PAK Vs AFG : અફઘાનિસ્તાનની ટીમે સર્જ્યો મોટો અપસેટ, ઈંગ્લેન્ડ બાદ પાકિસ્તાનને પણ હરાવ્યું

વર્લ્ડ કપ 2023માં અફઘાનિસ્તાનની ટીમે પાકિસ્તાનની ટીમને 8 વિકેટથી હરાવીને મોટો અપસેટ સર્જ્યો છે. આ પહેલા અફઘાનિસ્તાનની ટીમે 15 ઓક્ટોબરે રમાયેલી વર્લ્ડ કપ મેચમાં ઈંગ્લેન્ડને 69 રનથી હરાવીને પહેલો મોટો અપસેટ સર્જ્યો હતો. ચેન્નાઈમાં સોમવારે રમાયેલી વર્લ્ડ કપની મેચમાં પાકિસ્તાને પ્રથમ બેટિંગ કરતા 50 ઓવરમાં 7 વિકેટ ગુમાવીને 282 રન બનાવ્યા હતા અને અફઘાનિસ્તાનને જીતવા માટે 283 રનનો ટાર્ગેટ આપ્યો હતો.

અફઘાનિસ્તાને પણ પાકિસ્તાનને હરાવ્યું 

જવાબમાં અફઘાનિસ્તાનની ટીમે 49 ઓવરમાં 2 વિકેટ ગુમાવીને 283 રન બનાવીને મેચ જીતી લીધી હતી. અફઘાનિસ્તાન તરફથી ઈબ્રાહિમ ઝદરાને 113 બોલમાં સૌથી વધુ 87 રન બનાવ્યા હતા. રહમત શાહે 84 બોલમાં 77 રનની ઇનિંગ રમી હતી. 21 વર્ષના ઓપનર રહેમાનુલ્લા ગુરબાઝે 53 બોલમાં 65 રનની શાનદાર ઇનિંગ રમી હતી. કેપ્ટન હશમતુલ્લાહ શાહિદીએ 45 બોલમાં 48 રનની ઇનિંગ રમી હતી. પાકિસ્તાન તરફથી શાહીન શાહ આફ્રિદી અને હસન અલીએ 1-1 વિકેટ લીધી હતી.

ઝદરાન, ગુરબાઝ અને રહેમત મેચના હીરો હતા

આ મેચમાં બાબર આઝમની કેપ્ટન્સી હેઠળની પાકિસ્તાની ટીમે 283 રનનો ટાર્ગેટ આપ્યો હતો. જવાબમાં અફઘાન ટીમે 2 વિકેટ ગુમાવીને મેચ જીતી લીધી હતી. રહમાનુલ્લા ગુરબાઝ અને ઈબ્રાહિમ ઝદરાને ઓપનિંગમાં સદીની ભાગીદારી કરીને ટીમને સારી શરૂઆત અપાવી હતી. ઝદરને 113 બોલમાં 87 રન અને ગુરબાઝે 53 બોલમાં 65 રન બનાવ્યા હતા.

આ પછી રહમત શાહ અને કેપ્ટન હશમતુલ્લાહ શાહિદીએ ચાર્જ સંભાળ્યો. રહમતે 84 બોલમાં 77 રનની અણનમ ઇનિંગ રમી હતી અને શાહિદીએ 45 બોલમાં 48 રનની અણનમ ઇનિંગ રમી હતી. પાકિસ્તાન માટે કોઈ બોલર અફઘાન ટીમ પર દબાણ લાવી શક્યો નહોતો. શાહીન શાહ આફ્રિદી અને હસન અલીને 1-1 સફળતા મળી હતી.

અફઘાનિસ્તાનના ટોપ-3 બેટ્સમેનોએ 50 ODI સ્કોર ક્યારે બનાવ્યો?

વિ શ્રીલંકા, પલ્લેકેલે, 2022
વિ. પાકિસ્તાન, ચેન્નાઈ, 2023

અફઘાનિસ્તાનની વિકેટ

પ્રથમ વિકેટ: રહેમાનુલ્લા ગુરબાઝ (65), વિકેટ- શાહીન આફ્રિદી, 130/1
બીજી વિકેટ: ઈબ્રાહિમ ઝદરાન (87), વિકેટ- હસન અલી, 190/2

પાકિસ્તાનને પહેલીવાર ODIમાં હરાવ્યું

અફઘાનિસ્તાને પહેલીવાર પાકિસ્તાન સામે વનડેમાં જીત નોંધાવી છે. બંને ટીમો વચ્ચે અત્યાર સુધીમાં 8 ODI મેચ રમાઈ છે, જેમાં પાકિસ્તાને પ્રથમ 7 મેચ જીતી હતી. ODI વર્લ્ડ કપમાં અફઘાનિસ્તાનનો આ ત્રીજો વિજય છે. આ પહેલા તેઓએ 2015માં સ્કોટલેન્ડ અને તે જ સીઝન એટલે કે 2023માં ઈંગ્લેન્ડને હરાવ્યું હતું.

અફઘાન ટીમે 2015થી વર્લ્ડ કપમાં રમવાનું શરૂ કર્યું છે. ત્યારથી લઈને અત્યાર સુધી વર્લ્ડ કપમાં કુલ 20 મેચ રમાઈ છે, જેમાંથી 3 જીતી છે. આ ત્રણમાંથી બેએ મોટો અપસેટ સર્જ્યો હતો. વર્તમાન વર્લ્ડ કપમાં અફઘાન ટીમે વર્લ્ડ ચેમ્પિયન ઈંગ્લેન્ડને 69 રનના માર્જીનથી હરાવીને મોટો અપસેટ સર્જ્યો હતો. આ પછી આજે અમે 1992ના ચેમ્પિયન પાકિસ્તાનને હરાવ્યું છે.

બાબર અને શફીકે શાનદાર ફિફ્ટી ફટકારી હતી

બાબર ફોર્મમાં પરત ફર્યા છે. તેણે 92 બોલમાં 74 રનની ઇનિંગ રમી હતી. તેના સિવાય અબ્દુલ્લા શફીકે 58 રન બનાવ્યા હતા. અંતમાં શાદાબ ખાને 40 રનની ઇનિંગ રમી હતી અને ઇફ્તિખાર અહેમદે પણ 40 રનની ઇનિંગ રમી હતી. અફઘાનિસ્તાન તરફથી 18 વર્ષના સ્પિનર ​​નૂર અહેમદે સૌથી વધુ 3 વિકેટ લીધી હતી. નવીન ઉલ હકે 2 વિકેટ લીધી હતી. મોહમ્મદ નબી અને અઝમતુલ્લા ઉમરઝાઈને 1-1 સફળતા મળી હતી.પાકિસ્તાનની ટીમ આ વર્લ્ડ કપમાં અત્યાર સુધીમાં 4 મેચ રમી છે જેમાંથી 2માં તેણે જીત અને 2માં હારનો સામનો કરવો પડ્યો છે. બાબર આઝમની કપ્તાની હેઠળની આ ટીમ છેલ્લી બે મેચ હારી છે. જેમાં તેને ભારત અને ઓસ્ટ્રેલિયાથી હારનો સામનો કરવો પડ્યો હતો. સેમિફાઇનલમાં રહેવા માટે તેને તેની બાકીની 5 મેચમાંથી ઓછામાં ઓછી 4 મેચ જીતવી પડશે.

મેચમાં બંને દેશોના ખેલાડીઓ 

પાકિસ્તાન ટીમઃ અબ્દુલ્લા શફીક, ઈમામ ઉલ હક, બાબર આઝમ (કેપ્ટન), મોહમ્મદ રિઝવાન (વિકેટકીપર), સઈદ શકીલ, ઈફ્તિખાર અહેમદ, શાદાબ ખાન, ઉસામા મીર, શાહીન શાહ આફ્રિદી, હસન અલી અને હરિસ રઉફ.

અફઘાનિસ્તાન ટીમઃ રહેમાનુલ્લા ગુરબાઝ, ઈબ્રાહિમ ઝદરાન, રહમત શાહ, હશમતુલ્લાહ શાહિદી (કેપ્ટન), અઝમતુલ્લા ઓમરઝાઈ, મોહમ્મદ નબી, ઈકરામ અલીખિલ (વિકેટકીપર), રાશિદ ખાન, મુજીબ ઉર રહેમાન, નૂર અહેમદ અને નવીન ઉલ હક.

આ  પણ  વાંચો -BISHAN SINGH BEDI : ભારતના ભૂતપૂર્વ દિગ્ગજ સ્પિનર ​​બિશન સિંહ બેદીનું 77 વર્ષની વયે નિધન