• સેમ કોન્સ્ટાસ સાથે કોહલીની ટક્કર: જાણો સમગ્ર પ્રકરણ
• વિરાટ કોહલીને શિસ્તભંગ માટે મળી સજા
• મેચ રેફરીએ કોહલી પર 20% ફી કાપવાનું નક્કી કર્યું
• વિરાટ કોહલી વિરુદ્ધ ડીમેરિટ પોઈન્ટ, પરંતુ સિડની ટેસ્ટ માટે રાહત
• મેચની વચ્ચે ખભાની ટક્કર: કોહલી વિવાદમાં ઘેરાયો
• ભારત અને ઓસ્ટ્રેલિયાની મેચમાં વિરાટનો વિવાદિત વ્યવહાર
• રવિ શાસ્ત્રીએ પણ કોહલીને ખોટો ગણાવ્યો
• મેચના પહેલા દિવસે ઓસ્ટ્રેલિયાની મજબૂત શરૂઆત
• વિરાટ કોહલીના વિવાદી વર્તનથી ક્રિકેટ જગતમાં ચર્ચા

IND vs AUS, Kohli Controversy : ભારત અને ઓસ્ટ્રેલિયા વચ્ચે મેલબોર્નમાં ચાલી રહેલી બોર્ડર-ગાવસ્કર ટ્રોફી 2024ની ચોથી ટેસ્ટ મેચના પ્રથમ દિવસે એક વિવાદાસ્પદ ઘટના બની હતી. ઓસ્ટ્રેલિયાના ઓપનર સેમ કોન્સ્ટાસે પ્રથમ ઇનિંગમાં 65 રનની શાનદાર અને ઝડપી ઈનિંગ રમીને પોતાની ટીમ માટે મજબૂત પાયો તૈયાર કર્યો હતો. પરંતુ મેચ દરમિયાન ભારતના પૂર્વ કેપ્ટન વિરાટ કોહલીએ એવી હરકત કરી, જેના કારણે તેમણે દંડ ફટકારવામાં આવ્યો છે.

કોહલી દ્વારા ખભાને ટક્કર મારવાનો બનાવ

મેચની 33મી ઓવર પૂરી થયા બાદ, ઓસ્ટ્રેલિયાના ઓપનર સેમ કોન્સ્ટાસ એક છેડેથી બીજા છેડે જઇ રહ્યો હતો. આ દરમિયાન વિરાટ કોહલી (Virat Kohli) તેની સામે આવી ગયો હતો અને તેના ખભાને ટક્કર મારી હતી. આ ઘટનાને કારણે સેમ કોન્સ્ટાસ ગુસ્સે થઇ ગયો અને તેણે વિરાટને કઇંક કહ્યું. વિરાટે પણ તેના જવાબમાં દલીલ કરી. આ વિવાદના સમાધાન માટે ઉષ્માન ખ્વાજા અને મેદાન પર હાજર અમ્પાયરની દખલની જરૂર પડી હતી. ત્યારબાદ આ મામલો શાંત થયો હતો, પરંતુ આ ઘટનાના પરિણામે વિરાટ વિરુદ્ધ શિસ્તભંગની કાર્યવાહી શરૂ થઈ છે.

This is pure #ToughestRivalry vibes! 🥶#AUSvINDOnStar 👉 4th Test, Day 1 LIVE NOW! | #BorderGavaskarTroph pic.twitter.com/7m2ilANuu5

— Star Sports (@StarSportsIndia) December 26, 2024

મેચ રેફરી દ્વારા કડક કાર્યવાહી

મેચ પૂર્ણ થયા પછી, મેચ રેફરી એન્ડી પાયક્રોફ્ટે તરત જ વિરાટ કોહલીને બોલાવ્યો હતો. જ્યા વિરાટે મેદાનમાં જે થયું તેમા પોતાની ભૂલ સ્વીકારી લીધી, જેનાથી સજા નિશ્ચિત થઈ. મેચ રેફરીએ કોહલીની મેચ ફીમાંથી 20 ટકા કાપવાનું જાહેર કર્યું અને તેને 1 ડીમેરિટ પોઈન્ટ પણ આપવામાં આવ્યો. આ પ્રકારની સજા છતાં, વિરાટને સિડનીમાં આગામી ટેસ્ટ મેચમાં રમવા પર કોઈ પ્રતિબંધ નથી.

🚨 VIRAT KOHLI HAS BEEN FINED 20% OF HIS MATCH FEES...!!! 🚨 pic.twitter.com/UhQX85YWJf

— Mufaddal Vohra (@mufaddal_vohra) December 26, 2024

રવિ શાસ્ત્રીની ટિપ્પણી

ભૂતપૂર્વ ભારતીય હેડ કોચ અને પ્રખ્યાત કોમેન્ટેટર રવિ શાસ્ત્રીએ કોહલીની આ હરકતને ખોટી ગણાવી છે. તેમણે કોમેન્ટ્રી બોક્સમાંથી સ્પષ્ટ કહ્યું કે, “વિરાટને આ રીતે કરવાની કોઈ જરૂર નહોતી.” પૂર્વ ભારતીય કેપ્ટન વિરાટ કોહલી (Virat Kohli) માટે આ પહેલીવાર નથી જ્યારે તેણે ઓસ્ટ્રેલિયામાં કોઈ ખેલાડી સાથે વિવાદને જન્મ આપ્યો હોય. તેણે ભૂતકાળમાં પણ આવા કૃત્યો કર્યા છે, જેના માટે તેને સજા પણ થઈ છે.

પ્રથમ દિવસની રમતમાં ઓસ્ટ્રેલિયા આગળ

મેચના પ્રથમ દિવસે, ઓસ્ટ્રેલિયાએ ટોસ જીતીને પ્રથમ બેટિંગ કરવાનું પસંદ કર્યું હતું. ટીમે 6 વિકેટ ગુમાવીને 311 રન બનાવ્યા હતા, જેમાં 4 બેટ્સમેનોએ અડધી સદી ફટકારી હતી. ભારત તરફથી બોલિંગમાં જસપ્રીત બુમરાહે શાનદાર પ્રદર્શન કર્યું અને 3 વિકેટ ઝડપી. રવિન્દ્ર જાડેજા, વોશિંગ્ટન સુંદર અને આકાશદીપ સિંહે 1-1 વિકેટ મેળવી હતી. આ સ્કોર ઓસ્ટ્રેલિયાને મજબૂત સ્થિતિમાં લઈ ગયો.

આ પણ વાંચો: Boxing Day Test : પહેલા જ દિવસે વિવાદ! કોહલીએ ઓસ્ટ્રેલિયન બેટરને મારી ટક્કર, Video