સોમવારે 'Singham Again' એ બોક્સ ઓફિસ પર મચાવી ધૂમ કે પછી થયું સૂરસૂરિયું! વાંચો વિગત

1. 'Singham Again' એ વીકએન્ડમાં ધમાલ મચાવી હતી
2. સોમવારે પણ ફિલ્મે બોક્સ ઓફિસ પર સારી કમાણી કરી છે.
3. ડોમેસ્ટિક બોક્સ ઓફિસ પર 17.50 કરોડ રૂપિયાનો બિઝનેસ કર્યો

અભિનેતા અજય દેવગનની (Ajay Devgn) મલ્ટિસ્ટારર અને મોસ્ટ અવેટેડ ફિલ્મ 'સિંઘમ અગેન' ગયા શુક્રવારે સિનેમાઘરોમાં રિલીઝ થઈ હતી. આ એક્શન થ્રિલર ફિલ્મે પહેલા વીકએન્ડ પર સારી કમાણી કરી છે, પરંતુ સોમવારે ફિલ્મે બોક્સ ઓફિસ પર કેવું પ્રદર્શન કર્યું તે જાણવા માટે ફેન્સમાં ઉત્સુકતા છે.

જણાવી દઈએ કે, રોહિત શેટ્ટી (Rohit Shetty) દ્વારા નિર્મિત આ ફિલ્મ 'સિંઘમ અગેન', તેની સિંઘમ ફ્રેન્ચાઇઝીની ત્રીજી ફિલ્મ છે જે વર્ષ 2011 માં શરૂ થઈ હતી. 'સિંઘમ' અને 'સિંઘમ રિટર્ન્સે' થિયેટરોમાં મોટી કમાણી કરી હતી. આવી સ્થિતિમાં રોહિત શેટ્ટીએ 'સિંઘમ અગેન' ને મજબૂત બનાવવામાં કોઈ કસર છોડી નથી. અક્ષય કુમારથી લઈને સલમાન ખાન સુધીનાં ઘણા સ્ટાર્સે આ ફિલ્મમાં કેમિયો કર્યો છે.

'સિંઘમ અગેન' નો બોક્સ ઓફિસ રિપોર્ટ

મીડિયા રિપોર્ટ અનુસાર, ડોમેસ્ટિક બોક્સ ઓફિસ પર લગભગ રૂ. 44 કરોડની ઓપનિંગ કમાણી સાથે સિંઘમ અગેને (Singham Again Collection) ત્રણ દિવસ સુધીમાં કરોડો રૂપિયાની કમાણી કરી છે. રિપોર્ટ્સ અનુસાર, સિંઘમ અગેન એ ત્રણ દિવસ દરમિયાન 125 કરોડ રૂપિયાનો બિઝનેસ કરી લીધો છે, પરંતુ હવે ગેમ બદલાઈ ગઈ છે. સિંઘમે સોમવારની પરીક્ષામાં કેટલા માર્કસ મેળવ્યા છે તેના પ્રાથમિક આંકડા બહાર આવ્યા છે.

આ પણ વાંચો - Box Office Collection:'સિંઘમ અગેન' નાં વંટોળ સામે ભૂલ ભૂલૈયા 3 ધ્વસ્ત! કમાણીમાં નીકળી આગળ

સોમવારનાં દિવસે સિંઘમની સ્થિતિ

મીડિયા રિપોર્ટ મુજબ, સિંઘમ અગેનનું મન્ડે કલેક્શન અત્યાર સુધીનાં તેના વીકએન્ડ કલેક્શન કરતાં અડધું છે. સેકનિલ્કનાં અર્લી ટ્રેડ મુજબ, અજય દેવગન સ્ટારર ફિલ્મે સ્થાનિક બોક્સ ઓફિસ પર 17.50 કરોડ રૂપિયાનો બિઝનેસ કર્યો છે. આમ, ચોથા દિવસનું કલેક્શન સામાન્ય રહ્યું છે અને જો ફિલ્મ નોન-વીકએન્ડમાં પણ આ રીતે કમાણી કરતી રહેશે તો તે દિવસ દૂર નથી કે તે ટોપ 10 સૌથી વધુ કમાણી કરનાર ફિલ્મોની યાદીમાં સામેલ થઈ જશે. Sacnilk અનુસાર અત્યાર સુધીનું કુલ કલેક્શન રૂ. 139.25 કરોડ નોંધાયું છે.

આ પણ વાંચો - Box Office Collection : 'Bhool Bhulaiyaa 3' કે 'Singham Again', રિલીઝનાં બે દિવસમાં કોણ છે આગળ ?

બોલિવૂડ સ્ટાર્સથી ભરેલી છે ફિલ્મ

સિંઘમ અગેનને રસપ્રદ બનાવવા માટે, ફિલ્મ નિર્માતા રોહિત શેટ્ટીએ તેનો આધાર રામાયણ સાથે જોડ્યો અને ઘણા સ્ટાર્સે ફિલ્મમાં કેમિયો પણ કર્યો છે. સૂર્યવંશી (Akshay Kumar) અને સિમ્બા (Ranveer Singh) એ રોહિત શેટ્ટીની કોપ યુનિવર્સમાંથી સિંઘમ અગેનમાં કેમિયો કર્યો હતો. આ સાથે દબંગના ચુલબુલ પાંડે સલમાન ખાનનો (Salman Khan) સ્પેશિયલ અપિયરન્સ પણ અદ્ભુત છે. આ સ્ટાર્સ સિવાય લેડી સિંઘમ દીપિકા પાદુકોણ, ટાઈગર શ્રોફ, જેકી શ્રોફ અને વિલનની ભૂમિકા ભજવનાર અર્જુન કપૂર પણ મહત્ત્વની ભૂમિકામાં છે.

આ પણ વાંચો - Helena Luke Passed Away:મિથુન ચક્રવર્તીની એક્સ વાઈફનું નિધન, 'મર્દ'માં અમિતાભ બચ્ચન સાથે કર્યું હતું કામ