RR VS RCB : વિરાટની સદી એળે ગઈ, RR ની ટીમની સતત ચોથી જીત
IPL 2024 માં 19મી મેચ રાજસ્થાન રોયલ્સ અને રોયલ ચેલેન્જર્સ બેંગ્લોર વચ્ચે સવાઈ માનસિંહ સ્ટેડિયમમાં રમાઈ હતી. રાજસ્થાનની ટીમે બંગલોર સામે આ મેચમાં વિજય મેળવ્યો હતો. આ મેચમાં RCB એ પ્રથમ બેટિંગ કરતાં 183 રન બનાવ્યા હતા અને RR ને 184 રનનો ટાર્ગેટ આપ્યો હતો. RR એ આ સ્કોર 19.1 ઓવરમાં 4 વિકેટ ગુમાવીને હાંસલ કરી લીધો હતો. જ્યાં એક તરફ આ ટૂર્નામેન્ટમાં રાજસ્થાનની આ સતત ચોથી જીત છે, તો બીજી તરફ RCB ની આ સતત ત્રીજી હાર છે.
મેચમાં મળ્યા 2 શતકવીર
For the second time this season, the run machine remains unbeaten, and true to his name 🙌#PlayBold #ನಮ್ಮRCB #IPL2024 #RRvRCB @imVkohli pic.twitter.com/gQaOnlcttc
— Royal Challengers Bengaluru (@RCBTweets) April 6, 2024
આ મેચમાં 2 શતકવીરો મળ્યા હતા. આ મેચમાં RCB ના વિરાટ કોહલી અને RR ના જોસ બટલર એ સદી ફટકારી હતી. રાજસ્થાન તરફથી આ મેચમાં જોશ બટલરે શાનદાર સદી ફટકારી હતી. આ મેચમાં બટલરની સદીએ વિરાટ કોહલીની સદીને ઢાંકી દીધી હતી. બટલરે 58 બોલમાં 100 રનની અણનમ ઇનિંગ રમી હતી. પોતાની ઇનિંગ દરમિયાન બટલરે 9 ચોગ્ગા અને 4 છગ્ગા ફટકાર્યા હતા. ત્યારે વિરાટ કોહલીએ 72 બોલમાં શાનદાર 113 રન ફટકાર્યા હતા.
RCB પ્રથમ બેટિંગ કરતાં 20 ઓવરમાં 3 વિકેટ ગુમાવીને 183 રન બનાવ્યા
The pitch is not a belter and we think we’ve got a very competitive total. 🙌
Over to the bowling department. 👊#PlayBold #ನಮ್ಮRCB #IPL2024 #RRvRCB pic.twitter.com/sS7CJ9oFDr
— Royal Challengers Bengaluru (@RCBTweets) April 6, 2024
RR અને RCB વચ્ચેની આ મેચ રાજસ્થાનના આંગણે એટલે કે સવાઈ માનસિંહ સ્ટેડિયમમાં રમાઈ હતી. જેમાં રાજસ્થાને ટોસ જીતીને પ્રથમ બોલિંગ કરવાનો નિર્ણય કર્યો હતો. RCB એ પોતે પ્રથમ બેટિંગ કરતાં 20 ઓવરમાં 3 વિકેટ ગુમાવીને 183 રન બનાવ્યા હતા. RCB માટે વિરાટ કોહલીએ શાનદાર સદી ફટકારી હતી. વિરાટે 72 બોલમાં અણનમ 113 રન બનાવ્યા હતા. કોહલીએ પોતાની ઇનિંગ દરમિયાન 12 ફોર અને 4 સિક્સર ફટકારી હતી. આ સિવાય કેપ્ટન ફાફ ડુ પ્લેસિસે 33 બોલમાં 44 રનની ઇનિંગ રમી હતી. ફાફે પોતાની ઈનિંગમાં 2 ફોર અને 2 શાનદાર સિક્સર ફટકારી હતી. પરંતુ આ સ્કોરનો પણ પીછો રાજસ્થાનની ટીમે સરળતાથી કર્યો હતો.
સ્પિન બોલર યુઝવેન્દ્ર ચહલે શાનદાર બોલિંગ રજૂ કરી
રાજસ્થાન રોયલ્સ વતી સ્પિન બોલર યુઝવેન્દ્ર ચહલે શાનદાર બોલિંગ રજૂ કરી હતી. ચહલે 4 ઓવરમાં 34 રન આપીને 2 વિકેટ લીધી હતી. ચહલે જ રાજસ્થાનને આ મેચમાં પ્રથમ સફળતા અપાવી હતી. ચહલે ઉપરાંત બર્ગરે પણ ઘણી સારી બોલિંગ કરી હતી. બર્ગરે 4 ઓવરમાં 33 રન આપીને એક વિકેટ લીધી હતી.
RR એ સરળતાથી આ સ્કોરનો પીછો કર્યો હતો
Jos: Let’s seal our #PinkPromise with a six? 💗🫡 pic.twitter.com/BUGoMLKU40
— Rajasthan Royals (@rajasthanroyals) April 6, 2024
રાજસ્થાન જ્યારે આ સ્કોરનો પીછો કરવા માટે આવ્યું ત્યારે તેમણે સરળતાથી આ સ્કોરનો પીછો કર્યો હતો. જેમાં RR તરફથી બટલરે શાનદાર શતક મારી હતી. જેમાં તેણે 58 બોલમાં 100 માર્યા હતા અને કપ્તાન સંજુ સેમસને પણ પોતાનું યોગદાન આપતા આ મેચમાં 42 બોલમાં 69 રન ફટકાર્યા હતા અને RR ની ટીમે આ લક્ષ્ય 19.1 ઓવર હાંસલ કર્યો હતો.
આ પણ વાંચો : Rishabh Pant : ઋષભ પંતને મોટો ઝટકો, BCCIએ દિલ્હી કેપિટલ્સને પણ ફટકાર્યો દંડ,જાણો સમગ્ર મામલો