Botad: રાજ આઈસ્ક્રીમના ગોડાઉનમાંથી આર્યુવેદીક સિરપ ઝડપાઇ,પોલીસે 80 બોટલો જપ્ત કરી

અહેવાલ -ગજેન્દ્ર ખાચર બોટાદ 

નડિયાદમાં આર્યુવેદીક સીરીપ પીવાથી પાંચ જેટલા લોકોના મોત નિપજ્યાં હતાં અને ત્યારબાદ રાજ્યની પોલીસ એલર્ટ બની છે અને તમામ જગ્યાઓ પર તપાસનો ધમધમાટ શરૂ કર્યો છે ત્યારે ગઢડા પોલીસે 80 બોટલ આર્યુવેદીક સીરીપ ઝડપી પાડી છે.

ગઢડા શહેરનાં બોટાદ રોડપર આવેલ રાજ આઈસ્ક્રીમ ના ગોડાઉનમાં ગઢડા પોલીસે રેડ કરતા આર્યુવેદીક સીરીપની બોટલો મળી આવી હતી જે પોલીસે તપાસ કરતા 80 બોટલો મળી આવેલ જ્યારે પોલીસે તમામ બોટલોને જપ્ત કરી જાણવા જોગ ફરિયાદ નોંધી વધુ તપાસ હાથ ધરી હતી

બોટાદ જિલ્લાના ગઢડા પોલીસ સ્ટેશનના PI મયુરસિંહ જાડેજાને મળેલી બાતમીના આધારે તેઓ તેમની ટીમ સાથે ગઈકાલે રાત્રીના શહેરના બોટાદ રોડપર આવેલ રાજ આઈસ્ક્રીમ ના ગોડાઉનમાં તપાસ હાથ ધરી હતી જે તપાસ દરમ્યાન આર્યુવેદીક સીરીપની બોટલો મળી હતી જે પોલીસે વધુ તપાસ કરતા 80 બોટલ શંકાસ્પદ સીલપેક આર્યુવેદીક સીરીપની બોટલો મળી હતી જ્યારે ગઢડા પોલીસે રૂપિયા 12 હજારની કિંમતની આર્યુવેદીક સીરીપની 80 બોટલો જપ્ત કરી હતી અને પ્રથમ જાણવા જોગ ફરિયાદ નોંધીને એક બોટલને અભિપ્રાય માટે FSLમા મોકલવામાં આવી છે જ્યારે એફએસએલનો રીપોર્ટ આવ્યા બાદ વધુ કાર્યવાહી હાથ ધરવામાં આવશે .

આ  પણ  વાંચો -કમોસમી વરસાદે ખેડુતોને ચોધાર આંસુએ રડાવ્યા