PSL 2024 : ડ્રેસિંગ રૂમમાં Smoking કરતા કેમેરામાં કેદ થયો આ ક્રિકેટર, જુઓ Video

પાકિસ્તાન સુપર લીગ 2024 (PSL 2024) ની ફાઈનલ મેચ 18 માર્ચે ઈસ્લામાબાદ યુનાઈટેડ અને મુલતાન સુલ્તાન (Islamabad United and Multan Sultan) ટીમ વચ્ચે રમાઈ હતી. આ મેચમાં ઈસ્લામાબાદ યુનાઈટેડના બોલર ઈમાદ વસીમે (Imad Wasim) પાંચ વિકેટ લઈને મુલ્તાન સુલ્તાન ટીમની કમર તોડી નાખી હતી. ઓલરાઉન્ડર ખેલાડી (All Rounder Player) એ 5 વિકેટ લીધી હતી. તમામ વખાણ કર્યા બાદ ઈસ્લામાબાદ યુનાઈટેડના ખેલાડીએ કંઈક એવું કર્યું કે જે લાઈવ કેમેરા (Live Camera) માં કેદ થઈ ગયું અને હવે તેના કારણે તેને ટીકાઓનો સામનો કરવો પડી રહ્યો છે.

Imad Wasim ડ્રેસિંગરૂમમાં ધૂમ્રપાન કરતો ઝડપાયો

ઇમાદ વસીમ ઈસ્લામાબાદ યુનાઇટેડ અને મુલતાન સુલ્તાન વચ્ચેની PSL ફાઇનલ મેચમાં જોરદાર પ્રદર્શન કરતો જોવા મળ્યો હતો. ઓલરાઉન્ડર ખેલાડીએ તમામ 5 વિકેટ લીધી હતી. તમામ વખાણ કર્યા બાદ ઈસ્લામાબાદ યુનાઈટેડના ખેલાડીએ કંઈક એવું કર્યું જે લાઈવ કેમેરામાં કેદ થઈ ગયું અને હવે તેના કારણે તેને ટીકાઓનો સામનો કરવો પડી રહ્યો છે. PSL 2024 ફાઈનલમાં ઈસ્લામાબાદ યુનાઈટેડની બોલિંગ દરમિયાન ઈમાદ વસીમ 17મી ઓવરમાં મેદાન છોડી ગયો હતો. આ પછી તે ડ્રેસિંગ રૂમમાં પહોંચ્યો અને ત્યાં સિગારેટ પીતો જોવા મળ્યો હતો. ઈમાદની આ ક્રિયા લાઈવ ટીવી પર કેમેરામાં કેદ થઈ ગઈ અને તે બધાની નજરમાં આવી ગયો. ક્રિકેટરો દ્વારા ધૂમ્રપાન કરવું કોઈ નવી વાત નથી, પરંતુ આશ્ચર્યની વાત એ છે કે તે PSL ની ફાઈનલ હતી અને તેઓ ડ્રેસિંગ રૂમમાં ધૂમ્રપાન કરી રહ્યા હતા.

ખૂબ ટ્રોલ થઇ રહ્યો છે ઈમામ વસીમ

વીડિયોમાં સ્પષ્ટ જોઈ શકાય છે કે ઈમાદ વસીમ ડ્રેસિંગ રૂમમાં ધુમાડો ઉડાવી રહ્યો છે. બાદમાં તે બેટિંગ કરવા આવ્યો અને પોતાની ટીમને વિજય તરફ દોરી ગયા પછી જ પાછો ફર્યો. જોકે, તેના ધૂમ્રપાનને કારણે, તે ધૂમ્રપાનની સામગ્રી સાથે ડ્રેસિંગ રૂમમાં કેવી રીતે પહોંચ્યો તે અંગે દરેક લોકો સવાલો ઉઠાવી રહ્યા છે. પાકિસ્તાનના ક્રિકેટ ચાહકોએ સવાલ ઉઠાવ્યો છે કે તેઓ ડ્રેસિંગ રૂમમાં ધૂમ્રપાન કેવી રીતે કરી શકે? અન્ય એક ચાહકે પૂછ્યું છે કે શું ડ્રેસિંગ રૂમમાં ધૂમ્રપાન કરવાની છૂટ છે? અન્ય એક ક્રિકેટ ચાહકે કહ્યું છે કે શું PSL અને PCB સૂઈ રહ્યા છે? ઇમાદ વસીમે 5 વિકેટ લીધી અને તે ડ્રેસિંગ રૂમમાં સિગારેટ પી રહ્યો છે. આ ખેલાડીઓને લાગે છે કે તેઓ રમત કરતા મોટા છે. ઈસ્લામાબાદ યુનાઈટેડને પણ શરમ આવે છે.

PSLની આ સિઝનમાં ઇમાદનું પ્રદર્શન કેવું રહ્યું?

PSL ની આ સિઝનમાં ઈમાદનું પ્રદર્શન ઘણું શાનદાર રહ્યું છે. તેણે આ સિઝનમાં અત્યાર સુધીમાં 12 મેચ રમી છે, જેમાં તેણે 12 ઇનિંગ્સમાં 20.91ની એવરેજ અને 6.60ની ઇકોનોમી સાથે 12 વિકેટ ઝડપી છે. આ સિઝનમાં આ તેનું સર્વશ્રેષ્ઠ બોલિંગ પ્રદર્શન રહ્યું છે. આ સિઝનમાં તેણે કુલ 38 ઓવર ફેંકી અને કુલ 251 રન આપીને આ સફળતા હાંસલ કરી છે.

આ પણ વાંચો - 16 વર્ષમાં પહેલીવાર RCB બની Champion, ટીમે ટ્રોફીની સાથે ઓરેન્જ અને પર્પલ કેપ પર પણ કર્યો કબ્જો

આ પણ વાંચો - ICC નો નવો નિયમ T20 વર્લ્ડ કપને બનાવશે વધુ રોમાંચક

આ પણ વાંચો - Gujarat Titans : ગુજરાત ટાઇટન્સના કેપ્ટનની સત્તાવાર રીતે જાહેરાત, ટીમ સામે છે આ મોટો પડકાર!