ના હોય..! ઓળખાણ સાબિત કરવા ખુદ ભેંસને કોર્ટમાં હાજર થવું પડ્યું

શું તમે ક્યારેય ભેંસ (buffalo)ને કોર્ટમાં હાજર થતી જોઈ છે? રાજસ્થાનના (Rajasthan) જયપુર જિલ્લાના ચૌમુ કોર્ટમાં ગુરુવારે લોકોના ટોળાએ આ જ દ્રશ્ય જોયું.જ્યારે  ભેંસને 11 વર્ષ જૂના ચોરીના કેસમાં ઓળખ માટે કોર્ટમાં બોલાવવામાં આવી હતી. સાક્ષી દ્વારા ઓળખ પર, ભેંસ તેના માલિકને સોંપવામાં આવી હતી.

આ અજીબો ગરીબ મામલો રાજસ્થાનના જયપુર જિલ્લાનો છે.  લગભગ 11 વર્ષ પહેલા હરમડા પોલીસ સ્ટેશનમાં  ત્રણ ભેંસો ચોરાઈ હોવાની ફરિયાદ પીડિત ચરણસિંહ સેરાવતે નોંધાવી હતી. આ મામલાની તપાસ કરતી વખતે પોલીસે ભરતપુર વિસ્તારના નગર પોલીસ સ્ટેશન વિસ્તારમાંથી બે ભેંસો કબજે કરી તેમને સોંપી દીધી હતી. જેમાં થોડા સમય બાદ એક ભેંસનું મૃત્યુ થયું હતું.

સરકારી વકીલે કોર્ટને વિનંતી કરી હતી કે ભેંસને ઓળખ માટે કોર્ટ પરિસરમાં લાવવામાં આવે. આના પર ચરણ સિંહ ભૈંસ સાથે મેટ્રોપોલિટન મેજિસ્ટ્રેટ સીરીયલ નંબર 10, ચૌમુની કોર્ટમાં હાજર થયા. કોર્ટ પરિસરમાં પીકઅપ વાહનમાં ભેંસોને જોઈ સૌ કોઈ કુતૂહલથી જોઈ રહ્યા હતા. આ દરમિયાન કોર્ટ પરિસરની બહાર લોકોની ભીડ એકઠી થઈ ગઈ હતી. સાક્ષી સુભાષ ચૌધરીએ ભેંસની ઓળખ કરી હતી.

છેલ્લા 11 વર્ષથી ચાલી રહેલા કોર્ટ કેસમાં કનોટા બસ્સીના રહેવાસી સાક્ષી સુભાષ ચૌધરીને ગુરુવારે નિવેદન માટે બોલાવવામાં આવ્યા હતા. આ દરમિયાન, સાક્ષીને કોર્ટમાં બોલાવવામાં આવ્યા હતા જેથી તે ભેંસને ઓળખી શકે. આના પર માલિક ચરણ સિંહ પીક-અપ વાહનમાં ભેંસ સાથે કોર્ટમાં પહોંચ્યા. આ પછી, કોર્ટમાં સાક્ષી દ્વારા ઓળખવામાં આવ્યા બાદ ભેંસ પીડિત ચરણસિંહ સેરાવતને પરત સોંપવામાં આવી હતી.

અહેવાલો મુજબ 26 જુલાઈ 2012ના રોજ ફરિયાદી ચરણ સિંહ સેરાવતે કેસ દાખલ કર્યો હતો. આ કેસમાં ફરીયાદી અને ચોરાયેલી ભેંસોને ઓળખ માટે કોર્ટમાં બોલાવવામાં આવી હતી. એક આરોપીની ધરપકડ અરશદ મેયો રહેવાસી નગર જિલ્લા ભરતપુરની ધરપકડ કરવામાં આવી હતી. જેમને કોર્ટે જામીન પર મુક્ત કર્યા હતા. આ કેસમાં કુલ 21 સાક્ષીઓ છે, જેમાં તત્કાલીન સિટી સ્ટેશન ઈન્ચાર્જ હીરાલાલ સૈની અને ફરિયાદી ચરણ સિંહ સેરાવત સહિત 5 લોકોના નિવેદન નોંધવામાં આવ્યા છે. હાલ આ કેસમાં 16 લોકોના નિવેદન નોંધવાના બાકી છે. આગામી 13 સપ્ટેમ્બર, 2023ના રોજ સાક્ષી સુભાષ ચૌધરી અને અન્ય સાક્ષીઓએ નિવેદનો માટે કોર્ટમાં હાજર રહેવાનું રહેશે.

 ઓળખાણ સાબિત કરવા માટે ભેંસને કોર્ટમાં હાજર કરવામાં આવી. આજથી 11 વર્ષ પહેલા ફરિયાદીની ભેંસ ચોરી થઈ ગઈ હતી. હવે ચોરી થયેલી ભેંસને વેરીફાઈ કરવા માટે કોર્ટમાં ખુદ ભેંસને હાજર થવું પડ્યું હતું. અહીંયા પરિવાદી પિકઅપ ગાડીમાં ભેંસને લઈને કોર્ટમાં આવ્યા હતા. જ્યાં કોર્ટના અધિકારીઓએ પિકઅપ ગાડી પાસે આવીને તેને વેરિફાઈ કરી હતી.

આ પણ વાંચો---જુગાડમાં ભારતીયોને કોઇ પહોંચી ન શકે, ન માનવામાં આવે તો જુઓ આ VIDEO