્ટ્રીમાં ખળભળાટ મચી ગયો છે. આ રિપોર્ટ બાદ ફિલ્મ ઈન્ડસ્ટ્રીની ઘણી અભિનેત્રીઓ અને અન્ય મહિલાઓએ તેમના પર થયેલા શારીરિક, જાતીય અને માનસિક શોષણ વિશે વાત કરી છે. ઘણા પુરૂષ કલાકારો પર ગંભીર આરોપો લગાવવામાં આવ્યા છે. હવે અભિનેત્રીમાંથી રાજનીતિમાં પગ પેસારો કરેલી Khushbu Sundar એ પણ પોતાની પર થયેલા શારીરિક શોષણ વિશે ખુલ્લીને વાત કરી છે.
મોટાભાગે આ વસ્તુઓ ફક્ત મહિલાઓ સાથે જ થાય છે
નેતા Khushbu Sundar એ X પર એક પોસ્ટ કરીને સમગ્ર ઘટનાને વર્ણવી છે. ખુશ્બુ સુંદેર લખ્યું છે કે, તે મહિલાઓની હિંમતની પ્રશંસા કરવી પડશે જેઓ તેમની વાતને વળગી રહી અને જીતી મેળવી. Hema Committee શોષણમાંથી ખૂબ જ જરૂરી મોટો ખુલાસો હતો. શોષણ, શારીરિક ઈચ્છાઓ પૂછવી અને સ્ત્રીઓને સહન કરવાનું કહેવું જેથી તેમને દબાવી શકાય અથવા તેમની કારકિર્દી આગળ વધારી શકાય, આ બધું દરેક ક્ષેત્રમાં થાય છે. શા માટે સ્ત્રીને આ બધામાંથી પસાર થવું પડે છે? જોકે, પુરુષોને પણ આનો સામનો કરવો પડે છે. પરંતુ મોટાભાગે આ વસ્તુઓ ફક્ત મહિલાઓ સાથે જ થાય છે.
આ પણ વાંચો: હઝરાત, હઝરાત... ના અવાજથી 12 વર્ષ બાદ ફરી સિનેમાઘર ગુંજી ઉઠશે
💔 This moment of #MeToo prevailing in our industry breaks you. Kudos to the women who have stood their ground and emerged victorious. ✊ The #HemaCommittee was much needed to break the abuse. But will it?
Abuse, asking for sexual favors, and expecting women to compromise to…
— KhushbuSundar (@khushsundar) August 28, 2024
અજાણી વ્યક્તિ હોય તો પણ તેને તમારા સપોર્ટની જરૂર
Khushbu Sundar એ ભારપૂર્વક કહ્યું કે તમારે તમારો અવાજ ઉઠાવવો જોઈએ. તમે આજે બોલો કે કાલે બોલો તેનાથી કોઈ ફરક પડતો નથી, બસ તમારો અવાજ ઉઠાવો જોઈએ. તમારો અવાજ ઊંચો કરવાથી તમને આ બાબતો પર કાબુ મેળવવામાં મદદ મળશે અને તેની વધુ સારી રીતે તપાસ પણ થશે. Khushbu Sundar એ પોતાની પોસ્ટમાં લોકોને પીડિતોને દોષ ન આપવા વિનંતી કરી છે. તેમ જ તેમને પ્રશ્નો પૂછો કે તમે આ કેમ કર્યું? તમને આની કેમ જરૂર પડી? આવા પ્રશ્નો પૂછવાથી પીડિત વધુ તૂટી જાય છે. તેમણે કહ્યું કે જો પીડિત તમારા માટે અજાણી વ્યક્તિ હોય તો પણ તેને તમારા સપોર્ટની જરૂર છે.
અવાજ ઉઠાવવામાં મને આટલો સમય કેમ લાગ્યો?
આ દરમિયાન અભિનેત્રીએ તેનું ઉદાહરણ પણ આપ્યું હતું. Khushbu Sundar એ લખ્યું કે, કેટલાક લોકો મને પૂછે છે કે મેં મારા પિતાના હાથે જે દુર્વ્યવહાર સહન કર્યો તેની સામે અવાજ ઉઠાવવામાં મને આટલો સમય કેમ લાગ્યો? હું માનું છું કે મારે તે પહેલા કહેવું જોઈતું હતું. પરંતુ મારી સાથે જે થયું તે મારી કારકિર્દીને આગળ વધારવા માટે સંઘર્ષ સમાન ન હતું. મને એ વ્યક્તિના હાથે શોષણ સહન કરવું પડ્યું જે મને પડવાથી બચાવવા માટે સૌથી મજબૂત હાથ હોવો જોઈએ.
આ દરેક માટે આંખ ખોલનારી ઘટના હોવી જોઈએ
અભિનેત્રીએ પુરુષોને પીડિતોને ટેકો આપવા વિનંતી પણ કરી હતી. અંતે Khushbu Sundar એ લખ્યું કે, આ દરેક માટે આંખ ખોલનારી ઘટના હોવી જોઈએ. આનાથી શોષણનો અંત આવે છે. મહિલાઓ આગળ આવો અને તમારો અવાજ ઉઠાવો. યાદ રાખો કે જીવનમાં તમારી પાસે હંમેશા પસંદગી હશે. તમારું ના એટલે દરેક રીતે ના. તમારા ગૌરવ અને પ્રતિષ્ઠા સાથે ક્યારેય સમાયોજિત અથવા સમાધાન કરશો નહીં. ક્યારેય નહીં.
આ પણ વાંચો: જ્યારે અજય દેવગણને તેના પુત્ર યુગે લાફો ઝીંકી દીધો, આ અભિનેત્રીના કારણે બની ઘટના