Paris Olympic 2024 ને લાગ્યું કોરોનાનું ગ્રહણ! 5 ખેલાડીઓ Covid-19 પોઝિટિવ
Corona in Paris Olympic 2024 : ઓલિમ્પિકની શરૂઆત થવા જઇ રહી છે તે પહેલા જ એક મોટો ખતરો સામે આવ્યો છે. જેને ખેલાડીઓએ ધ્યાનમાં રાખવું ખૂબ જ જરૂરી છે. સૌ કોઇ જાણે છે કે 4 વર્ષ પહેલા ગ્રહણની જેમ સમગ્ર વિશ્વને ઘેરી લેનારો કોરોના વાયરસ આજે પણ પીછો છોડી રહ્યો નથી. આ કારણે ટોક્યોમાં યોજાયેલ છેલ્લી સમર ઓલિમ્પિક એક વર્ષ વિલંબિત થઈ હતી. હવે ઓલિમ્પિકની રમતો પેરિસમાં થવાની છે, જ્યાં 26 જુલાઈથી શરૂ થઈ રહેલી ઓલિમ્પિક ગેમ્સમાં આ વાયરસે દસ્તક આપી છે.
ઓસ્ટ્રેલિયન ખેલાડીઓ કોવિડ-19 પોઝિટિવ
ઓસ્ટ્રેલિયાની મહિલા વોટર પોલો ટીમની 5 ખેલાડીઓ કોવિડ-19 પોઝિટિવ મળી આવી છે. ઓસ્ટ્રેલિયા વતી ઓલિમ્પિક ટીમના વડા અન્ના મેયર્સે માહિતી આપી હતી કે તેમની ટીમના 5 ખેલાડીઓ આ વાયરસથી પ્રભાવિત છે. અન્નાએ કહ્યું કે આ રમતોમાં આવા કેસો માટે પહેલાથી જ નિશ્ચિત પ્રોટોકોલ છે, જેના હેઠળ પોઝિટિવ જોવા મળેલા ખેલાડીઓને માસ્ક પહેરવા અને ભીડવાળી જગ્યાએ જવાની મનાઈ કરવામાં આવી છે. આ સિવાય ખેલાડીઓને સતત સાબુથી હાથ ધોવા, સેનિટાઈઝરનો ઉપયોગ કરવા અને અન્ય લોકોના સંપર્કમાં આવતા સમયે સાવચેતી (સામાજિક અંતર) રાખવાનું કહેવામાં આવ્યું છે.
ખેલાડીઓને કોવિડ 19 રસી આપવામાં આવી
અન્નાએ કહ્યું કે, જો આ ખેલાડીઓ કોવિડ 19 થી પીડિત હોવા છતાં આરામદાયક અનુભવે છે, તો તેઓ તમામ સુરક્ષા પ્રોટોકોલને અનુસરીને તેમની પ્રેક્ટિસમાં ભાગ લેશે. જણાવી દઈએ કે હવે તમામ ખેલાડીઓને કોવિડ 19 સામે રસી આપવામાં આવી છે અને તમામ દેશો આ વાયરસને ધ્યાનમાં રાખીને પોતપોતાના પ્રોટોકોલ સાથે અહીં પહોંચ્યા છે અને તે મુજબ સાવચેતી રાખી રહ્યા છે. કોવિડ-19ની બાકીની સ્થિતિ હવે વૈશ્વિક સ્તરે નિયંત્રણમાં છે અને આવી સ્થિતિમાં પેરિસ ઓલિમ્પિક નિહાળનારા ખેલાડીઓને હવે કોઈ ખાસ ચિંતા નથી.
આ પણ વાંચો: Biggest Olympic Controversies : ઓલિમ્પિક ઈતિહાસના ચોંકાવનારા વિવાદો, આજે પણ છે હેડલાઈન્સમાં