મોદી કેબિનેટની બેઠકમાં મોટા નિર્ણયોને મંજૂરી, ખેડૂતો માટે 14 પાક પર MSP લાગુ...

કેન્દ્રની નરેન્દ્ર મોદી સરકાર 3.0 એ ખેડૂતો માટે મહત્વનો નિર્ણય લીધો છે. મોદી કેબિનેટની બેઠકમાં મોટા નિર્ણયોને મંજૂરી આપવામાં આવી છે. ખેડૂતો માટે 14 પાક પર MSP લાગુ કરવામાં આવી છે આ જાણકારી કેન્દ્રીય મંત્રી અશ્વિની વૈષ્ણવે આપી છે.

ખરીફ સીઝનના 14 પાક પર MSP મંજૂર...

કેન્દ્રીય કેબિનેટના નિર્ણયો પર, કેન્દ્રીય માહિતી અને પ્રસારણ મંત્રી અશ્વિની વૈષ્ણવે કહ્યું, "કેબિનેટે ડાંગર, રાગી, બાજરી, જુવાર, મકાઈ અને કપાસ સહિત 14 ખરીફ સીઝનના પાકો પર લઘુત્તમ ટેકાના ભાવ (MSP)ને મંજૂરી આપી છે." કેન્દ્રીય મંત્રી અશ્વિની વૈષ્ણવે કહ્યું કે "PM મોદીનો ત્રીજો કાર્યકાળ ખૂબ જ મહત્વપૂર્ણ છે કારણ કે તે ખેડૂતોના કલ્યાણ માટે ઘણા નિર્ણયો દ્વારા પરિવર્તન સાથે સાતત્ય પર ધ્યાન કેન્દ્રિત કરે છે."

ગત સિઝન કરતાં રૂ. 35,000 કરોડ વધુ છે...

ખરીફ સીઝનના પાક માટે MSP પર કેન્દ્રીય કેબિનેટના નિર્ણય પર માહિતી અને પ્રસારણ પ્રધાન અશ્વિની વૈષ્ણવે કહ્યું કે, "આજના નિર્ણયથી, ખેડૂતોને MSP તરીકે લગભગ રૂ. 2 લાખ કરોડ મળશે. આ ગત સીઝન કરતાં રૂ. 35,000 કરોડ વધુ છે.

મહારાષ્ટ્રના પાલઘર જિલ્લામાં પોર્ટ મંજૂર...

મહારાષ્ટ્રના વાધવન ખાતે ઓલ-વેધર ગ્રીનફિલ્ડ ડીપ-ડ્રાફ્ટ મેજર પોર્ટ વિકસાવવાના કેન્દ્રીય કેબિનેટના નિર્ણય અંગે અશ્વિની વૈષ્ણવે જણાવ્યું હતું કે, "મહારાષ્ટ્રના પાલઘર જિલ્લામાં દહાણુ ખાતે વાધવન પોર્ટ માટે રૂ. 76,200 કરોડનો પ્રોજેક્ટ મંજૂર કરવામાં આવ્યો છે. આ બંદર તેની ક્ષમતા 23 મિલિયન ટીયુ છે તે 12 લાખ નોકરીઓનું સર્જન કરશે.

ભારતનો પ્રથમ ઓફશોર વિન્ડ પાવર પ્રોજેક્ટ...

કેન્દ્રીય મંત્રી અશ્વિની વૈષ્ણવે જણાવ્યું હતું કે, "કેન્દ્રીય કેબિનેટે ભારતના પ્રથમ ઓફશોર વિન્ડ પાવર પ્રોજેક્ટને મંજૂરી આપીને એક ઐતિહાસિક નિર્ણય લીધો છે. આ 1GW ના ઓફશોર વિન્ડ પ્રોજેક્ટ્સ હશે, દરેકની ક્ષમતા 500 મેગાવોટ (ગુજરાત અને તમિલનાડુના દરિયાકાંઠે) હશે. ભારત માટે એક મોટી તક છે."

મહારાષ્ટ્રમાં વાધવન ખાતે ઓલ-વેધર ગ્રીનફિલ્ડ ડીપ-ડ્રાફ્ટ મેજર પોર્ટ વિકસાવવાના કેન્દ્રીય કેબિનેટના નિર્ણય પર, માહિતી અને પ્રસારણ પ્રધાન અશ્વિની વૈષ્ણવે કહ્યું, "તે IMEC (ભારત-મધ્ય પૂર્વ-યુરોપ કોરિડોર) નો અભિન્ન ભાગ હશે. જવાહરલાલ નેહરુ પોર્ટ ઓથોરિટી અને મહારાષ્ટ્ર મેરીટાઇમ બોર્ડના સંયુક્ત ઉપક્રમે બનાવવામાં આવશે તે વિશ્વના ટોચના 10 બંદરોમાંનું એક હશે."

આ પણ વાંચો : Jammu and Kashmir : કુપવાડાની જેલમાં મોટી દુર્ઘટના, ગેસ સિલિન્ડરમાં બ્લાસ્ટ, 9 કેદીઓ ગંભીર રીતે દાઝ્યા…

આ પણ વાંચો : Heat Wave ના કારણે આરોગ્ય મંત્રી જેપી નડ્ડાએ જાહેર કરી એડવાઈઝરી, આપી આ સલાહ…

આ પણ વાંચો : Bihar : અચાનક PM મોદીનો હાથ પકડી આંગળીઓ ચેક કરવા લાગ્યા નીતિશ કુમાર, જાણો શા માટે…