IND vs NZ : જાણો ટીમ ઈન્ડિયા માટે World Cup ફાઇનલથી પણ મહત્વની કેમ છે આજની મેચ
World Cup 2023ની મેચ નંબર 22માં ભારત અને ન્યૂઝીલેન્ડ આમને સામને જોવા મળશે. આ મેચ ધર્મશાલાના HPCA સ્ટેડિયમમાં રમાવાની છે. ટીમ ઈન્ડિયા આ વર્લ્ડ કપમાં શાનદાર ફોર્મમાં જોવા મળી રહી છે. ત્યારે ભારતીય ટીમની નજર આજની મેચ જીતવા પર રહેશે. ઓસ્ટ્રેલિયા, અફઘાનિસ્તાન, પાકિસ્તાન અને બાંગ્લાદેશને હરાવ્યા બાદ ભારતીય ટીમ હવે ન્યૂઝીલેન્ડનો સામનો કરવા માટે સંપૂર્ણ રીતે તૈયાર છે. ટીમ ઈન્ડિયા આજે 2019 વર્લ્ડ કપમાં મળેલી હારનો બદલો લેવા માટે મેદાને ઉતરશે.
ભારત અને ન્યૂઝીલેન્ડ વચ્ચે આજે મેચ
વર્લ્ડ કપ 2019 માં, ન્યૂઝીલેન્ડે ભારતને 18 રનથી હરાવ્યું અને વર્લ્ડ કપ અભિયાનમાંથી બહાર થઈ ગયું હતું. તે મેચમાં ભારતની જીતની છેલ્લી આશા MS Dhoni પર ટકેલી હતી. આ મેચમાં ધોની રનઆઉટ થયો અને ભારતીય ટીમ મેચ હારી ગઈ. વર્લ્ડ કપમાં ભારત અને ન્યૂઝીલેન્ડની ટીમ ફરી એકવાર સામસામે આવવાની છે. જણાવી દઇએ કે, ભારતીય ટીમ ODI વર્લ્ડ કપ 2023માં શાનદાર ક્રિકેટ રમી રહી છે. ચાર મેચ, ચાર જીત સાથે ટીમ ઈન્ડિયા પોઈન્ટ ટેબલ પર ટોપ 2 માં સામેલ છે. જોકે, ભારતે આગામી મેચમાં તેના સૌથી મોટા પડકાર ન્યૂઝીલેન્ડનો સામનો કરવાનો છે. આના બે કારણો છે - એક, આ બંને ટીમોનો તાજેતરનો ઈતિહાસ, બીજું, ODI વર્લ્ડ કપનો રેકોર્ડ, જે દરેક ભારતીય ચાહકોને માથાનો દુખાવો કરશે.
Top of the standings clash 😍
Who's winning this high-stakes #CWC23 match today?
More on #INDvNZ ➡️ https://t.co/bPvMORvTDP pic.twitter.com/vDHt2ytFfC
— ICC (@ICC) October 22, 2023
ધોનીની અંતિમ મેચ અને કરોડો દર્શકોના આંખમાં આસુ
આ અંગે ટીમ ઈન્ડિયાના કેપ્ટન રોહિત શર્માએ પણ કહ્યું કે હવે અમે રેકોર્ડ તરફ આગળ વધીશું. 2003ના વર્લ્ડ કપ બાદ ભારતે કોઈપણ ICC ટુર્નામેન્ટમાં ન્યૂઝીલેન્ડને હરાવ્યું નથી. ભારતે એમએસ ધોનીની કપ્તાનીમાં 2007નો T20 વર્લ્ડ કપ જીત્યો હતો. આ સમગ્ર ટૂર્નામેન્ટમાં માત્ર એક ટીમે ભારતને હરાવ્યું હતું અને તે ટીમ ન્યૂઝીલેન્ડ છે. 2016 T20 વર્લ્ડ કપની પહેલી જ મેચમાં ન્યૂઝીલેન્ડે ભારતને 47 રને હરાવ્યું હતું. આ પછી, 2019 વર્લ્ડ કપની સેમિફાઇનલ દરેકના મગજમાં આજે પણ છે. માન્ચેસ્ટરમાં રમાયેલી આ મેચમાં ભારતને 240 રનનો ટાર્ગેટ મળ્યો હતો. રવિન્દ્ર જાડેજાએ 77 રન અને એમએસ ધોનીએ 50 રન બનાવ્યા હતા, પરંતુ આ મેચને જીતવા માટે પૂરતું નહોતું. ભારત 221 રનમાં ઓલઆઉટ થઈ ગયું હતું. તે ધોનીની આંતરરાષ્ટ્રીય ક્રિકેટમાં છેલ્લી મેચ હતી. આ મેચમાં હારથી ભારતીય ચાહકોને લાંબા સમય સુધી દુઃખ રહેશે. કેટલાક કદાચ આજે પણ તેને ભૂલી શકશે નહીં. તે મેચમાં હાર મળ્યા બાદ કરોડો દર્શકોના આંખમાં આસુ આવ્યા હોવાનું પણ ખૂબ ચર્ચામાં આવ્યું હતું.
The hosts 🆚 Resilient Kiwis
India take on a red-hot New Zealand with both teams hoping to continue their winning momentum.
Tune in to watch ➡️ https://t.co/ObsrEL7ZMT#INDvNZ pic.twitter.com/Roi7jVSh0r
— ICC (@ICC) October 22, 2023
કારમી હાર
આ રવિવારે, જ્યારે ભારતીય ટીમ ધર્મશાલામાં ન્યૂઝીલેન્ડ સામે લીગ મેચ રમશે, ત્યારે ગયા વર્લ્ડ કપમાં મળેલી કડવી હારની યાદો લગભગ દરેકના મગજમાં એકવાર ફરી તાજા થઇ જશે. અહીં ટોચના ક્રમના બેટ્સમેનોના સ્કોર હતા જ્યારે ન્યૂઝીલેન્ડ તે સેમિફાઇનલમાં 239 રનનો પીછો કરી રહ્યું હતું.
કેએલ રાહુલ – 1 રન
રોહિત શર્મા – 1 રન
વિરાટ કોહલી- 1 રન
દિનેશ કાર્તિક- 6 રન
ઋષભ પંત અને હાર્દિક પંડ્યાએ 32-32 રનની ઈનિંગ્સ રમી હતી અને ધોની ધીમી ઈનિંગ્સ રમ્યા બાદ ખૂબ જ મુશ્કેલીથી 50 રન બનાવી શક્યો હતો અને તેના મુખ્ય ફોર્મથી દૂર હતો. માત્ર રવિન્દ્ર જાડેજાએ ઝડપી રમત રમી અને માત્ર 59 બોલમાં 77 રન ઉમેર્યા પરંતુ તે પૂરતું ન હતું.
ભારત vs ન્યૂઝીલેન્ડ વચ્ચેના આંકડા
ભારત અને ન્યૂઝીલેન્ડ વચ્ચે ODI ફોર્મેટમાં કુલ 62 મેચ રમાઈ છે. ભારતે 22 મેચ જીતી છે જ્યારે ન્યૂઝીલેન્ડે 13 મેચ જીતી છે. બંને ટીમો વચ્ચે 27 મેચ ડ્રોમાં ખતમ થઈ છે. બંને ટીમો 50 ઓવરના વર્લ્ડ કપની નવ મેચ રમી છે. જેમાંથી ન્યૂઝીલેન્ડે પાંચ મેચ જીતી હતી જ્યારે ભારત ત્રણ વખત વિજયી બન્યું હતું. એક મેચ પરિણામ વિના સમાપ્ત થઈ. આ ટીમો વચ્ચે સૌથી તાજેતરની વર્લ્ડ કપ મેચ 2019 માં ઓલ્ડ ટ્રેફોર્ડ, માન્ચેસ્ટર ખાતે યોજાઈ હતી, જ્યાં કેન વિલિયમસનની ટીમે નજીકની જીત નોંધાવી હતી અને વર્લ્ડ કપ ફાઇનલમાં પ્રવેશ કર્યો હતો.
કુલ રમાયેલ મેચઃ 116
ભારત જીત્યું: 58
ન્યુઝીલેન્ડ દ્વારા જીત્યું: 50
મેચ ડ્રોમાં સમાપ્ત થઈ: 07
ટીમો નીચે મુજબ છે
ભારત: રોહિત શર્મા (કેપ્ટન), શુભમન ગિલ, વિરાટ કોહલી, શ્રેયસ ઐયર, લોકેશ રાહુલ, રવિન્દ્ર જાડેજા, શાર્દુલ ઠાકુર, જસપ્રિત બુમરાહ, મોહમ્મદ સિરાજ, કુલદીપ યાદવ, મોહમ્મદ શમી, રવિચંદ્રન અશ્વિન, ઈશાન કિશન અને સૂર્યકુમાર યાદવ.
ન્યૂઝીલેન્ડ: ટોમ લાથમ (કેપ્ટન), ડેવોન કોનવે, વિલ યંગ, માર્ક ચેપમેન, ડેરીલ મિશેલ, જેમ્સ નીશમ, ગ્લેન ફિલિપ્સ, રચિન રવિન્દ્ર, મિશેલ સેન્ટનર, ઈશ સોઢી, ટિમ સાઉથી, ટ્રેન્ટ બોલ્ટ, લોકી ફર્ગ્યુસન અને મેટ હેનરી.
આ પણ વાંચો - વર્લ્ડકપમાં આજે ભારત- ન્યૂઝિલેન્ડ વચ્ચે ધર્મશાળામાં મહા-મુકાબલો, ફાસ્ટ બોલરો માટે અનુકુળ સાબિત થઇ છે અહીંની પીચ
આ પણ વાંચો - Team India : ન્યૂઝીલેન્ડની મેચ પહેલા ભારતને મોટો ઝટકો, આ ખેલાડીને મધમાખીએ માર્યો ડંખ અને પછી…
ગુજરાત ફર્સ્ટ તમને સમાચારોથી હંમેશા અવગત રાખશે