BJP ને મોટો ઝટકો, આ નેતાએ વિધાનસભાના સભ્યપદેથી આપ્યું રાજીનામું...
દિલ્હીના પૂર્વ મંત્રી કૈલાશ ગેહલોતે આપ્યું રાજીનામું દિલ્હી વિધાનસભા સભ્યપદેથી આપ્યું રાજીનામું રાજીનામું વિધાનસભા અધ્યક્ષ રામ નિવાસ ગોયલને મોકલ્યું 17 નવેમ્બરે AAP છોડીને BJP માં થયા હતા સામેલ દિલ્હીના પૂર્વ મંત્રી કૈલાશ ગેહલોતે દિલ્હી વિધાનસભાના સભ્યપદેથી રાજીનામું આપી દીધું...
05:54 PM Nov 27, 2024 IST
|
Dhruv Parmar
- દિલ્હીના પૂર્વ મંત્રી કૈલાશ ગેહલોતે આપ્યું રાજીનામું
- દિલ્હી વિધાનસભા સભ્યપદેથી આપ્યું રાજીનામું
- રાજીનામું વિધાનસભા અધ્યક્ષ રામ નિવાસ ગોયલને મોકલ્યું
- 17 નવેમ્બરે AAP છોડીને BJP માં થયા હતા સામેલ
દિલ્હીના પૂર્વ મંત્રી કૈલાશ ગેહલોતે દિલ્હી વિધાનસભાના સભ્યપદેથી રાજીનામું આપી દીધું છે. કૈલાશ ગેહલોતે બુધવારે 27 નવેમ્બરે પોતાનું રાજીનામું વિધાનસભા અધ્યક્ષ રામ નિવાસ ગોયલને મોકલી આપ્યું છે. તમને જણાવી દઈએ કે, ભારતીય જનતા પાર્ટી (BJP)માં સામેલ થયાના થોડા દિવસો બાદ તેમણે દિલ્હી વિધાનસભાના સભ્યપદેથી રાજીનામું આપી દીધું હતું.
કૈલાશ ગેહલોત 17 નવેમ્બરે આમ આદમી પાર્ટી (AAP)ના સભ્યપદેથી રાજીનામું આપીને ભાજપ (BJP)માં જોડાયા હતા. પૂર્વ મંત્રી કૈલાશ ગેહલોતે આમ આદમી પાર્ટીમાંથી રાજીનામું આપવા પાછળનું કારણ પણ જણાવ્યું હતું. તેમણે કહ્યું હતું કે, પાર્ટી દિલ્હીની જનતાને આપેલા મહત્વના વચનો પૂરા કરવામાં નિષ્ફળ રહી છે.
આ પણ વાંચો : મહારાષ્ટ્ર CM પદને લઈને વિવાદ હજુ પણ...!, ભાજપ પ્રદેશ અધ્યક્ષે કહ્યું આ કારણે થઇ રહ્યો છે વિલંબ...
અરવિંદ કેજરીવાલ પર કર્યો કટાક્ષ...
આ દરમિયાન, તેમણે ભૂતપૂર્વ CM અરવિંદ કેજરીવાલ પર પણ કટાક્ષ કર્યો અને 'શીશમહલ' જેવા કેટલાક વિચિત્ર અને શરમજનક વિવાદો ઉભા કર્યા.તેમણે કહ્યું કે, આનાથી દરેકને શંકા થાય છે કે શું આપણે હજી પણ 'સામાન્ય માણસ' તરીકે માનીએ છીએ. એટલું જ નહીં. ગેહલોતે AAP પર યમુના નદીને સાફ કરવામાં નિષ્ફળ જવાનો આરોપ પણ લગાવ્યો હતો. તમને જણાવી દઈએ કે, ભાજપ (BJP)માં જોડાયા બાદ જ પાર્ટીએ તેમને 23 નવેમ્બરે મોટી જવાબદારી સોંપી હતી. ભાજપે (BJP) કૈલાશ ગેહલોતને દિલ્હી વિધાનસભા ચૂંટણી સંકલન સમિતિના સભ્ય બનાવ્યા છે. વાસ્તવમાં દિલ્હીમાં આવતા વર્ષે વિધાનસભાની ચૂંટણી યોજાવાની છે, તેથી ભાજપે (BJP) અત્યારથી જ ચૂંટણીની તૈયારીઓ શરૂ કરી દીધી છે.
આ પણ વાંચો : મહારાષ્ટ્રમાં CM પદને લઈને સસ્પેન્સ ખતમ...!, એકનાથ શિંદેએ પ્રેસ કોન્ફરન્સ કરી કહી મોટી વાત...
કૈલાશ ગેહલોતે 2015 માં પ્રથમ ચૂંટણી જીતી હતી...
ભૂતપૂર્વ મંત્રી કૈલાશ ગેહલોતે કેબિનેટ મંત્રી તરીકે વહીવટી સુધારણા, પરિવહન, ગૃહ, મહિલા અને બાળ વિકાસ અને માહિતી ટેકનોલોજી સહીતના ઘણા મુખ્ય વિભાગોનું સંચાલન કર્યું હતું. આ ક્ષેત્રમાં નીતિઓ ઘડવામાં તેમનું યોગદાન મહત્વપૂર્ણ રહ્યું છે. ફેબ્રુઆરી 2015 માં, ગેહલોતે દિલ્હી વિધાનસભા ચૂંટણીમાં તેમની પ્રથમ જીત હાંસલ કરી. તેમણે નજફગઢ મતવિસ્તારનું પ્રતિનિધિત્વ કર્યું છે.
આ પણ વાંચો : 'મારો જીવ જોખમમાં છે' Lakshyaraj Singh Mewar એ આવું કેમ કહ્યું...!