WhatsApp Passkey : જો તમે iPhone યુઝર છો તો તમારા માટે છે એક Good News

WhatsApp Passkey : WhatsApp આજે સ્માર્ટફોનમાં સૌથી વધુ ઉપયોગમાં લેવાય છે. તમે ભાગ્યેજ કોઇ શખ્સ જોયો હશે કે જે WhatsApp ઉપયોગ ન કરતો હોય. ચેટની સાથે સાથે ખૂબ જ મહત્વપૂર્ણ માહિતી અને ફોટા તેમજ ઘણા મહત્વપૂર્ણ દસ્તાવેજો પણ આ પ્લેટફોર્મ પર ઉપલબ્ધ છે. આવી સ્થિતિમાં, જો તમારો ફોન ખોવાઈ જાય છે અથવા કોઈ બીજાના હાથમાં આવી જાય છે, તો તમારા જીવન સાથે જોડાયેલી ઘણી મહત્વપૂર્ણ માહિતી લીક થવાની સંભાવના છે. ગૂગલ અને મેટા (Google and Meta) જેવા ઘણા ટેક જાયન્ટ્સ તેમના યુઝર્સને તેમના એકાઉન્ટ્સને સુરક્ષિત રાખવા માટે પાસકીનો ઉપયોગ કરવા માટે કહી રહ્યા છે. મેટાએ ગયા વર્ષે એન્ડ્રોઇડ વોટ્સએપ યુઝર્સ (Android WhatsApp users) માટે પાસકી રજૂ કરી હતી. હવે, WhatsApp ટૂંક સમયમાં iPhone યુઝર્સ માટે આ ફીચર લાવવાની તૈયારી કરી રહ્યું છે.

રિપોર્ટમાં બહાર આવ્યું છે

તાજેતરના WABetaInfo રિપોર્ટ અનુસાર, WhatsApp એકાઉન્ટ વેરિફિકેશન માટે iOS એપ માટે પાસકી ફીચર પર કામ કરી રહ્યું છે અને ટૂંક સમયમાં તેને દરેક માટે રોલઆઉટ કરશે. રિપોર્ટ અનુસાર, આ ફીચર iOS 24.2.10.73 વર્ઝન પર જોવામાં આવ્યું છે. રિપોર્ટમાં આ ફીચરના કેટલાક સ્ક્રીનશોટ પણ સામે આવ્યા છે. સ્ક્રીનશોટ એ પણ બતાવે છે કે WhatsApp એક નવો વિભાગ પણ તૈયાર કરી રહ્યું છે જ્યાં યુઝર્સ તેમની પોતાની પાસકી ગોઠવી શકશે.

લોગિન પ્રક્રિયા સરળ રહેશે

આ પાસકી રૂપરેખાંકન એકાઉન્ટમાં લૉગ ઇન (Login) કરવા માટે 6-અંકના કોડની જરૂરિયાતને દૂર કરીને, લૉગિન પ્રક્રિયાને વધુ સરળ બનાવશે. પાસકી રૂપરેખાંકિત કર્યા પછી, યુઝર્સ ફેસ આઈડી(User's Face ID), ટચ આઈડી (Touch ID) અથવા ડિવાઈસ પાસવર્ડ (Device Password) જેવી તેમની હાલની ઓથેટિંકેશન પદ્ધતિઓનો ઉપયોગ કરીને તેમના એકાઉન્ટમાં લૉગ ઇન કરી શકશે.

Passkey શું છે?

પાસકી (Passkey) એક એવી સુવિધા છે જે યુઝર્સને દર વખતે 6-અંકનો કોડ દાખલ કર્યા વિના તેમના એકાઉન્ટમાં લૉગ ઇન કરવાની મંજૂરી આપે છે. જણાવી દઈએ કે તેને FIDO એલાયન્સ દ્વારા Apple, Google અને Microsoft ના સહયોગથી તૈયાર કરવામાં આવ્યું છે જે સુરક્ષિત ટેક્નોલોજીનો ઉપયોગ કરે છે. આ સુવિધા યુઝર્સને પાસવર્ડને બદલે બાયોમેટ્રિક અથવા ચહેરા દ્વારા વેરિફિકેશન કરવા સક્ષમ બનાવે છે.

આ પણ વાંચો - WhatsApp ના આ ફીચર્સ તમારા એકાઉન્ટને હેક થવાથી બચાવી શકે છે

આ પણ વાંચો - Social Media App ચલાવતા-ચલાવતા બંધ થઈ જાય છે? જાણો કારણ….

ગુજરાત ફર્સ્ટ તમને સમાચારોથી હંમેશા અવગત રાખશે

ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ