સોશિયલ મીડિયા પ્રોફાઈલમાંથી 'Modi ka Parivar' હટાવી શકો છો, PM નો સમર્થકોને સંદેશ

Modi ka Parivar : મોદી 3.0 ની શરૂઆત થઇ ગઇ છે. નરેન્દ્ર મોદી (Narendra Modi) એ દેશના ત્રીજી વખત વડાપ્રધાન (Prime Minister) તરીકે શપથ (Oath) લઇ લીધા છે. વડાપ્રધાન મોદીના નેતૃત્વમાં ભાજપે લોકસભાની 543માંથી 240 બેઠકો જીતી છે. વળી ભાજપની આગેવાની હેઠળના NDA ગઠબંધનને દેશભરમાં કુલ 293 બેઠકો મળી છે. વડાપ્રધાન મોદીએ આ જીત માટે ફરી એકવાર જનતા અને તેમના સમર્થકોનો આભાર માન્યો છે. આ સાથે વડાપ્રધાન મોદીએ તેમના સમર્થકોને તેમની સોશિયલ મીડિયા પ્રોફાઈલમાથી 'Modi ka Parivar'ને હટાવવાની અપીલ કરી છે.

PM ની અપીલ, મોદી કા પરિવાર કરો દૂર

લોકસભા ચૂંટણી 2024 પહેલા, ભાજપના ઘણા મોટા નેતાઓએ તેમના સોશિયલ મીડિયા એકાઉન્ટ્સનો BIO બદલ્યો અને નામ સાથે 'મોદીનો પરિવાર' ઉમેર્યું. હવે વડાપ્રધાન મોદીએ દેશભરના લોકોને તેમની સોશિયલ મીડિયા પ્રોફાઇલમાંથી મોદીના પરિવારને દૂર કરવા વિનંતી કરી છે. વડાપ્રધાન મોદીએ X પર પોસ્ટ કરીને લખ્યું, "ચૂંટણી પ્રચાર દરમિયાન, સમગ્ર ભારતમાં લોકોએ મારા પ્રત્યેના તેમના સ્નેહના પ્રતીક તરીકે 'મોદી કા પરિવાર'ને તેમના સોશિયલ મીડિયામાં ઉમેર્યું. આનાથી મને ઘણી શક્તિ મળી. ભારતના લોકોએ NDA ને સતત ત્રીજી વખત બહુમતી આપી છે, જે એક પ્રકારનો રેકોર્ડ છે અને અમને દેશની ભલાઈ માટે કામ કરતા રહેવાનો આદેશ આપ્યો છે. PM મોદીએ ટ્વિટર પર પોસ્ટ કર્યું, "અમે બધા એક પરિવાર છીએ તે સંદેશ અસરકારક રીતે પહોંચાડ્યા પછી, હું ફરી એકવાર ભારતના લોકોનો આભાર માનું છું અને વિનંતી કરું છું કે તમે હવે તમારી સોશિયલ મીડિયા પ્રોપર્ટીઝમાંથી 'મોદીના પરિવાર'ને દૂર કરો. ભારતની પ્રગતિ માટે પ્રયત્નશીલ એક પરિવાર તરીકે અમારું બંધન મજબૂત અને અતૂટ છે."

વડાપ્રધાન જશે વિદેશ પ્રવાસે

ઉલ્લેખનીય છે કે PM મોદી સતત ત્રીજી વખત કાર્યભાર સંભાળ્યા બાદ પોતાની પ્રથમ વિદેશ યાત્રા પર જઈ રહ્યા છે. આ અંતર્ગત તેઓ વાર્ષિક G7 સમિટમાં ભાગ લેવા માટે આ અઠવાડિયે ઈટાલી જશે. G-7 સમિટ ઈટાલીના અપુલિયા વિસ્તારમાં લક્ઝરી રિસોર્ટ બોર્ગો એગ્નાઝિયા ખાતે 13 થી 15 જૂન દરમિયાન યોજાવાની છે. યુક્રેનમાં યુદ્ધ અને ગાઝા સંઘર્ષનો મુદ્દો બેઠકમાં પ્રભુત્વ ધરાવે છે. G-7 એ વિશ્વની સાત અદ્યતન અર્થવ્યવસ્થાઓનો સમૂહ છે જેમાં અમેરિકા, બ્રિટન, ફ્રાન્સ, ઇટાલી, જર્મની, કેનેડા અને જાપાનનો સમાવેશ થાય છે.

આ પણ વાંચો - ઓડિશાના નવા મુખ્યમંત્રી બન્યા Mohan Charan Majhi

આ પણ વાંચો - મહારાષ્ટ્રના રાજકારણમાં ઉથલપાથલની અટકળો! શિંદે અને અજીત પવારના MLA કરી શકે છે બળવો