Update : Air Show જોવા માટે લોકોની ભીડ ઉમટી, 5 લોકોના મોત, 30 હોસ્પિટલમાં દાખલ

1. Indian Air Force દ્વારા Air Show નું આયોજન
2. એર શો જોવા મોટી સંખ્યામાં લોકો ઉમટી પડ્યા
3. યોગ્ય વ્યવસ્થા ન હોવાના કારણે લોકો પરેશાન થયા

રવિવારે મરિના બીચ નજીક ભારતીય વાયુસેનાના વિમાનોના એર શો (Air Show)નું આયોજન કરવામાં આવ્યું હતું. આ દરમિયાન હજારો લોકોની ભીડ એકઠી થઈ ગઈ હતી. મોટી ભીડને કારણે પાંચ લોકોના મોત થયા છે, જ્યારે ઘણા લોકોને હોસ્પિટલમાં દાખલ કરવામાં આવ્યા છે. શહેર પોલીસના એક વરિષ્ઠ અધિકારીએ જણાવ્યું હતું કે એક વ્યક્તિનું દરિયા કિનારે અને ચાર અન્ય આસપાસના વિસ્તારોમાં મૃત્યુ પામ્યા હતા. તેણે જણાવ્યું કે આ પાંચેય લોકો એર શો (Air Show) જોવા માટે આવ્યા હતા.

પ્રખર તડકામાં ઉભા રહેલા લોકો...

વાસ્તવમાં, ભારતીય વાયુસેનાનો એર શો (Air Show) જોવા માટે હજારો લોકો પ્રખર તડકામાં ઓછામાં ઓછા 2 થી 3 કલાક ઊભા રહ્યા હતા. આ ભીડમાં કેટલાક લોકોએ પોતાની સુરક્ષા માટે છત્રીઓ પકડી રાખી હતી. જો કે એર શો (Air Show) સવારે 11 વાગ્યાથી બપોરે 1 વાગ્યાની વચ્ચે રાખવામાં આવ્યો હતો, પરંતુ મોટાભાગના લોકો ઓછામાં ઓછા એક કલાક પહેલા જ સ્થળ પર પહોંચી ગયા હતા.

આ પણ વાંચો : Chinese Spy Balloon થી ચીન કરી રહ્યું છે, ભારત-અમેરિકાની જાસૂસી....

લોકોમાં ડિહાઇડ્રેશનના લક્ષણો...

જણાવવામાં આવી રહ્યું છે કે ડીહાઈડ્રેશનના લક્ષણો ધરાવતા 30 થી વધુ લોકોને નજીકની સરકારી હોસ્પિટલોમાં લઈ જવામાં આવ્યા હતા. તમામ લોકોને સારવાર આપવામાં આવી રહી છે. વાસ્તવમાં એર શો બાદ આસપાસના તમામ રસ્તાઓ જામ થઈ ગયા હતા. બસ સ્ટેશન અને મેટ્રો સહિત તમામ સ્થળોએ લોકોની ભીડ જોવા મળી હતી. આ સમય દરમિયાન, લોકોએ બસ પકડવા અથવા મેટ્રો સ્ટેશન સુધી પહોંચવા માટે લાંબા અંતર સુધી ચાલવું પડ્યું. પોલીસનું કહેવું છે કે તેમણે ભીડને સફળતાપૂર્વક કાબૂમાં લીધી હતી.

આ પણ વાંચો : Champai Soren ને જમશેદપુરની હોસ્પિટલમાં દાખલ કરવામાં આવ્યા

વિપક્ષે સરકાર પર આરોપ લગાવ્યો...

દરમિયાન, વિપક્ષી નેતા અને AIADMK વડા કે પલાનીસ્વામીએ આ ઘટના માટે DMK સરકારની નિંદા કરી હતી. તેમણે આક્ષેપ કર્યો હતો કે સરકાર આવી મહત્વપૂર્ણ ઘટના માટે યોગ્ય વ્યવસ્થા કરવામાં નિષ્ફળ ગઈ છે. તેમણે શોકગ્રસ્ત લોકો પ્રત્યે સંવેદના વ્યક્ત કરી હતી.

આ પણ વાંચો : Punjab માં અંગત અદાવતમાં AAP નેતાની છાતીને ગોળીઓથી વિંધી નાખી