IND VS SA: રોહિત-વિરાટે રચ્યો ઈતિહાસ,T20I ક્રિકેટમાં કર્યું આ મોટું કારનામું

T20 વર્લ્ડ કપ 2024ની ફાઇનલ મેચ ભારત અને દક્ષિણ આફ્રિકાની ટીમો વચ્ચે બાર્બાડોસના બ્રિજટાઉનમાં સ્થિત કેન્સિંગ્ટન ઓવલ ખાતે રમાઈ રહી છે. આ મેચમાં ટીમ ઈન્ડિયા ટોસ જીતીને પહેલા બેટિંગ કરી રહી છે. ટીમ ઈન્ડિયાના ઓપનર રોહિત શર્મા અને વિરાટ કોહલીએ આ મેચની શરૂઆતમાં જ એક મોટો રેકોર્ડ પોતાના નામે કરી લીધો છે. આ બંને ખેલાડીઓએ T20I ક્રિકેટમાં એવી સિદ્ધિ હાંસલ કરી છે જે પહેલા માત્ર એક જ બેટ્સમેન કરી શક્યો હતો.

રોહિત-વિરાટે એકસાથે રચ્યો ઈતિહાસ

વિરાટ કોહલી આ મેચમાં ત્રણ બોલનો સામનો કરીને T20I ક્રિકેટમાં 3000 બોલ રમનાર બીજો બેટ્સમેન બન્યો. તે જ સમયે, રોહિત શર્મા આ મેચમાં 2 બોલ રમીને T20I ક્રિકેટમાં 3000 બોલ રમનાર ત્રીજો બેટ્સમેન બન્યો. તમને જણાવી દઈએ કે, આ પહેલા માત્ર બાબર આઝમ જ T20I ક્રિકેટમાં 3000 બોલ રમી શક્યા હતા. હવે આ યાદીમાં રોહિત શર્મા અને વિરાટ કોહલીનું નામ સામેલ થઈ ગયું છે. જો કે આ મેચમાં રોહિત શર્મા મોટી ઇનિંગ રમવામાં નિષ્ફળ રહ્યો છે. તે 5 બોલમાં 9 રન બનાવીને આઉટ થયો હતો. આ ઇનિંગ દરમિયાન તેણે 2 ચોગ્ગા ફટકાર્યા હતા.

An action-packed first innings 💥

India have put on 176/7 on the board courtesy of Virat Kohli's fighting 76 in the all-important Final 👏#T20WorldCup | #SAvIND | 📝: https://t.co/AjkZFhTXML pic.twitter.com/oEJPAJ8WKc

— T20 World Cup (@T20WorldCup) June 29, 2024

આ યાદીમાં આગળ આવ્યું છે

તમને જણાવી દઈએ કે, આ 8મી વખત છે જ્યારે રોહિત શર્મા અને વિરાટ કોહલી ICC ટૂર્નામેન્ટની ફાઈનલ રમી રહ્યા છે. તમને જણાવી દઈએ કે, ક્રિકેટના ઈતિહાસમાં તેમનાથી વધુ કોઈ ખેલાડી આઈસીસી ટૂર્નામેન્ટની ફાઈનલ મેચ રમ્યો નથી. આ સાથે જ રવિન્દ્ર જાડેજાની આ 7મી આઈસીસી ટુર્નામેન્ટની ફાઈનલ છે.

જે ખેલાડીઓ સૌથી વધુ ICC ટુર્નામેન્ટ ફાઈનલ રમ્યા છે

8 વખત - રોહિત શર્મા

8 વખત - વિરાટ કોહલી
7 વખત - યુવરાજ સિંહ
7 વખત - રવિન્દ્ર જાડેજા
6 વખત - રિકી પોન્ટિંગ
6 વખત - મહેલા જયવર્દને
6 વખત - કુમાર સંગાકારા

આ પણ  વાંચો - IND VS SA :આખી ટુર્નામેન્ટમાં બહાર રહ્યો આ ખેલાડી, ફાઇનલમાં પણ મોકો ન મળ્યો

આ પણ  વાંચો - IND Vs SA Final : ફાઈનલમાં આ 5 ખેલાડીઓ પર રહેશે આખી દુનિયાની નજર

આ પણ  વાંચો - IND vs SA Final : ભારતે ટોસ જીતીને બેટિંગનો લીધો નિર્ણય