‘જવાન’ એ ચાર દિવસમાં તોડ્યા અનેક રેકોર્ડ, ગદર-2ને પણ છોડી દીધી પાછળ

શાહરૂખ ખાનની ફિલ્મ જવાને રિલીઝ થતાની સાથે જ બોક્સ ઓફિસ પર ધૂમ મચાવી દીધી છે. અભિનેતાની ફિલ્મે માત્ર ચાર દિવસમાં તે મોટા રેકોર્ડ તોડી નાખ્યા છે. જેની ભાગ્યે જ કોઈને અપેક્ષા હતી.

બોલિવૂડના બાદશાહ શાહરૂખ ખાન માટે વર્ષ 2023 ઘણું સારું સાબિત થઈ રહ્યું છે. અભિનેતા ચાર વર્ષ પછી ફિલ્મ પઠાણ દ્વારા આ વર્ષે મોટા પડદા પર પાછો ફર્યો. આ ફિલ્મે બોક્સ ઓફિસ પર શાનદાર કલેક્શન કર્યું હતું. હવે શાહરૂખની તાજેતરમાં રીલિઝ થયેલી ફિલ્મ 'જવાન' પણ સિનેમાઘરોમાં ધૂમ મચાવી રહી છે. ફિલ્મે 'પઠાણ' અને 'ગદર 2'ને પાછળ છોડીને માત્ર ચાર દિવસમાં ચાર મોટા રેકોર્ડ તોડી નાખ્યા છે.

ફિલ્મ 'જવાન' કૃષ્ણ જન્માષ્ટમીના દિવસે એટલે કે 7 સપ્ટેમ્બરે સ્ક્રીન પર રિલીઝ થઈ હતી. આ ફિલ્મે પહેલા દિવસે જ બોક્સ ઓફિસ પર 75 કરોડ રૂપિયાનું શાનદાર કલેક્શન કર્યું હતું. બીજા દિવસે ફિલ્મે લગભગ 53 કરોડ રૂપિયા અને ત્રીજા દિવસે 74.5 કરોડ રૂપિયાનું કલેક્શન કર્યું હતું. હવે ચોથા દિવસે આ ફિલ્મ 80 કરોડનો બિઝનેસ કરવા જઈ રહી છે. જે પછી તેનું કુલ કલેક્શન 282.73 રૂપિયા થઈ જશે.

રેકોર્ડની વાત કરીએ તો ફિલ્મે માત્ર ચાર દિવસમાં 4 મોટા રેકોર્ડ તોડી નાખ્યા છે. જેમાં પ્રથમ તો આ ફિલ્મ એક દિવસની સૌથી વધુ કમાણી કરનારી બોલિવૂડ ફિલ્મ બની ગઈ છે. આ પહેલી ફિલ્મ છે જેણે રિલીઝના દિવસે 75 કરોડ રૂપિયાની કમાણી કરી છે. 'પઠાણ'એ પહેલા દિવસે 55 કરોડનો બિઝનેસ કર્યો હતો અને 'ગદર 2'એ પહેલા દિવસે 40 કરોડનો બિઝનેસ કર્યો હતો.

આ સિવાય 'જવાન' પહેલા 'પઠાણ' પહેલા ત્રણ દિવસમાં સૌથી વધુ કમાણી કરનારી ફિલ્મ બની હતી. 'પઠાણ'એ પ્રથમ ત્રણ દિવસમાં 166.5 કરોડ રૂપિયાનું કલેક્શન કર્યું હતું.  જ્યારે 'જવાન'એ તેને પાછળ છોડી દીધી છે અને ત્રણ દિવસમાં 202 કરોડ રૂપિયાની કમાણી કરી છે.

માત્ર બોલિવૂડમાં જ નહીં, કિંગ ખાનની આ ફિલ્મ સાઉથ સિનેમાની તમામ ફિલ્મોને પણ ટક્કર આપી રહી છે. ત્યાં પણ જવાન બોલિવૂડમાં પ્રથમ ત્રણ દિવસમાં સૌથી વધુ કમાણી કરનારી ફિલ્મ બની ગઈ છે.

આ સિવાય તમને જાણીને નવાઈ લાગશે કે આ ફિલ્મે વર્લ્ડવાઈડ કલેક્શનમાં પણ ટોપ કર્યું છે. આ ફિલ્મે માત્ર ત્રણ દિવસમાં જ દુનિયાભરમાંથી 375 કરોડ રૂપિયાની કમાણી કરી લીધી છે.