Lawrence ભાઇ, આવો અમારી પાર્ટીમાંથી ચૂંટણી લડો....
- ગેંગસ્ટર લોરેન્સ બિશ્નોઈને ચૂંટણી લડવાની ઓફર મળી
- ઉત્તર ભારતીય વિકાસ સેના (UBVS)એ તેને ઑફર આપી
- અમને ગર્વ છે કે તમે પંજાબમાં જન્મેલા ઉત્તર ભારતીય છો
- અમે લોરેન્સ બિશ્નોઈમાં શહીદ ભગત સિંહને જોઈએ છીએ
Lawrence Contest Election : મહારાષ્ટ્ર વિધાનસભાની ચૂંટણીને આડે વધુ સમય બાકી નથી. આવી સ્થિતિમાં એક પાર્ટીનું વિચિત્ર નિવેદન સામે આવ્યું છે. આ પાર્ટીએ ગેંગસ્ટર લોરેન્સ બિશ્નોઈને ચૂંટણી લડવા (Lawrence Contest Election)ની ઓફર કરી છે. આ પાર્ટીએ ગેંગસ્ટર લોરેન્સ વિશ્નોઈની સરખામણી શહીદ-એ-આઝમ સરદાર ભગત સિંહ સાથે કરી છે. પાર્ટીએ પોતાના નિવેદનમાં કહ્યું કે અમારા કાર્યકર્તાઓ અને પદાધિકારીઓ તેમને જીતાડવાનો પ્રયાસ કરશે.
ગેંગસ્ટર લોરેન્સ બિશ્નોઈને ચૂંટણી લડવાની ઓફર મળી
લોરેન્સ બિશ્નોઈને એક રાજકીય પક્ષ તરફથી મહારાષ્ટ્ર વિધાનસભાની ચૂંટણી લડવાની ઓફર મળી છે. લોરેન્સ બિશ્નોઈ હાલ અમદાવાદની સાબરમતી સેન્ટ્રલ જેલમાં બંધ છે. ઉત્તર ભારતીય વિકાસ સેના (UBVS)એ તેને આ ઑફર આપી છે. પાર્ટી અધ્યક્ષ સુનીલ શુક્લાએ આ અંગે લોરેન્સ બિશ્નોઈને પત્ર પણ લખ્યો છે.
આ પણ વાંચો----Salmanને ધમકી, તારી હાલત બાબા સિદ્દીકી કરતા પણ ખરાબ થશે...
યુબીવીએસના પ્રમુખ સુનીલ શુક્લાએ આ વાત જણાવી
UBVS પ્રમુખ સુનીલ શુક્લાએ તેમના નિવેદનમાં જણાવ્યું હતું કે, "મુંબઈ વિધાનસભાની ચૂંટણી લડવા માટે ઉત્તર ભારતીય વિકાસ સેનાના 4 ઉમેદવારોના નામ ફાઈનલ કરવામાં આવ્યા છે. લોરેન્સ બિશ્નોઈની મંજૂરી બાદ, વધુ 50 ઉમેદવારોની યાદી જાહેર કરવામાં આવશે." તેમણે વધુમાં કહ્યું કે અમે લોરેન્સ બિશ્નોઈમાં શહીદ ભગત સિંહને જોઈએ છીએ.
અમને ગર્વ છે કે તમે પંજાબમાં જન્મેલા ઉત્તર ભારતીય છો
લોરેન્સને લખેલા પત્રમાં તેમણે કહ્યું કે, "અમને ગર્વ છે કે તમે પંજાબમાં જન્મેલા ઉત્તર ભારતીય છો. અમે ઉત્તર ભારતીય વિકાસ સેનાના નામે રાષ્ટ્રીય અને મહારાષ્ટ્ર રાજ્યમાં નોંધાયેલ રાજકીય પક્ષ છીએ, જે ઉત્તર ભારતીયોના અધિકારો માટે કામ કરે છે"
NCP નેતા બાબા સિદ્દીકીની હત્યામાં નામ આવ્યું હતું
NCP નેતા બાબા સિદ્દીકીની હત્યામાં ગેંગસ્ટર લોરેન્સ બિશ્નોઈનું નામ પણ સામે આવ્યું છે. મુંબઈ પોલીસ પણ આ મામલે તપાસ કરી રહી છે. તે જ સમયે, બાબા સિદ્દીકીની હત્યાની જવાબદારી લોરેન્સ ગેંગના સભ્યે લીધી છે.
આ પણ વાંચો---આ નેતાએ Lawrence Bishnoi ને આપ્યો ખૂલ્લો પડકાર, કહ્યું- 24 કલાકમાં આખી ગેંગ...
