મહારાષ્ટ્રમાં 4 નક્સલવાદી ઠાર, AK47 સહિત અનેક હથિયારો મળી આવ્યા
ભારતમાં થોડા દિવસોમાં લોકસભા ચૂંટણી 2024 (Lok Sabha Election 2024) યોજાવાની છે. આ માટે ચૂંટણી પંચ (Election Commission) અને રાજકીય પક્ષોએ પોતપોતાની તૈયારીઓ શરૂ કરી દીધી છે. જોકે, ચૂંટણી (Election) દરમિયાન સુરક્ષા દળો સામેના પડકારોમાં પણ નોંધપાત્ર વધારો થયો છે. સમાચાર આવી રહ્યા છે કે નક્સલવાદીઓ (Naxalites) લોકસભા ચૂંટણી દરમિયાન મોટી ખલેલ પહોંચાડવાની તૈયારી કરી રહ્યા છે. આ ક્રમમાં ગઢચિરોલી (Gadchiroli) માં મહારાષ્ટ્ર પોલીસની કમાન્ડો ટીમ (Commando Team) અને નક્સલવાદીઓ વચ્ચે એક મોટું એન્કાઉન્ટર થયું. આ એન્કાઉન્ટરમાં 4 નક્સલવાદી માર્યા ગયા છે.
મહારાષ્ટ્રના ગઢચિરોલીમાં નક્સલવાદીઓ સાથેના એન્કાઉન્ટરમાં પોલીસને મોટી સફળતા મળી છે. અત્યાર સુધી પ્રાપ્ત માહિતી અનુસાર, લોકસભાની ચૂંટણીમાં ખલેલ પહોંચાડવાના આયોજનના ભાગરૂપે નક્સલવાદીઓ તેલંગાણા સરહદ પાર કરીને ગઢચિરોલીમાં પ્રવેશ કરી રહ્યા હતા. દરમિયાન મહારાષ્ટ્ર પોલીસના C60 કમાન્ડોને ગઢચિરોલીના જંગલમાં આ અંગેની માહિતી મળી હતી. તે પછી કમાન્ડો અને નક્સલવાદીઓ વચ્ચે એન્કાઉન્ટર શરૂ થયું જેમાં 4 નક્સલવાદીઓ માર્યા ગયા. ગઢચિરોલી જિલ્લાના એસપી નીલોત્પલના જણાવ્યા અનુસાર, સોમવારે બપોરે, તેલંગાણા રાજ્ય સમિતિના કેટલાક સભ્યો દ્વારા આગામી લોકસભા ચૂંટણી દરમિયાન ખલેલ પહોંચાડવાનું કાવતરું હોવાની ગુપ્ત માહિતી મળી હતી. આ પછી, માહિતી મળી હતી કે નક્સલવાદીઓનું એક જૂથ તેલંગાણાથી ગઢચિરોલીમાં પ્રણહિતા નદી પાર કરીને જિલ્લામાં આવ્યું છે. મળતી માહિતી મુજબ માર્યા ગયેલા નક્સલવાદીઓ પર 36 લાખ રૂપિયાનું ઈનામ હતું. એન્કાઉન્ટર બાદ જંગલમાંથી 4 નક્સલીઓના મૃતદેહ મળી આવ્યા છે. સ્થળ પરથી એક AK47 કાર્બાઇન, 2 દેશી પિસ્તોલ અને નક્સલવાદી સાહિત્ય પણ મળી આવ્યું છે. સુરક્ષા દળો દ્વારા હજુ પણ જંગલમાં સર્ચ ઓપરેશન ચાલી રહ્યું છે.
બાતમી મળતાની સાથે જ અહેરી સબ પોલીસ હેડક્વાર્ટરથી C60 અને CRPF ક્યુએટીની ઘણી ટીમો એડીશનલ SP ઓપ્સ યતીશ દેશમુખના નેતૃત્વમાં વિસ્તારની શોધખોળ માટે મોકલવામાં આવી હતી. SPS રેપનપલ્લીથી 5 કિમી દૂર કોલામરકા પર્વતોમાં આજે સવારે શોધખોળ દરમિયાન, નક્સલવાદીઓએ 4 C60 પક્ષોની બનેલી ટીમ પર અંધાધૂંધ ગોળીબાર કર્યો, જેનો C60 ટીમોએ જોરદાર જવાબ આપ્યો અને 4 નક્સલવાદીઓને ઠાર કર્યા. ગોળીબાર બંધ થયા બાદ જ્યારે વિસ્તારની તપાસ કરવામાં આવી ત્યારે 4 પુરુષ નક્સલીઓના મૃતદેહ મળી આવ્યા હતા. ફાયરિંગ સ્થળ પરથી 1 AK47, 1 કાર્બાઈન અને 2 દેશી બનાવટની પિસ્તોલ, નક્સલવાદી સાહિત્ય અને એસેસરીઝ પણ મળી આવી છે. હાલમાં આ વિસ્તારમાં નક્સલ વિરોધી ઓપરેશન ચાલી રહ્યું છે. જણાવી દઈએ કે મહારાષ્ટ્ર સરકાર દ્વારા માર્યા ગયેલા ચાર નક્સલવાદીઓ પર 36 લાખ રૂપિયાનું ઈનામ રાખવામાં આવ્યું હતું.
આ પણ વાંચો - Naxal Attack Chhattisgarh : બીજાપુરમાં CRPF કેમ્પ પર નક્સલીઓનો મોટો હુમલો, 3 જવાન શહીદ, 14 ઘાયલ
આ પણ વાંચો - છત્તીસગઢમાં નક્સલવાદીઓએ સરપંચની ગળું કાપીને ઘાતકી હત્યા કરી
આ પણ વાંચો - Jharkhand : નક્સલવાદીઓએ બોમ્બથી રેલવે ટ્રેક તોડી નાખ્યો, હાવડા-મુંબઈ રેલ્વે લાઇન પર ટ્રેનની અવરજવર અટકી