Paris Olympic 2024 : પેરિસમાં ઇતિહાસ રચવાની તૈયારીમાં વિનેશ, ગોલ્ડ મેડલથી એક જીત દૂર
- પેરિસ ઓલિમ્પિકમાં ભારત માટે સૌથી મોટા સમાચાર
- ભારતને પેરિસ ઓલિમ્પિકમાં મળશે પ્રથમ ગોલ્ડ કે સિલ્વર મેડલ
- કુશ્તીમાં ભારતીય રેસલર વિનેશ ફોગાટ પહોંચ્યા ફાઈનલમાં
- 50 કિલોવર્ગની ફાઈનલમાં પહોંચ્યા વિનેશ ફોગાટ
Paris Olympic 2024 : પેરિસ ઓલિમ્પિકમાં ભારત માટે આનંદના સમાચાર આવ્યા છે. ભારતીય મહિલા કુસ્તીબાજ વિનેશ ફોગાટ 50 કિલોગ્રામ વર્ગની ફાઇનલમાં પહોંચી ગઈ છે. આ સાથે ભારતને પેરિસ ઓલિમ્પિકમાં પ્રથમ ગોલ્ડ અથવા સિલ્વર મેડલ મળવાની નવી આશા જાગી છે. વિનેશ ફોગાટની આ સિદ્ધિએ સમગ્ર દેશમાં ઉત્સાહનું મોજું ફેલાવી દીધું છે. દેશવાસીઓ હવે આશા રાખી રહ્યા છે કે વિનેશ ફાઇનલમાં પણ શાનદાર પ્રદર્શન કરશે અને ભારતને આ ઓલિમ્પિકમાં પ્રથમ ગોલ્ડ મેડલ અપાવશે.
ગોલ્ડન ગર્લ બનવાની તક
ભારતીય મહિલા રેસલર વિનેશ ફોગાટે પેરિસ ઓલિમ્પિક 2024માં ઈતિહાસ રચ્યો છે. વિનેશે 50 કિલો વજનમાં ક્યુબાની કુસ્તીબાજ ગુઝમેન લોપેઝેને ફ્રી સ્ટાઇલ રેસલિંગની સેમી ફાઇનલમાં 5-0થી હરાવીને ફાઇનલમાં જગ્યા બનાવી લીધી છે. આ ઐતિહાસિક જીત સાથે વિનેશનો સિલ્વર મેડલ નિશ્ચિત થઈ ગયો છે. આ રીતે વિનેશ ઓલિમ્પિકમાં મેડલ જીતનારી બીજી મહિલા રેસલર બની ગઈ છે. આ પહેલા સાક્ષી મલિકે મહિલા કુશ્તીમાં ભારત માટે બ્રોન્ઝ મેડલ જીત્યો હતો. જો વિનેશ ફાઈનલ જીતવામાં સફળ થાય છે, તો તે ઓલિમ્પિકના ઈતિહાસમાં ગોલ્ડ મેડલ જીતનારી પ્રથમ મહિલા કુસ્તીબાજ તો બનશે જ, પરંતુ તે પ્રથમ ભારતીય મહિલા એથ્લેટ પણ બની જશે. જો વિનેશ ફાઇનલમાં હારી જાય તો પણ તેને સિલ્વર મેડલ મળવાની ખાતરી છે.
પેરિસ ઓલિમ્પિકમાં ભારત માટે સૌથી મોટા સમાચાર
ભારતને પેરિસ ઓલિમ્પિકમાં મળશે પ્રથમ ગોલ્ડ કે સિલ્વર મેડલ
કુશ્તીમાં ભારતીય રેસલર વિનેશ ફોગાટ પહોંચ્યા ફાઈનલમાં
50 કિલોવર્ગની ફાઈનલમાં પહોંચ્યા વિનેશ ફોગાટ @Phogat_Vinesh @Paris2024@narendramodi @mansukhmandviya@WeAreTeamIndia… pic.twitter.com/uxwPCpnTb9— Gujarat First (@GujaratFirst) August 6, 2024
વિનેશ પાસે ઓલિમ્પિક સિવાય દરેક મોટા મેડલ
પેરિસ ઓલિમ્પિક પહેલા વિનેશ પાસે ઓલિમ્પિક સિવાય દરેક મોટા મેડલ હતા. જેમાં કોમનવેલ્થ ગેમ્સમાંથી ગોલ્ડ, એશિયન ગેમ્સમાંથી ટાઇટલ, વર્લ્ડ ચેમ્પિયનશિપમાંથી બે બ્રોન્ઝ અને એશિયન ચેમ્પિયનશિપના 8 મેડલનો સમાવેશ થાય છે. જોકે, તે રિયો અને ટોક્યો ઓલિમ્પિકમાં મેડલ જીતી શકી નહોતી. પરંતુ તેણે પેરિસ ઓલિમ્પિકમાં શાનદાર પ્રદર્શન કરી મેડલ પાક્કો કરી લીધો છે.
જાપાન અને યુક્રેનના કુસ્તીબાજોને હારનો સામનો કરવો પડ્યો
અગાઉ, વિનેશ ફોગાટે પ્રી-ક્વાર્ટર ફાઇનલમાં જાપાનના મજબૂત કુસ્તીબાજ યુઇ સુસાકીને હરાવીને ઓલિમ્પિક ગેમ્સમાં મોટો અપસેટ સર્જ્યો હતો અને પછી યુક્રેનની ઓક્સાના લિવાચને હરાવીને સેમિફાઇનલમાં જગ્યા બનાવી હતી. ટોક્યો ગેમ્સની સુવર્ણ ચંદ્રક વિજેતા અને 4 વખતની વિશ્વ ચેમ્પિયન સુસાકીએ અગાઉ તેણીની આંતરરાષ્ટ્રીય કારકિર્દીમાં રમાયેલી 82 મેચોમાંથી એકપણ મેચમાં હારનો સામનો કરવો પડ્યો નથી. પરંતુ વિનેશનો મુકાબલો થતાંની સાથે જ મેચ છેલ્લી થોડી સેકન્ડોમાં ફેરવાઈ ગઈ અને ભારતીય કુસ્તીબાજે 3-2ની શાનદાર જીત નોંધાવી. ત્યારબાદ તેણે ક્વાર્ટર ફાઇનલમાં ભૂતપૂર્વ યુરોપિયન ચેમ્પિયન અને 2018 વર્લ્ડ ચેમ્પિયનશિપ બ્રોન્ઝ મેડલ વિજેતા લિવાચના પડકારને 7-5થી ખતમ કર્યો. 29 વર્ષની વિનેશ, તેની ત્રીજી ઓલિમ્પિક રમી રહી છે, તે હવે પેરિસ ઓલિમ્પિકમાં ગોલ્ડ મેડલથી માત્ર એક જીત દૂર છે.
આ પણ વાંચો: Paris Olympic 2024 : રેસલિંગથી ભારત માટે Good News, વિનેશ ફોગાટે યુક્રેનની ઓક્સાનાને 7-5થી આપ્યો પરાજય