ગુજરાત ફર્સ્ટનું રિયાલિટી ચેક : સાવધાન, તમારા આરોગ્ય સાથે થઇ રહ્યા છે ચેડાં

તહેવારોની સિઝન શરૂ થતા જ નકલી ખાદ્ય પદાર્થોનું મોટું સામ્રાજ્ય સામે આવી રહ્યું છે. અમદાવાદમાંથી છ લાખ કિલો નકલી ચીઝ તેમજ અલગ અલગ ખાદ્ય પદાર્થો પર કોર્પોરેશનના આરોગ્ય વિભાગની ટીમે દરોડા પાડી નમૂના ટેસ્ટિંગ માટે લીધા હતા ત્યારે આવનારા દિવસોમાં તેલમાં તળેલી વસ્તુઓનો પણ ખૂબ જ મોટા પ્રમાણમાં ઉપયોગ થવા જઈ રહ્યો છે. લોકોના સ્વાસ્થ્ય સાથે કોઈ ચેડા ન થાય તેમ જ લોકોના જીવને કોઈ નુકસાન ન થાય તે માટે ગુજરાત ફર્સ્ટની ટીમે જ અમદાવાદમાં અલગ અલગ 20 થી વધુ વેપારીઓના ત્યાં દરોડા પાડી તપાસ હાથ ધરી હતી. જેમાં છ જગ્યાઓ ઉપર અમદાવાદ મહાનગરપાલિકાની ટીમને પણ સાથે રાખી હતી. અમદાવાદ ઉપરાંત રાજકોટ, વડોદરા અને સુરત સહિતના મહાનગરોમાં પણ રિયાલિટી ચેક કરાવાતા આ જ પરિસ્થિતી જોવા મળી હતી. તહેવારો સમયે લોકોના આરોગ્ય સાથે ચેડાં થઇ રહ્યા હોવાનું જણાયું હતું.