India vs England, 4th T20I Pune : પુણેમાં ભારતનો રોમાંચક વિજય, હર્ષિત રાણાનું શાનદાર પ્રદર્શન

• પુણેમાં રમાયેલી મેચમાં ટીમ ઈન્ડિયાએ ઈંગ્લેન્ડને 15 રનથી હરાવ્યું
• ભારતે આ મેચ પોતાના બોલરોના દમ પર જીતી છે
• પુણેમાં જીત સાથે ટીમ ઈન્ડિયાએ સિરીઝમાં અજેય લીડ મેળવી લીધી છે

India vs England, 4th T20I Pune : પુણેમાં રમાયેલી મેચમાં ટીમ ઈન્ડિયાએ ઈંગ્લેન્ડને 15 રનથી હરાવ્યું છે. આ મેચ ખૂબ જ રોમાંચક રહી અને છેલ્લી ઓવર સુધી ચાલુ રહી. પ્રથમ બેટિંગ કરતા ભારતે ઈંગ્લેન્ડને 182 રનનો ટાર્ગેટ આપ્યો હતો. જવાબમાં ઈંગ્લેન્ડની ટીમ માત્ર 166 રન બનાવી શકી. ભારતે આ મેચ પોતાના બોલરોના દમ પર જીતી છે. પુણેમાં જીત સાથે ટીમ ઈન્ડિયાએ સિરીઝમાં અજેય લીડ મેળવી લીધી છે.

પુણેમાં રમાયેલી મેચમાં હર્ષિત રાણાએ 3 વિકેટ લઈ મહત્વની ભૂમિકા ભજવી હતી. રવિ બિશ્નોઈએ પણ 3 વિકેટ લીધી. તેણે 4 ઓવરમાં 28 રન આપ્યા. વરુણ ચક્રવર્તીએ 4 ઓવરમાં 8 રન આપીને 2 વિકેટ લીધી. અર્શદીપ સિંહે 1 વિકેટ લીધી. અક્ષર પટેલને પણ સફળતા મળી.

ઇંગ્લેન્ડ માટે બ્રુકની અડધી સદી

ઇંગ્લેન્ડની શરૂઆત સારી રહી. ઓપનર ફિલિપ સોલ્ટ અને બેન ડકેટ વચ્ચે અડધી સદીની ભાગીદારી થઈ. સોલ્ટ 23 રન બનાવીને આઉટ થયો હતો. જ્યારે ડકેટે 39 રનનું યોગદાન આપ્યું. આ પછી, કેપ્ટન જોસ બટલર 2 રન બનાવીને આઉટ થયો. હેરી બ્રુકે અડધી સદી ફટકારી. તેણે 26 બોલમાં 51 રનની ઇનિંગ રમી. લિવિંગ્સ્ટન અને બેથેલ કંઈ ખાસ કરી શક્યા નહીં. કાર્સ પણ શૂન્ય પર આઉટ થયા હતા.

આ પણ વાંચો :  India vs England 4th T20I: અર્શદીપ સિંહનું વાપસી કન્ફર્મ! શિવમ દુબેની એન્ટ્રી થશે

ટીમ ઈન્ડિયા માટે દુબે-પંડ્યાનું શાનદાર પ્રદર્શન

ભારતની શરૂઆત ખરાબ રહી. ઓપનર સંજુ સેમસન માત્ર 1 રન બનાવીને આઉટ થયો હતો. પરંતુ આ પછી શિવમ દુબે અને હાર્દિક પંડ્યાએ વિસ્ફોટક પ્રદર્શન કર્યું. આ બંને ખેલાડીઓએ અડધી સદી ફટકારી હતી. પંડ્યાએ 30 બોલમાં 53 રનની ઇનિંગ રમી. દુબેએ 34 બોલમાં 53 રન બનાવ્યા. અભિષેક શર્માએ 29 રનની ઇનિંગ રમી. રિંકુ સિંહે 30 રનનું યોગદાન આપ્યું. સૂર્યકુમાર યાદવ અને તિલક વર્મા શૂન્ય રને આઉટ થયા હતા.

ઈંગ્લેન્ડ તરફથી મહમૂદે 3 વિકેટ લીધી

ઈંગ્લેન્ડ તરફથી બોલિંગ કરી રહેલા સાકિબ મહમૂદે 4 ઓવરમાં 35 રન આપ્યા. તેણે 3 વિકેટ લીધી. જેમી ઓવરટને 2 વિકેટ લીધી. જ્યારે કાર્સ અને આદિલ રશીદે 1-1 વિકેટ મેળવી.

આ પણ વાંચો : પૂર્વ ક્રિકેટર Sachin Tendulkar ને આ એવોર્ડથી કરાશે સન્માનિત