PBKS vs RCB : આ રીતે કોણ કરે છે જીતની ઉજવણી? કોહલીના વર્તનથી ગુસ્સે થયો ઐયર, Video
- PBKS vs RCB : રોયલ ચેલેન્જર્સ બેંગ્લોરનો શાનદારા વિજય
- પડકારરૂપ લક્ષ્યાંક સામે RCBની શાનદાર બેટિંગ
- 7 વિકેટથી અભૂતપૂર્વ વિજય નોંધાવ્યો
- જીતની ખુશી દરમિયાન કોહલીએ કર્યું અભદ્ર વર્તન
- કેપ્ટન ઐયર સામે કર્યું ખરાબ વર્તન
- નારાજ જોવા મળ્યો પંજાબ કિંગ્સનો કેપ્ટન
Virat Kohli Celebration against Shreyas Iyer : 2025ની IPL મોસમમાં 20 એપ્રિલના રોજ દિવસની પહેલી મેચ પંજાબના નવા મુલ્લાનપુર સ્ટેડિયમમાં રમાઈ, જ્યાં પંજાબ કિંગ્સ અને રોયલ ચેલેન્જર્સ બેંગ્લોર વચ્ચે મુકાબલો થયો. આ રોમાંચક મેચમાં RCBએ પંજાબ કિંગ્સ સામે 7 વિકેટથી અભૂતપૂર્વ વિજય નોંધાવ્યો. મેચ દરમિયાન RCBના જૂના અને અનુભવી ખેલાડીઓએ પોતાના પ્રદર્શનથી દર્શકોના દિલ જીતી લીધા, જેમાં ખાસ કરીને વિરાટ કોહલી અને દેવદત્ત પડિકલનું યોગદાન મહત્વપૂર્ણ રહ્યું.
પડકારરૂપ લક્ષ્યાંક સામે RCBની શાનદાર બેટિંગ
પંજાબ કિંગ્સે પ્રથમ બેટિંગ કરતા RCBને 158 રનનો લક્ષ્યાંક આપ્યો હતો. શરૂઆતમાં RCBને મોટો ઝટકો લાગ્યો હતો, કારણ કે ફિલ સોલ્ટ માત્ર 1 રન બનાવીને અર્શદીપ સિંહની બોલિંગ પર આઉટ થયો. પરંતુ ત્યાર બાદ વિરાટ કોહલી અને દેવદત્ત પડિકલે ઇનિંગ્સ સંભાળતાં શાનદાર બેટિંગ પ્રદર્શન કર્યું. બંને વચ્ચે બીજી વિકેટ માટે 103 રનની ભાગીદારી થઈ. પડિકલએ 35 બોલમાં 5 ચોગ્ગા અને 4 છગ્ગાની મદદથી 61 રનની ઈનિંગ રમી. બીજી તરફ, કોહલીએ શાનદાર Leadership દર્શાવતા 54 બોલમાં 73 રનની અણનમ ઈનિંગ રમી જેમાં 7 ચોગ્ગા અને 1 છગ્ગો સામેલ છે. વિરાટ કોહલી માટે આ ઇનિંગ ખાસ રહી હતી કારણ કે આ તેની IPL કારકિર્દીની 59મી અડધી સદી હતી.
Jitesh Sharma dials 6⃣ to seal it in style 🙌
Virat Kohli remains unbeaten on 73*(54) in yet another chase 👏@RCBTweets secure round 2⃣ of the battle of reds ❤
Scorecard ▶ https://t.co/6htVhCbltp#TATAIPL | #PBKSvRCB pic.twitter.com/6dqDTEPoEA
— IndianPremierLeague (@IPL) April 20, 2025
જીતનો અંત થયો સિક્સરથી – ઉત્સાહથી ઉજવણી
RCBની ઈનિંગ્સ દરમિયાન છેલ્લી ઘડી વધુ જોરદાર બની જ્યારે 19મી ઓવરના પાંચમા બોલ પર જીતેશ શર્માએ એક સિક્સર ફટકારીને મેચ RCBના ખાતે લખાવી દીધી. મેચ જીત્યા બાદ વિરાટ કોહલી પોતાની ખુશી છુપાવી શક્યો નહી અને ખૂબ ઉત્સાહભેર ઉજવણી કરવા લાગ્યો. તેણે પોતાની આ ઉજવણી દરમિયાન પંજાબના કેપ્ટન શ્રેયસ ઐયર તરફ નજર કરીને એક પ્રકારની મૌખિક ટકરાવની સ્થિતિ પણ ઉભી કરી. કોહલીની આ ભારે ઉત્સાહી ઉજવણીથી એવું લાગતું હતું કે તે ઐયરને કોઇ રીતે પ્રેરિત કરવાનું કે ચીડવવાનું ઈરાદો રાખે છે. ઘટનાના સમયે ઐયર પણ થોડો ગુસ્સામાં દેખાયો હતો. મેચ પૂરી થયા બાદ વિરાટ કોહલી અને ઐયર વચ્ચે થોડીવાર વાતચીત થઈ, જેમાં બંનેએ પોતપોતાનો દ્રષ્ટિકોણ શેર કર્યો.
મેચમાં પંજાબ કિંગ્સની બેટિંગ
પંજાબ તરફથી બેટિંગની વાત કરીએ તો ટીમ સારી શરૂઆત આપી શકી નહોતી. મધ્યમ ક્રમમાં રન બનાવવાના પ્રયાસો થયા હતા. જોકે પંજાબના બેટ્સમેનોએ આક્રમકતા બતાવવા છતાં સ્કોર 160થી નીચે જ અટકી રહ્યો, જે T20ના માપદંડ મુજબ એક મિડીયમ ટોટલ ગણાય છે. વિરાટ કોહલી માત્ર રન બનાવવામાં જ નહીં, પરંતુ ટીમને ઉત્સાહિત કરવા અને મેચની દરેક પરિસ્થિતિમાં Leadership આપવાનું કાર્ય પણ સારી રીતે કરી રહ્યો છે. તેના આત્મવિશ્વાસ અને મજબૂત મનોબળના કારણે RCBએ મુશ્કેલ સ્થિતિમાંથી પોતાનું સ્થાન મજબૂત રીતે બનાવી લીધું છે.
આ પણ વાંચો : PBKS vs RCB: રોયલ ચેલેન્જર્સ બેંગ્લોરે પંજાબ કિંગ્સને 7 વિકેટે હરાવ્યું, વિરાટ કોહલીના અણનમ 73 રન