'Modi Surname' Case : Rahul Gandhi ને સજા અપાવનાર પૂર્ણેશ મોદી પહોંચ્યા સુપ્રીમ કોર્ટ, કેવિયેટ પીટિશન કરી દાખલ
રાહુલ ગાંધી વિરૂદ્ધ બદનક્ષીની ફરિયાદ દાખલ કરનાર ભાજપના નેતા પૂર્ણેશ મોદીએ સુપ્રીમ કોર્ટમાં કેવિયેટ પીટિશન દાખલ કરી છે. તેણે પોતાનો પક્ષ સાંભળવા માટે સુપ્રીમ કોર્ટને અપીલ કરી છે. ગુનાહિત માનહાનિ કેસમાં ગુજરાત હાઈકોર્ટમાંથી રાહત ન મળતા રાહુલ ગાંધીએ સુપ્રીમ કોર્ટનો સંપર્ક કર્યો હતો. સુપ્રીમ કોર્ટે આ મામલાને સુનાવણી માટે સ્વીકારી લીધો છે. રાહુલ ગાંધીને નીચલી અદાલતે પૂર્ણેશ મોદીની ફરિયાદના આધારે જ સજા સંભળાવી હતી.
2019ની લોકસભા ચૂંટણી દરમિયાન કર્ણાટકમાં એક રેલી દરમિયાન રાહુલ ગાંધીએ મોદી સરનેમ પર ટિપ્પણી કરી હતી. આ ટિપ્પણી સામે ભાજપના ધારાસભ્ય પૂર્ણેશ મોદી દ્વારા ફરિયાદ દાખલ કરવામાં આવી હતી, જેના આધારે ચાર વર્ષ પછી, 23 માર્ચ, 2023 ના રોજ, ગુજરાતની સુરત કોર્ટે રાહુલ ગાંધીને ગુનાહિત માનહાનિ માટે દોષિત ઠેરવ્યા અને તેમને બે વર્ષની જેલની સજા ફટકારી હતી.
હાઈકોર્ટે અરજી ફગાવી દીધી હતી
નીચલી અદાલતના નિર્ણયને યોગ્ય ગણાવીને ગુજરાત હાઈકોર્ટે રાહુલ ગાંધી પરની સજાને રદ કરવાની અરજી ફગાવી દીધી હતી. આ વર્ષે 23 માર્ચે, સુરતની નીચલી અદાલતે 2019ની ચૂંટણી દરમિયાન કર્ણાટકમાં એક રેલીમાં ‘મોદી અટક’ વિશેના ભાષણ માટે રાહુલ ગાંધીને દોષિત ઠેરવ્યા હતા અને તેમને બે વર્ષની કેદ અને દંડની સજા ફટકારી હતી. જસ્ટિસ હેમંત પ્રિચકની બેન્ચે અરજી કરતી વખતે કહ્યું હતું કે રાહુલ ગાંધી કોઈપણ આધાર વિના રાહત મેળવવાનો પ્રયાસ કરી રહ્યા છે. ખંડપીઠે કહ્યું કે નીચલી અદાલતની સજા પર સ્ટે મૂકવો એ નિયમ નથી, પરંતુ અપવાદ છે અને તે માત્ર દુર્લભ કિસ્સાઓમાં જ થવો જોઈએ. બેંચે રાહુલ ગાંધી સામે ચાલી રહેલા 10 અપરાધિક કેસોનો પણ ઉલ્લેખ કર્યો.
આ પણ વાંચો : ગુજરાતમાં આરોગ્ય વીમા સહાયનો નવો અધ્યાય, રૂ. 2 લાખથી શરૂ થયેલી સહાય રૂ. 10 લાખ થઈ