Udaipur માં કેમ 24 કલાક માટે ઇન્ટરનેટ બંધ કરાયું...?
- રાજસ્થાનના ઉદયપુરમાં સાંપ્રદાયિક તણાવ બાદ કલમ 144 લાગુ
- આગામી 24 કલાક માટે ઈન્ટરનેટ સેવા પણ બંધ કરી દેવામાં આવી
- ધોરણ 10ના વિદ્યાર્થીએ અન્ય વિદ્યાર્થી પર છરી વડે હુમલો કર્યો
- પથ્થરમારા બાદ આગચંપી
Udaipur : રાજસ્થાનના ઉદયપુર (Udaipur)માં સાંપ્રદાયિક તણાવ બાદ કલમ 144 લાગુ કરવામાં આવી છે. આ સાથે શાળાઓ બંધ કરી દેવામાં આવી છે અને આગામી 24 કલાક માટે ઈન્ટરનેટ સેવા પણ બંધ કરી દેવામાં આવી છે.
ધોરણ 10ના વિદ્યાર્થીએ અન્ય વિદ્યાર્થી પર છરી વડે હુમલો કર્યો
મળતી માહિતી મુજબ ગઈકાલે એટલે કે શુક્રવારે સરકારી શાળામાં ધોરણ 10ના વિદ્યાર્થીએ અન્ય વિદ્યાર્થી પર છરી વડે હુમલો કર્યો હતો. જે બાદ વિસ્તારમાં કોમી તણાવ વધી ગયો હતો. આ દરમિયાન રોષે ભરાયેલા ટોળાએ કારને આગ ચાંપી દીધી હતી અને ભારે પથ્થરમારો કર્યો હતો. બગડતી પરિસ્થિતિને કારણે વહીવટીતંત્રે આગામી 24 કલાક માટે ઉદયપુર અને આસપાસના વિસ્તારોમાં ઈન્ટરનેટ સેવાઓ બંધ કરી દીધી છે.
આ પણ વાંચો---- કોલકાતા બાદ હવે આ શહેરમાં હિંસા ભડકી,કલમ 144 લાગૂ, જાણો શું છે કારણ ?
ઘટના પાછળનું કારણ તાત્કાલિક જાણી શકાયું નથી
પોલીસના જણાવ્યા અનુસાર, આ ઘટના ભટિયાણી ચોહટ્ટા વિસ્તારની સરકારી શાળામાં બની હતી. જ્યાં એક વિદ્યાર્થીએ બીજા વિદ્યાર્થી પર છરી વડે હુમલો કર્યો હતો. આ ઘટના પાછળનું કારણ તાત્કાલિક જાણી શકાયું નથી. પોલીસે જણાવ્યું કે પીડિત વિદ્યાર્થીને જિલ્લા હોસ્પિટલના આઈસીયુમાં દાખલ કરવામાં આવ્યો છે. જ્યાં તેની હાલત યથાવત છે.
#WATCH उदयपुर, राजस्थान: दो बच्चों के बीच हुई झड़प के बाद शहर में सुरक्षा कड़ी की गई है। उदयपुर जिला प्रशासन ने वहां कानून व्यवस्था बनाए रखने के लिए धारा 144 लागू कर दी है।
जिला प्रशासन ने कल रात(16 अगस्त) 10 बजे से 24 घंटे के लिए इंटरनेट बंद करने का आदेश जारी किया है। pic.twitter.com/nVnze6fhdN
— ANI_HindiNews (@AHindinews) August 17, 2024
ટોળાએ પથ્થરમારો કરીને આગચંપી શરૂ કરી દીધી હતી
પોલીસના જણાવ્યા અનુસાર, આ ઘટના બાદ શહેરના મધુબન વિસ્તારમાં ટોળુ એકત્ર થઇ ગયું હતું અને પથ્થમારો શરુ થઇ ગયો હતો.આ દરમિયાન ટોળાએ ત્રણ-ચાર કારને આગ ચાંપી દીધી હતી. જે બાદ તણાવ વધુ વધી ગયો હતો. આ પછી પોલીસે શુક્રવારે સાંજે શહેરના બાપુ બજાર, હાથીપોળ, ઘંટાઘર, ચેતક સર્કલ અને આસપાસના વિસ્તારોની બજારો બંધ કરાવી હતી. આ દરમિયાન કેટલાક હિંસક તત્વોએ એક શોપિંગ મોલ પર પણ પથ્થરમારો કર્યો હતો, જેમાં ઘણી દુકાનોના કાચના દરવાજા તૂટી ગયા હતા.
#Udaipur :- उदयपुर में चाकूबाजी की घटना में घायल हुए बच्चे की तबीयत में लगातार सुधार हो रहा है किसी प्रकार की अफवाहों पर ध्यान नहीं दें और जो शहर का माहौल बिगाड़ने की कोशिश करेगा उसके खिलाफ सख्त कार्रवाई की जाएगी - उदयपुर एसपी योगेश गोयल@UdaipurDm @UdaipurPolice… pic.twitter.com/mcw1loEbmw
— Rajasthan First (@Rajasthanfirst_) August 16, 2024
વિસ્તારમાં ભારે પોલીસ બંદોબસ્ત ગોઠવી દેવામાં આવ્યો
વિસ્તારમાં વધી રહેલા તણાવ વચ્ચે મોટી સંખ્યામાં પોલીસ ફોર્સ તૈનાત કરવામાં આવી છે. આ દરમિયાન પોલીસે બળપ્રયોગ કરીને સરકારી હોસ્પિટલની બહાર એકઠા થયેલા સેંકડો લોકોને વિખેરી નાખ્યા હતા. ઉદયપુરના પોલીસ અધિક્ષક યોગેશ ગોયલના જણાવ્યા અનુસાર, કાયદો અને વ્યવસ્થા જાળવવા માટે વધારાના પોલીસ દળોને વિસ્તારમાં તૈનાત કરવામાં આવ્યા છે. તેમણે જણાવ્યું કે આરોપી વિદ્યાર્થી ઝડપાઈ ગયો છે.
આ પણ વાંચો----Kolkata Rape જેવો બંગાળમાં ફરી બન્યો કિસ્સો, યુવતીનું માથુ ધડથી.....