Kolkata Rape: સુપ્રીમમાં સ્ટેટસ રિપોર્ટ રજૂ, બંગાળ સરકારે 21 વકીલોની ફૌજ ખડકી
- કોલકાતાની આરજી કાર મેડિકલ કોલેજ અને હોસ્પિટલના તાલીમાર્થી ડોક્ટર સાથે દુષ્કર્મ અને હત્યાનો કેસ
- CBI અને પશ્ચિમ બંગાળ સરકારે સ્ટેટસ રિપોર્ટ સુપ્રીમ કોર્ટમાં રજૂ કર્યો
- સુપ્રીમ કોર્ટમાં હાલ થઇ રહી છે સુનાવણી
- તોડફોડના મામલામાં બંગાળ સરકારે 21 વકીલોની ફૌજ ખડકી
Kolkata Rape : કોલકાતાની આરજી કાર મેડિકલ કોલેજ અને હોસ્પિટલના તાલીમાર્થી ડોક્ટર સાથે દુષ્કર્મ અને હત્યાના (Kolkata Rape) મામલાને લઈને લોકોમાં ગુસ્સો છે. આ કેસમાં આરોપીઓથી લઈને હોસ્પિટલના પૂર્વ પ્રિન્સિપાલ સંદીપ ઘોષ સુધી દરરોજ નવા ખુલાસા થઈ રહ્યા છે. સીબીઆઈ આ કેસની તપાસ કરી રહી છે. આ મામલે હાલ સુપ્રીમ કોર્ટમાં સુનાવણી ચાલી રહી છે. CBIએ આજે સુપ્રીમ કોર્ટમાં આ કેસનો સ્ટેટસ રિપોર્ટ રજૂ કર્યો છે. આ રિપોર્ટ દ્વારા કોર્ટને જણાવવામાં આવ્યું છે કે અત્યાર સુધી તપાસ ક્યાં સુધી પહોંચી છે.
CBI અને પશ્ચિમ બંગાળ સરકારે સ્ટેટસ રિપોર્ટ રજૂ કર્યો
કોલકાતા બળાત્કાર-હત્યા કેસમાં, CBI અને પશ્ચિમ બંગાળ સરકારે હત્યા અને હોસ્પિટલમાં તોડફોડની અત્યાર સુધીની તપાસ પર પોતાનો અહેવાલ દાખલ કર્યો છે. બંને રિપોર્ટ સુપ્રીમ કોર્ટમાં દાખલ કરવામાં આવ્યા છે. કોલકાતા ઘટના પર આજે યોજાનારી સુનાવણીમાં માત્ર સીબીઆઈ જ નહીં બંગાળ સરકારે પણ સ્ટેટસ રિપોર્ટ રજૂ કર્યો છે. કોલકાતાની આરજી કાર હોસ્પિટલમાં 14મી ઓગસ્ટની રાત્રે થયેલી તોડફોડની તપાસ અંગે સરકારે આ અહેવાલ રજૂ કર્યો છે.
આ પણ વાંચો----Kolkata Rape Case: ગેંગરેપ કે પછી.....આજે થશે સ્ફોટક ખુલાસો..!
બંગાળ સરકારે 21 વકીલોની ફોજ ખડકી
કોલકાતા હોસ્પિટલમાં 14 ઓગસ્ટની રાત્રે થયેલી તોડફોડના કેસમાં બંગાળ સરકારનું પ્રતિનિધિત્વ કરવા માટે 21 વકીલોની એક ટીમ છે. આ ટીમમાં સિનિયર એડવોકેટ કપિલ સિબ્બલ, મેનકા ગુરુસ્વામી, સંજય બસુ, આસ્થા શર્મા, શ્રીસત્ય મોહંતી, નિપુન સક્સેના, અંજુ થોમસ, અપરાજિતા જામવાલ, સંજીવ કૌશિક, મંતિકા હરિયાણી, શ્રેયસ અવસ્થી, ઉત્કર્ષ પ્રતાપ, પ્રતિભા કોન્યા, લીન યાદા, લિ. રિપુલ સ્વાતિ કુમારી, લવકેશ ભંભાણી, અરુનિસા દાસ, દેવદિપ્તા દાસ, અર્ચિત અડલાખા, આદિત્ય રાજ પાંડે અને મેહરીન ગર્ગનો સમાવેશ થાય છે.
#WATCH | West Bengal: Former principal of RG Kar Medical College and Hospital, Sandip Ghosh arrives at CBI office, in connection with ongoing probe into woman doctor rape and murder case. pic.twitter.com/CQ86JETr23
— ANI (@ANI) August 22, 2024
પૂર્વ પ્રિન્સિપાલ ડૉ. સંદીપ ઘોષની 75 કલાક સુધી પૂછપરછ
સીબીઆઈએ કોલકાતા આરજી કાર મેડિકલ કોલેજ અને હોસ્પિટલના પૂર્વ પ્રિન્સિપાલ ડૉ. સંદીપ ઘોષની 75 કલાક સુધી પૂછપરછ કરી છે. આરજી મેડિકલ કોલેજમાં એક મહિલા ડોક્ટરની પણ બળાત્કાર અને હત્યા કરવામાં આવી હતી.
વિવિધ સોશિયલ મીડિયા પ્લેટફોર્મને પીડિતાના ફોટા અને વીડિયો હટાવાનું કહ્યું
ઇન્ફોર્મેશન ટેક્નોલોજી (IT) મંત્રાલયે બુધવારે વિવિધ સોશિયલ મીડિયા પ્લેટફોર્મને કોલકાતાની આરજી કાર મેડિકલ કોલેજ અને હોસ્પિટલના ડૉક્ટરનું નામ, ફોટો અને વિડિયો હટાવવાના સુપ્રીમ કોર્ટના આદેશનું તાત્કાલિક પાલન કરવા જણાવ્યું હતું કે જેની પર દુષ્કર્મ અને હત્યા કરવામાં આવી હતી. IT મંત્રાલયે તમામ સોશિયલ મીડિયા પ્લેટફોર્મને મૃતક ડૉક્ટરના ઓળખી શકાય તેવા સંદર્ભોને તાત્કાલિક દૂર કરવા જણાવ્યું છે. મંત્રાલયે ચેતવણી આપી છે કે કોર્ટના આદેશનું પાલન ન કરવાથી કાયદાકીય પરિણામો અને વધુ નિયમનકારી કાર્યવાહી થઈ શકે છે.
આ પણ વાંચો----Kolkata : આરજી કર હોસ્પિટલના પ્રિન્સિપાલ, MSVP અને અન્ય ઘણા આરોપીઓને પદ પરથી હટાવાયા...