Jai Shree Ram : શાળામાં 'જય શ્રી રામ' બોલવા પર વિદ્યાર્થીને બેરહેમીથી મારવામાં આવ્યો, શિક્ષક વિરુદ્ધ FIR
મધ્યપ્રદેશના શહડોલમાં શિક્ષકે વિદ્યાર્થીને બેરહેમીથી માર માર્યો. આરોપ છે કે શાળાની રજાઓ બાદ વિદ્યાર્થીએ જય શ્રી રામ (Jai Shree Ram)ના નારા લગાવ્યા હતા. આ વાતથી શિક્ષક એટલો નારાજ થયો કે તેણે વિદ્યાર્થીને માર માર્યો. પરિવારના સભ્યોની ફરિયાદના આધારે પોલીસે સ્કૂલ ડાયરેક્ટર અને શિક્ષક વિરુદ્ધ FIR નોંધી બંનેની ધરપકડ કરી છે.
આ મામલો બુધર પોલીસ સ્ટેશન વિસ્તારમાં ચાલતી ગ્રીન બેલ્સ પ્રાઈવેટ સ્કૂલનો છે. જ્યારે 7 મા ધોરણના વિદ્યાર્થીએ શાળા પુરી થયા બાદ જય શ્રી રામના (Jai Shree Ram) નારા લગાવ્યા ત્યારે શાળાના અંગ્રેજી શિક્ષક અબ્દુલ વાહિદ આનાથી નારાજ થયા અને તેમણે વિદ્યાર્થીને માર માર્યો. મારથી ઘાયલ વિદ્યાર્થીએ તેના પરિવારજનોને માર અંગે જણાવ્યું. આ પછી વિદ્યાર્થીના પરિવારજનો અને સ્થાનિક લોકો બુધર પોલીસ સ્ટેશન પહોંચ્યા અને વિરોધ કર્યો.
આરોપી શિક્ષક સામે કડક કાર્યવાહીની માંગ
વિદ્યાર્થીની ફરિયાદના આધારે, બુધર પોલીસે આરોપી શિક્ષક અને શાળાના ડિરેક્ટર વિરુદ્ધ જુવેનાઈલ જસ્ટિસ એક્ટની કલમ 153, 323, 500, 34 અને કલમ 82 હેઠળ FIR નોંધી છે. પરિવારજનોનું કહેવું છે કે તેમના બાળકને નિર્દયતાથી મારવામાં આવ્યો છે. તેણે પોલીસને આરોપી શિક્ષક સામે કડકમાં કડક કાર્યવાહી કરવાની અપીલ કરી છે.
આ મામલે પોલીસે આ વાત કહી હતી
બુધર પોલીસ સ્ટેશનના પ્રભારી સંજય જયસ્વાલે જણાવ્યું કે ગ્રીન બેલ્સ સ્કૂલમાં શિક્ષક દ્વારા વિદ્યાર્થીને માર મારવાનો મામલો સામે આવ્યો છે. વિદ્યાર્થીનો આરોપ છે કે જય શ્રી રામ (Jai Shree Ram) બોલવા પર તેની સાથે મારપીટ કરવામાં આવી હતી. તેને મારનાર શિક્ષક અને સ્કૂલ ડાયરેક્ટર વિરુદ્ધ FIR નોંધવામાં આવી છે અને બંનેની ધરપકડ કરવામાં આવી છે. કેસની તપાસ ચાલી રહી છે.
આ પણ વાંચો : Heart Attack : 5 વર્ષની બાળકીનું હાર્ટ એટેકથી મોત, માતા સાથે મોબાઈલ પર કાર્ટૂન જોઈ રહી હતી…
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ