Canada : ટોરેન્ટોમાં બનેલી દુર્ઘટનામાં નવસારીના વિદ્યાર્થીનું મોત 

કેનેડા ( Canada )માં રહેતા ગુજરાતી વિદ્યાર્થીનું મોત થયું હોવાના સમાચાર આવી રહ્યા છે. કેનેડા ( Canada )ના ટોરેન્ટોમાં ગેરેજમાં મુકેલી કાર ચાલુ રહી જતાં કાર્બન મોનોક્સાઇડનું પ્રમાણ વધી ગયું હતું જેમાં આ વિદ્યાર્થીનું મોત થયું છે જ્યારે અન્ય 6 જણાને હોસ્પિટલમાં ખસેડાયા છે.

કેનેડા ( Canada )ના ટોરેન્ટોમાં આ ઘટના બની છે. ટોરેન્ટોના ટાઉનહાઉસ ઓન એકટીવા એવેન્યુ વિસ્તારમાં બનેલી દુર્ઘટનામાં એક ગુજરાતી વિદ્યાર્થીનું મોત થયું છે. આ વિદ્યાર્થી  નવસારી જિલ્લાના જલાલપોર તાલુકાના મોટી કરોડ ગામનો રહિશ હતો.

મળેલી માહિતી મુજબ વિદ્યાર્થી જ્યાં રહેતો હતો તે મકાનમાં ગેરેજમાં કાર પાર્ક કરાઇ હતી પણ આ કાર ચાલુ રહી ગઇ હતી જેના કારણે કાર્બન મોનોક્સાઇડ વધી જતાં આ ઘટના બની હતી. ગુંગળામણના કારણે આ ઘટનામાં 6થી વધુ લોકોને અસર થતાં તેમને હોસ્પિટલમાં ખસેડાયા છે.

આ પણ વાંચો----ચીનમાં ફેલાય રહેલ બીમારી સામે રાજકોટ જિલ્લા આરોગ્ય તંત્ર એલર્ટ