ડાંગ જિલ્લામાં ભારે વરસાદને પગલે અનેક જગ્યાએ ભેખડ ધસી પડી, આહવા-સાપુતારા માર્ગ થોડા સમય પૂરતો કરાયો બંધ

નવસારી અને વલસાડની સાથે-સાથે ડાંગ જિલ્લામાં પણ મેઘરાજા મન મુકીને વરસી રહ્યા છે.. જિલ્લામાં સતત બે કલાક વરસેલા ધોધમાર વરસાદથી સર્વત્ર પાણી-પાણી થઇ ગયું હતું. ડાંગ જિલ્લાના મુખ્ય મથક આહવામાં બે કલાકમાં 2 ઇંચ વરસાદ ખાબક્યો હતો.. તો સુબીર તાલુકામાં અઢી ઇંચ, વઘઇમાં 1 ઇંચ, અને સાપુતારામાં અડધો ઇંચ વરસાદ નોંધાયો હતો..ડાંગ જિલ્લામાં ભારે વરસાદને કારણે અનેક જગ્યાએ ભેખડ પડવાની ઘટનાઓ સામે આવી હતી.

આહવા-સાપુતારા માર્ગ પર માટી તેમજ મોટા પથ્થરો ધસી આવતા હાલ પૂરતો આ માર્ગ બંધ કરવાની ફરજ પડી હતી.

ડાંગ જિલ્લામાં સાર્વત્રિક ધોધમાર વરસાદને કારણે નદીઓમાં ઘોડાપુર જેવી સ્થિતિ જોવા મળી રહી છે. અને પૂર્ણા તેમજ અંબિકા નદીના જળસ્તરમાં વધારો થયો છે.