યોગી આદિત્યનાથનો હુંકાર, કહ્યું- માફિયા ભૂતકાળ, યુપી હવે સુરક્ષાનું પ્રતીક

યુપીના સીએમ યોગી આદિત્યનાથ ઉત્તર પ્રદેશના શામલી વિસ્તારની સિટી કેવીવી ઇન્ટર કોલેજમાં યોજાયેલી ચૂંટણીને લઈને જાહેર સભાને સંબોધિત કરવા પહોંચ્યા હતા. આ દરમિયાન તેમણે જિલ્લાની ત્રણ નગરપાલિકા અને સાત શહેર પંચાયતોમાં ભાજપના ઉમેદવારની તરફેણમાં મતદાન કરવા જનતાને અપીલ કરી હતી. ફરી એકવાર કૈરાનાના ગુનાઓનો ઉલ્લેખ કરીને તેમણે ભાજપની તરફેણ કરવાની અપીલ કરી. આ દરમિયાન તેમણે 'રાજ્યમાં કર્ફ્યુ નહીં, યુપીમાં રમખાણો નહીં, બધુ સારું થઈ ગયું'નું સૂત્ર આપ્યું છે.

યુપીમાં શામલીમાં સ્થાનિક સ્વરાજની ચૂંટણી માટે પ્રચાર શરુ કરતાં સીએમ યોગી આદિત્યનાથ કહ્યું કે યુપીમાં માફિયાઓની ગરમી શાંત થઈ ગઈ છે. તેમના પર આંસુ વહાવનાર કોઈ બચ્યું નથી. સીએમ યોગીના આ નિવેદનને માફિયા અતીક અહેમદ સાથે જોડવામાં આવી રહ્યું છે. આ અંતિમ સંસ્કારમાં અતિક અહેમદની પત્ની શાઇસ્તા પરવીન સહિત પરિવારના કોઇ સભ્યો હાજર રહી શક્યા નહોતા. સીએમ યોગીએ વિધાનસભા ચૂંટણી દરમિયાન આપેલા પોતાના ભાષણની પણ યાદ અપાવી હતી.

જનસભાને સંબોધતા મુખ્યમંત્રીએ કહ્યું કે, ખેડૂતો અને નાગરિકો અહીંથી ત્યાં જઈને સલામત રીતે પોતાનો વ્યવસાય કરી શકે છે અને કામ કરી શકે છે. અમારી સરકારે કોરોનાના સમયગાળા દરમિયાન 3 વર્ષ સુધી મફત રાશન આપવાનું કામ કર્યું છે. ઉત્તર પ્રદેશ એક સમયે રમખાણો માટે જાણીતું હતું, હવે આ પ્રદેશ સારા વેપાર અને વિકાસ માટે જાણીતો છે.

યોગી આદિત્યનાથે કહ્યું કે પહેલા છોકરીઓ બદમાશોના આતંકના ડરથી રાજ્યથી દૂર ભણતી હતી. પરંતુ, હવે પરિસ્થિતિઓ બદલાઈ ગઈ છે. આજે યુપીની કાયદો અને વ્યવસ્થાની સ્થિતિ દેશમાં એક ઉદાહરણ બની ગઈ છે. યોગીએ કહ્યું કે આપણે નક્કી કરવાનું છે કે શેરીઓમાં ગોળીઓનો અવાજ સંભળાવવો જોઈએ કે ભજન ગાવાનો અવાજ આવવો જોઈએ.

સહારનપુર સતત વિકાસના પંથે આગળ વધી રહ્યું છેઃ સીએમ યોગી

સીએમ યોગીએ કહ્યું કે 2017 પહેલા મેં સહારનપુરની ઉપેક્ષાને ખૂબ નજીકથી અનુભવી છે. અહીંના લોકો વીજળીની સમસ્યાનો સામનો કરી રહ્યા હતા. સહારનપુર રમખાણો માટે જાણીતું હતું. અહીંના લોકોને પ્રાથમિક સુવિધાઓ આપવામાં આવી નથી. દિલ્હી પહોંચવામાં કલાકો લાગતા હતા. પરંતુ હવે કનેક્ટિવિટીમાં સુધારો કરવામાં આવ્યો છે. આ અંતર હવે ઘટી ગયું છે. આજે પીએમ મોદીના નેતૃત્વમાં સહારનપુર સતત વિકાસના પંથે આગળ વધી રહ્યું છે.

આ પણ વાંચો : અમારો ઉદ્દેશ્ય ભાજપનો સફાયો કરવાનો છે, મમતા સાથેની મુલાકાત બાદ બોલ્યા નીતીશ

ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ