IPL2025: મુંબઈ ઇન્ડિયન્સે દિલ્હી કેપિટલ્સને રોમાંચક મેચમાં હરાવ્યું, કરુણ નાયરની તોફાની ઇનિંગ્સ વ્યર્થ ગઈ
- મુંબઈ ઈન્ડિયન્સે દિલ્હી કેપિટલ્સને 12 રને હરાવ્યું
- દિલ્હી કેપિટલ્સે આ સિઝનમાં પહેલી હારનો સામનો કરવો પડ્યો છે
- મુંબઈ ઈન્ડિયન્સનો 6 મેચમાં આ બીજો વિજય છે
ઇન્ડિયન પ્રીમિયર લીગ (IPL) 2025 ની 29મી મેચમાં મુંબઈ ઇન્ડિયન્સે (Mumbai Indians) દિલ્હી કેપિટલ્સ (Delhi Capital) સામે 12 રનથી વિજય મેળવ્યો. આ મેચમાં ટોસ હાર્યા બાદ મુંબઈની ટીમે પ્રથમ બેટિંગ કરી અને નિર્ધારિત 20 ઓવરમાં 205 રન બનાવ્યા. જવાબમાં, દિલ્હી કેપિટલ્સની ટીમ 19 ઓવરમાં 193 રનમાં ઓલઆઉટ થઈ ગઈ. આ રીતે, સતત પાંચ મેચ જીત્યા બાદ, દિલ્હી કેપિટલ્સનું અભિયાન હવે અટકી ગયું છે. અને મુંબઈની ટીમે આ સિઝનમાં પોતાનો બીજો વિજય હાંસલ કર્યો.
𝘝𝘪𝘤𝘵𝘰𝘳𝘺 𝘵𝘢𝘴𝘵𝘦𝘴 𝘴𝘸𝘦𝘦𝘵𝘦𝘳 𝘸𝘩𝘦𝘯 𝘪𝘵’𝘴 𝘵𝘩𝘪𝘴 𝘤𝘭𝘰𝘴𝘦! 💙
3⃣ run-outs, high drama and #MI walk away with a thrilling win to break #DC's unbeaten run 👊
Scorecard ▶ https://t.co/sp4ar866UD#TATAIPL | #DCvMI | @mipaltan pic.twitter.com/q9wvt5yqoe
— IndianPremierLeague (@IPL) April 13, 2025
અરુણ જેટલી ક્રિકેટ સ્ટેડિયમમાં મુંબઈ સામે લક્ષ્યનો પીછો કરતી વખતે દિલ્હી કેપિટલ્સનો પ્રારંભ સારો રહ્યો ન હતો. દિલ્હીએ કોઈ રન બનાવ્યા વિના પોતાની પહેલી વિકેટ ગુમાવી દીધી. જોકે, આ પછી કરુણ નાયરે વિસ્ફોટક બેટિંગ કરી અને મેચને લગભગ એકતરફી બનાવી દીધી, પરંતુ તે પછી સ્પિન બોલરોના જોરદાર રમત અને જબરદસ્ત ફિલ્ડિંગને કારણે મુંબઈએ એક વિકેટ બાકી રાખીને મેચ જીતી લીધી. મુંબઈ ઈન્ડિયન્સે દિલ્હીની છેલ્લી ત્રણ વિકેટ સતત રન આઉટ દ્વારા લીધી.
An over that we won't get over 🤌😅#MI hold their nerves to seal victory with a hat-trick of runouts 💪
Scorecard ▶ https://t.co/sp4ar86EKb#TATAIPL | #DCvMI | @mipaltan pic.twitter.com/BpBwpbxPh8
— IndianPremierLeague (@IPL) April 13, 2025
દિલ્હી કેપિટલ્સ (Delhi Capital) ની શરૂઆત ખરાબ રહી હતી
લક્ષ્યનો પીછો કરતી વખતે દિલ્હી કેપિટલ્સ (Delhi Capital)ની શરૂઆત ખૂબ જ ખરાબ રહી હતી. દિલ્હીએ ઇનિંગ્સની પહેલી જ ઓવરમાં ઓપનર જેક ફ્રેઝર મેકગર્કની વિકેટ ગુમાવી દીધી. મેકગર્કને મુંબઈના દીપક ચહરે આઉટ કર્યો. જોકે, આ પછી, કરુણ નાયર અને અભિષેક પોરેલે સાથે મળીને દિલ્હીની જવાબદારી સંભાળી. બીજી વિકેટ માટે બંને વચ્ચે ૧૧૯ રનની જબરદસ્ત ભાગીદારી થઈ. આ દરમિયાન અભિષેક પોરેલ 25 બોલમાં 33 રન બનાવીને આઉટ થયો હતો. પોતાની ઇનિંગમાં તેણે 3 ચોગ્ગા અને 1 છગ્ગો પણ ફટકાર્યો.
પોરેલના આઉટ થયા પછી, એક છેડેથી કરુણ નાયરનો તોફાન ચાલુ રહ્યો, પરંતુ મુંબઈ ઈન્ડિયન્સ (Mumbai Indians)ના બોલરોને ચોક્કસપણે વાપસી કરવાની તક મળી. આરસીબી સામે મિડલ ઓર્ડરમાં જોરદાર બેટિંગ કરનાર કેએલ રાહુલ આ મેચમાં સારું પ્રદર્શન કરી શક્યો નહીં. રાહુલ 13 બોલમાં 15 રન બનાવીને આઉટ થયો હતો. આ ઉપરાંત કેપ્ટન અક્ષર પટેલે 9 રન અને ટ્રિસ્ટન સ્ટબ્સે માત્ર 1 રન બનાવ્યા.
ARE YOU NOT ENTERTAINED? 🤩
A #TATAIPL classic in Delhi goes #MI's way 👏
Updates ▶ https://t.co/sp4ar86EKb#DCvMI | @mipaltan pic.twitter.com/yMODbfnT6s
— IndianPremierLeague (@IPL) April 13, 2025
આ પણ વાંચોઃ DC vs MI: તિલક અને સૂર્યાએ જવાબદારી સંભાળી, મુંબઈ ઈન્ડિયન્સનો સ્કોર 100 ને પાર
મુંબઈની બેટિંગમાં તોફાની શરૂઆત થઈ હતી
દિલ્હી કેપિટલ્સ સામેની આ મેચમાં, મુંબઈ ઈન્ડિયન્સને ટોસ હાર્યા બાદ પ્રથમ બેટિંગ માટે આમંત્રણ આપવામાં આવ્યું હતું. દિલ્હીના અરુણ જેટલી ક્રિકેટ સ્ટેડિયમમાં મુંબઈએ તિલક વર્મા (59), રાયન રિકેલ્ટન (41), સૂર્યકુમાર યાદવ (40) અને નમન ધીર (અણનમ 38) ની શાનદાર ઇનિંગ્સની મદદથી 20 ઓવરમાં 5 વિકેટે 205 રનનો મજબૂત સ્કોર બનાવ્યો.
Match 29. Mumbai Indians Won by 12 Run(s) https://t.co/sp4ar866UD #DCvMI #TATAIPL #IPL2025
— IndianPremierLeague (@IPL) April 13, 2025
મુંબઈ માટે આ મેચમાં રોહિત શર્મા (Rohit Sharma)અને રિકેલ્ટને શરૂઆતની ભાગીદારીમાં પાંચ ઓવરમાં 47 રન ઉમેર્યા. સારી શરૂઆત બાદ રોહિત ફરી એકવાર મોટી ઇનિંગ રમવાનું ચૂકી ગયો. રોહિતે ૧૨ બોલમાં બે ચોગ્ગા અને એક છગ્ગાની મદદથી ૧૮ રન બનાવ્યા. વિપ્રાજ નિગમે રોહિતને LBW આઉટ કર્યો. રિકેલ્ટને 25 બોલમાં 41 રનમાં પાંચ ચોગ્ગા અને બે છગ્ગા ફટકાર્યા. સૂર્યકુમાર યાદવે 28 બોલમાં પાંચ ચોગ્ગા અને બે છગ્ગાની મદદથી 40 રન બનાવ્યા.
આ પણ વાંચોઃ RR vs RCB: રાજસ્થાનને તેના હોમ ગ્રાઉન્ડમાં રોયલ ચેલેન્જર્સ બેંગ્લોરે આપી માત, 9 વિકેટે જીત
આ સિઝનમાં તિલકની સતત બીજો અડધી સદી
મુંબઈ માટે, તિલક વર્માએ 33 બોલમાં છ ચોગ્ગા અને ત્રણ છગ્ગાની મદદથી 59 રનની તોફાની અડધી સદી ફટકારી. આ તેની સતત બીજી અડધી સદી છે. આ ઉપરાંત, નમન ધીરે માત્ર 17 બોલમાં ત્રણ ચોગ્ગા અને બે છગ્ગા ફટકારીને અણનમ 38 રનની શાનદાર ઇનિંગ રમી.
Match 29. WICKET! 18.4: Ashutosh Sharma 17(14) Run Out Will Jacks, Delhi Capitals 192/8 https://t.co/sp4ar866UD #DCvMI #TATAIPL #IPL2025
— IndianPremierLeague (@IPL) April 13, 2025
દિલ્હી માટે સ્પિનર કુલદીપ યાદવ અને વિપ્રજ નિગમ ઉત્તમ સાબિત થયા અને વચ્ચેની ઓવરોમાં ટીમ માટે વિકેટો મેળવી. કુલદીપે ચાર ઓવરમાં માત્ર 23 રન આપીને બે વિકેટ લીધી જ્યારે વિપ્રાજે ચાર ઓવરમાં 41 રન આપીને બે વિકેટ લીધી.
આ પણ વાંચોઃ RR vs RCB: RCB જયપુરના મેદાનમાં Green Jersey પહેરીને કેમ ઉતરી? આ શુભકામના છે કે બીજું કંઈક કારણ?