'પતિ મુઝે હેરાન-પરેશાન કરતા હૈ, મૈં તંગ આ ગઈ હું' લખી મહિલાનો આપઘાત

મૂળ ઝારખંડના અને હાલ સુરતમાં રહેતા પ્રવીણ છોટી નાથ ગોસ્વામીના લગ્ન 2014માં મૃતક સીતાબેન સાથે થયા હતા લગ્નજીવનમાં સીતાબેન અને પ્રવીણને બે સંતાનો પ્રાપ્ત થયા હતા દંપતીને લગ્નજીવનમાં એક દીકરો અને એક દીકરી એમ બે સંતાનો છે મૃતક મહિલાનો પતિ પ્રવીણ રીક્ષા ચલાવીને પોતાના પરિવારનું ભરણપોષણ કરતો હતો. બંનેના લગ્ન 2014 માં થયા જેના ત્રણ વર્ષ પછીથી જ પ્રવીણ સતત દહેજ માટે પોતાની પત્નીને માનસિક અને શારીરિક ત્રાસ આપતો હતો. તેમજ વર્ષ ૨૦૧૮માં પતિએ પત્નીને ત્રાસ આપતા તેનો ભાઈ અને માતા ખબર અંતર પૂછવા સુરત આવ્યા હતા.જેમાં પતિએ પત્ની સાથે ઝઘડો કરી તું તારા ભાઈ તેમજ માં ને કેમ અહીંયા બોલાવે છે તેમ કહી તેના ભાઈ સાથે મારામારી કરી સાળા અને સાસુને રાત્રીના સમયે ઘરમાંથી કાઢી મુક્યા હતા. પતિના વારંવારના આ પ્રકારના વર્તન અને ત્રાસના કારણે આખરે પત્ની કંટાળી ગઈ હતી. પતિ પ્રવીણ તેની પત્ની સામે શંકા વહેમ રાખી માર ઝૂડ પણ કરતો હતો ઉપરાંત શારીરિક માનસિક ત્રાસ આપતો જ રહ્યો હતો. જેને લઇ આખરે કંટાળીને પરણીતાએ ગત 24 જાન્યુઆરીના રોજ ઘરે જ ગળે ફાંસો ખાઈ આપઘાત કરી લીધો હતો. આપઘાત કરતા પહેલા મહિલાએ તેના પતિ વિરુદ્ધ ડાબા હાથ ઉપર પતિના ત્રાસ અંગેની સુસાઇડ નોટ પણ લખી હતી.

ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) - જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ