Asia cup 2023 : Team India જશે પાકિસ્તાન...!, અરૂણ ધૂમલે એશિયા કપને લઈને કરી મોટી જાહેરાત
એશિયા કપને લઈને એક મોટું અપડેટ આવ્યું છે. ભારત અને પાકિસ્તાન વચ્ચે એશિયા કપની બહુચર્ચિત મેચ શ્રીલંકામાં યોજાશે કારણ કે રોહિત શર્માની આગેવાની હેઠળની ભારતીય ટીમ પાકિસ્તાન નહીં જાય. આઈપીએલના ચેરમેન અરુણ ધૂમલે બુધવારે આ વાતની પુષ્ટિ કરી છે. ધૂમલ હાલમાં ICC ચીફ એક્ઝિક્યુટિવ્સની બેઠક માટે ડરબનમાં છે. તેણે એ વાતની પુષ્ટિ કરી કે BCCI સેક્રેટરી જય શાહ અને PCB ના વડા ઝકા અશરફે એશિયા કપના શેડ્યૂલને અંતિમ રૂપ આપવા માટે ગુરુવારની ICC બોર્ડની બેઠક પહેલા બેઠક કરી હતી.
ધૂમલે ડરબનથી પીટીઆઈને કહ્યું, "જય શાહ પીસીબીના વડા ઝકા અશરફને મળ્યા હતા અને એશિયા કપનું શેડ્યૂલ નક્કી કરવામાં આવ્યું હતું." આ અગાઉ જે વાત કરવામાં આવી હતી તેના અનુરૂપ છે. પાકિસ્તાનમાં લીગ તબક્કાની ચાર મેચો રમાશે અને ત્યારબાદ શ્રીલંકામાં નવ મેચો રમાશે. જેમાં ભારત અને પાકિસ્તાનની મેચ સામેલ છે. જો બંને ટીમો ફાઈનલ રમશે તો તે પણ શ્રીલંકામાં થશે. તેણે પાકિસ્તાની મીડિયામાં આવી રહેલી અટકળોને નકારી કાઢી હતી કે ભારતીય ટીમ પાકિસ્તાન જશે.
એશિયા કપ દરમિયાન પાકિસ્તાનમાં ચાર મેચો રમાવાની છે
એશિયા કપ 31 ઓગસ્ટથી 17 સપ્ટેમ્બર સુધી રમાશે અને 6 ટીમો વચ્ચે કુલ 13 મેચો રમાશે. તેમાં ફાઈનલનો પણ સમાવેશ થાય છે, જે કદાચ શ્રીલંકામાં જ રમાશે. આ ટૂર્નામેન્ટમાં પાકિસ્તાન માત્ર 4 મેચોની યજમાની કરશે જ્યારે બાકીની 9 મેચ શ્રીલંકામાં યોજાશે. જો કે, ભારત અને પાકિસ્તાન વચ્ચેની મેચ શ્રીલંકાના દામ્બુલામાં રમાશે. તે જ સમયે, પાકિસ્તાન તેની એકમાત્ર મેચ નેપાળ સામે ઘરઆંગણે રમશે. આ સિવાય અફઘાનિસ્તાન વિરુદ્ધ બાંગ્લાદેશ, બાંગ્લાદેશ વિરુદ્ધ શ્રીલંકા અને શ્રીલંકા વિરુદ્ધ અફઘાનિસ્તાનની મેચ પાકિસ્તાનમાં યોજાશે.
મેચ 50 ઓવરના ફોર્મેટમાં હશે
આ વખતે એશિયા કપ 50 ઓવરના ફોર્મેટમાં રમાશે. એશિયા કપ 2023 માં ભારત, પાકિસ્તાન, શ્રીલંકા, અફઘાનિસ્તાન, બાંગ્લાદેશ અને નેપાળ ભાગ લેવા જઈ રહ્યા છે. ભારત, નેપાળ અને પાકિસ્તાન એક જ ગ્રુપમાં સામેલ છે. જ્યારે શ્રીલંકા, બાંગ્લાદેશ અને અફઘાનિસ્તાન બીજા ગ્રુપમાં રહેશે. બંને ગ્રુપમાંથી બે-બે ટીમ સુપર 4 માં પહોંચશે. ત્યારબાદ રાઉન્ડ રોબિન ફોર્મેટ હેઠળ સુપર-4 માં કુલ 6 મેચો રમાશે. આ પછી, બે ટીમો ફાઇનલમાં પહોંચશે અને તેમની વચ્ચે ટાઇટલ મેચ રમાશે.
આ પણ વાંચો : IND vs WI : Team India ની નવી જર્સીમાં એવું તે શું છે કે ફેન્સ ભડક્યા