Israel નો બેરુતમાં હુમલો, જમીન આસમાન કરી નાખ્યું તહસ નહસ

• ઈઝરાયેલે ફરી એકવાર લેબેનોનની રાજધાની બેરૂત પર હવાઈ હુમલો કર્યો
• બેરૂતના દક્ષિણી ઉપનગરોમાં 17 હુમલા
• હવાઈ હુમલામાં ઓછામાં ઓછા 6 લોકો માર્યા ગયા

Israel Attacks Lebanon : ઈરાન હુમલા બાદ બદલો લેવા માટે ઉશ્કેરાયેલા ઈઝરાયેલે ફરી એકવાર લેબેનોનની રાજધાની બેરૂત પર હવાઈ હુમલો (Israel Attacks Lebanon) કર્યો છે. બેરૂતના દક્ષિણી ઉપનગરોમાં 17 હુમલા થયા હતા. ભીષણ હુમલા બાદ આગ ફાટી નીકળી હતી. એક ફૂટેજમાં બિલ્ડિંગમાંથી કાળો ધુમાડો નીકળતો જોવા મળી રહ્યો છે. હવાઈ ​​હુમલામાં નજીકના મકાનો અને પાર્ક કરેલા વાહનોને પણ નોંધપાત્ર નુકસાન થયું છે.

હવાઈ હુમલામાં ઓછામાં ઓછા 6 લોકો માર્યા ગયા

સિન્હુઆ ન્યૂઝ એજન્સીના અહેવાલ મુજબ, એમ્બ્યુલન્સ અને બચાવ ટીમ બચાવ માટે વિસ્તારમાં પહોંચી ગઈ છે. લેબનીઝ આરોગ્ય મંત્રાલયના જણાવ્યા અનુસાર, અલ-બચૌરા વિસ્તારમાં થયેલા હવાઈ હુમલામાં ઓછામાં ઓછા 6 લોકો માર્યા ગયા છે.

આ પણ વાંચો---Iran Israel War : અમેરિકાએ ઇઝરાયલ માટે લક્ષ્મણ રેખા ખેંચી, G-7 દેશોના નેતાઓની બેઠક

મિસાઈલ દક્ષિણી ઉપનગર દહિયા પર પડી

ઈઝરાયેલે એક નિવેદન જારી કરીને કહ્યું છે કે બેરૂત પર ચોક્કસ હવાઈ હુમલો કરવામાં આવ્યો છે. સુરક્ષા સૂત્રોએ જણાવ્યું હતું કે તેણે મધ્ય બેરૂતના બચૌરા પડોશમાં સંસદની નજીકની ઇમારતને નિશાન બનાવી હતી. લેબનીઝ વોટ્સએપ ગ્રુપ પર તસવીરો મોકલવામાં આવી રહી છે. તસ્વીરોમાં ક્ષતિગ્રસ્ત મકાન દેખાય છે. પહેલા માળે આગ લાગી છે. લેબનીઝ સુરક્ષા અધિકારીઓએ જણાવ્યું હતું કે ત્રણ મિસાઇલો દક્ષિણી ઉપનગર દહિયાહ પર પડી હતી.

ઈરાને ઈઝરાયેલ પર હુમલો કર્યો હતો

ઈઝરાયેલના હુમલામાં ઉગ્રવાદી સંગઠન હિઝબુલ્લાના ચીફ હસન નસરાલ્લાહ અને અન્ય કમાન્ડરોના મોતના જવાબમાં ઈરાને ઈઝરાયેલ પર લગભગ 200 મિસાઈલો છોડી હતી. ઈરાની કાર્યવાહી બાદ ઈઝરાયેલના વડાપ્રધાન બેન્જામિન નેતન્યાહુએ કહ્યું કે ઈરાન ભારે કિંમત ચૂકવશે.

નસરાલ્લાહના મૃત્યુ બાદ ઈરાન આક્રમક બન્યું હતું

ઈઝરાયેલે તેની આસપાસના તમામ દેશો અને સંગઠનો પર વ્યવસ્થિત રીતે હુમલો કરીને તેમનો નાશ કરવાનું શરૂ કર્યું. જુલાઈ 2024માં હમાસ નેતા ઈસ્માઈલ હાનિયાની હત્યા થઈ હતી. ઈઝરાયેલે પેજર હુમલાથી હિઝબુલ્લાહની કમર તોડી નાખી હતી. હસન નસરાલ્લાહના મોત બાદ ઈરાન ઘણું આક્રમક બની ગયું છે. જોકે તે અગાઉ પણ ઈઝરાયેલ પર હુમલો કરી ચૂક્યું છે.

આ પણ વાંચો---હિઝબુલ્લાહ પર ઈઝરાયેલનો અત્યાર સુધીનો સૌથી ઘાતક હવાઈ હુમલો, 150 થી વધુ ઠેંકાણા નષ્ટ કર્યા