Kerala : મલપ્પુરમમાં પેલેસ્ટાઈનના સમર્થનની રેલીમાં હમાસના નેતાના વર્ચ્યુઅલ સંબોધનથી ખળભળાટ
કેરળ (Kerala)ના મલપ્પુરમમાં પેલેસ્ટાઈન (Palestine)ના સમર્થનમાં એક રેલીમાં હમાસના નેતા (Hamas leader) ખાલેદ મશાલ (Khaled Mashaal)ના વર્ચ્યુઅલ સંબોધનથી ખળભળાટ મચી ગયો છે. ભાજપે ( BJP) આ અંગે કાર્યવાહી કરવાની માંગ કરી છે. હમાસના નેતા ખાલેદ મશાલે શુક્રવારે મલપ્પુરમમાં સોલિડેરિટી યુથ મૂવમેન્ટ દ્વારા આયોજિત યુવા પ્રતિકાર રેલીમાં વર્ચ્યુઅલ રીતે ભાગ લીધો હતો.
બુલડોઝર હિન્દુત્વ અને રંગભેદી યદૂદીવાદને જડમૂળથી ઉખેડી નાખો
સોલિડેરિટી યુથ મૂવમેન્ટ એ જમાત-એ-ઈસ્લામીની યુવા પાંખ છે જેણે મલપ્પુરમમાં આ રેલીનું આયોજન કર્યું હતું. તેનું સૂત્ર છે "બુલડોઝર હિન્દુત્વ અને રંગભેદી યદૂદીવાદને જડમૂળથી ઉખેડી નાખો". ભાજપના પ્રદેશ અધ્યક્ષ કે સુરેન્દ્રને હમાસ નેતાની સંડોવણી પર પ્રતિક્રિયા આપી છે અને કાર્યવાહીની માંગ કરી છે.
ભાજપે આ અંગે કાર્યવાહી કરવાની માંગ કરી
બીજેપીના પ્રદેશ અધ્યક્ષ કે સુરેન્દ્રને કહ્યું, 'કેરળના મલપ્પુરમમાં એકતા કાર્યક્રમમાં હમાસ નેતા ખાલેદ મશાલનું વર્ચ્યુઅલ એડ્રેસ ચિંતાજનક છે. પિનરાય વિજયન (કેરળના મુખ્યમંત્રી) કેરળ પોલીસ ક્યાં છે? 'સેવ પેલેસ્ટાઈન'ની આડમાં તેઓ આતંકવાદી સંગઠન હમાસ અને તેના નેતાઓને 'યોદ્ધાઓ' તરીકે મહિમા આપી રહ્યા છે.. આ અસ્વીકાર્ય છે!
પ્રિયંકા ગાંધી વોટ માટે આતંકવાદી હમાસ સાથે ઉભા છે
કેન્દ્રીય મંત્રી ગિરિરાજ સિંહે કહ્યું કે, હમાસના આતંકવાદીએ કેરળમાં ભાષણ આપ્યું હતું અને તેણે ત્યાંના હિંદુઓને ખતમ કરવાની વાત કરી હતી. તેમને જણાવી દઈએ કે ઘણા ભારત આવ્યા પરંતુ કંઈ કરી શક્યા નહીં. એ જ રીતે હમાસનો પણ નાશ થશે... ભારત પેલેસ્ટાઈનની સાથે છે. પરંતુ પ્રિયંકા ગાંધી વોટ માટે આતંકવાદી હમાસ સાથે ઉભા છે.
કોઝિકોડમાં પણ ગાઝાના સમર્થનમાં રેલી કાઢવામાં આવી હતી
તમને જણાવી દઈએ કે કેરળમાં કોંગ્રેસની આગેવાની હેઠળના યુનાઈટેડ ડેમોક્રેટિક ફ્રન્ટ (UDF)ના મુખ્ય સહયોગી IUMLએ પણ ગાઝામાં મહિલાઓ અને બાળકો સહિત નાગરિકોની કથિત હત્યાની નિંદા કરતા ગુરુવારે ઉત્તર કોઝિકોડમાં એક વિશાળ રેલીનું આયોજન કર્યું હતું. હજારો IUML સમર્થકોએ પેલેસ્ટાઇન સોલિડેરિટી હ્યુમન રાઇટ્સ રેલીમાં ભાગ લીધો હતો, જેનું ઉદ્ઘાટન IUML નેતા પનાક્કડ સૈયદ સાદિક અલી શિહાબ થંગલ દ્વારા કરવામાં આવ્યું હતું.
શશિ થરૂરે 7 ઓક્ટોબરે ઈઝરાયેલ પર થયેલા હુમલાને આતંકવાદી કૃત્ય ગણાવ્યું
આ રેલીમાં કોંગ્રેસના નેતા શશિ થરૂરે 7 ઓક્ટોબરે ઈઝરાયેલ પર થયેલા હુમલાને આતંકવાદી કૃત્ય ગણાવ્યું હતું. આ પછી થરૂરની ઘણી ટીકા થઈ હતી. આ પછી, કેરળમાં મુસ્લિમ સમુદાયો માટે કામ કરતી સંસ્થા 'મહલ એમ્પાવરમેન્ટ મિશન' (MEM)એ શુક્રવારે અહીં 30 ઓક્ટોબરે યોજાનાર પેલેસ્ટાઈન એકતા કાર્યક્રમમાંથી શશિ થરૂરને હટાવવાનો નિર્ણય કર્યો.
હમાસે ઈઝરાયેલ પર હુમલો કર્યો
તમને જણાવી દઈએ કે 7 ઓક્ટોબરે હમાસે ઈઝરાયેલ પર હવા, પાણી અને જમીનથી હુમલો કર્યો હતો. આ હુમલામાં સેંકડો ઇઝરાયેલી નાગરિકો માર્યા ગયા હતા જ્યારે હમાસના લડવૈયાઓએ 200થી વધુ લોકોને બંધક બનાવ્યા હતા. ત્યારથી ગાઝા પટ્ટી પર ઈઝરાયેલ દ્વારા સતત બોમ્બમારો કરવામાં આવી રહ્યો છે. તે જ સમયે, પેલેસ્ટાઇનમાં હમાસના લડવૈયાઓ પણ ચૂપ રહ્યા નથી. તેઓ હજુ પણ ત્રણ મોરચે ઈઝરાયેલ પર હુમલો કરી રહ્યા છે. લેબનોન, સમુદ્રને અડીને આવેલા વિસ્તારો અને ઇજિપ્તને અડીને આવેલા દક્ષિણ ગાઝામાંથી રોકેટ અને મિસાઇલો છોડવામાં આવી રહી છે.
ઈઝરાયલે હમાસને ખતમ કરવાની પ્રતિજ્ઞા લીધી
આ હુમલા બાદ ઈઝરાયલે હમાસને ખતમ કરવાની પ્રતિજ્ઞા લીધી છે. ઇઝરાયેલ ગાઝા પટ્ટીમાં હમાસના સ્થાનો પર સતત બોમ્બમારો કરી રહ્યું છે. આ હુમલાઓમાં અત્યાર સુધીમાં 7000 થી વધુ પેલેસ્ટાઈનના મોત થયા છે. ગાઝાના આરોગ્ય મંત્રાલયના જણાવ્યા અનુસાર, આમાંથી 3000 બાળકો છે. યુદ્ધના કારણે લાખો લોકોએ ગાઝા છોડી દીધું હતું.
આ પણ વાંચો---MP ELECTION : ભાજપે 40 સ્ટાર પ્રચારકોની યાદી જાહેર કરી, જાણો ઉમા ભારતીનું નામ શા માટે નથી…