Waqf Act પર થયેલા હોબાળા વચ્ચે PM મોદી અચાનક રાષ્ટ્રપતિને મળવા કેમ ગયા? મુલાકાતનો હેતુ શું હતો?

• વકફ એક્ટ પર સુનાવણી દરમિયાન PM મોદી રાષ્ટ્રપતિને મળ્યા
• બેઠકમાં સુપ્રીમ કોર્ટની ટિપ્પણીઓની ચર્ચા કરવામાં આવી
• PM મોદીની રાષ્ટ્રપતિ સાથે અચાનક મુલાકાત અંગે અટકળો

PM Modi meets Droupadi Murmu: વકફ કાયદો સંસદ દ્વારા પસાર કરવામાં આવ્યો હતો. હવે રસ્તાઓથી લઈને સુપ્રીમ કોર્ટ સુધી અરાજકતા ફેલાઈ છે. એક તરફ મુર્શિદાબાદમાં વક્ફ કાયદાને લઈને તણાવ વધ્યો છે, તો બીજી તરફ સુપ્રીમ કોર્ટમાં સુનાવણી ચાલી રહી છે. દરમિયાન, PM મોદીની રાષ્ટ્રપતિ સાથે અચાનક મુલાકાત અંગે અટકળો ચાલી રહી છે. પ્રશ્ન એ છે કે પીએમ મોદી અને રાષ્ટ્રપતિ વચ્ચે ખરેખર શું વાત થઈ? શું હેતુ હતો, કંઈક મોટું થવાનું છે?

PM મોદી રાષ્ટ્રપતિને મળ્યા

હા, વક્ફ એક્ટ પર ચાલી રહેલા હોબાળા વચ્ચે, PM મોદી મંગળવારે અચાનક રાષ્ટ્રપતિ ભવન પહોંચ્યા હતા. ત્યાં તેઓ રાષ્ટ્રપતિ દ્રૌપદી મુર્મુને મળ્યા. આ બેઠક લગભગ એક કલાક ચાલી. આ અચાનક થયેલી મુલાકાતમાં શું ચર્ચા થઈ તે પણ બહાર આવ્યું છે. સૂત્રોનું કહેવું છે કે PM મોદી અને રાષ્ટ્રપતિ વચ્ચેની મુલાકાતમાં વક્ફ એક્ટ વિરુદ્ધ દાખલ અરજીઓ પર સુપ્રીમ કોર્ટની ટિપ્પણીઓ પર ચર્ચા કરવામાં આવી હતી. ચર્ચાના અન્ય મુદ્દાઓ પણ હતા, પરંતુ વક્ફ અને સુપ્રીમ કોર્ટની ટિપ્પણીઓ મહત્વપૂર્ણ હતી.

આ પણ વાંચો :  Waqf Act પર પ્રતિબંધ લાગી શકે છે! કેન્દ્ર સરકાર બેકફૂટ પર, સુપ્રીમ કોર્ટ પાસે માંગ્યો સમય

કેમ મહત્વપૂર્ણ છે આ બેઠક ?

જો સૂત્રોનું માનીએ તો, તમિલનાડુના રાજ્યપાલ દ્વારા અનેક બિલોને રોકવામાં આવ્યા હોવાના મુદ્દા પર સુપ્રીમ કોર્ટના નિર્ણય સામે સરકાર બંધારણીય બેંચનો સંપર્ક કરી શકે છે. અહીં એ ઉલ્લેખ કરવો મહત્વપૂર્ણ છે કે તાજેતરમાં સુપ્રીમ કોર્ટે એક નિર્ણય આપ્યો છે કે વિધાનસભા દ્વારા પસાર કરાયેલા કોઈપણ બિલ પર રાજ્યપાલો અને રાષ્ટ્રપતિએ ત્રણ મહિનાની અંદર નિર્ણય લેવો પડશે.

જેપી નડ્ડાના નિવાસસ્થાને બેઠક યોજાઈ

આ બેઠક એવા સમયે થઈ હતી જ્યારે દેશમાં વકફ કાયદાને લઈને ઉથલપાથલ ચાલી રહી છે. આજે સુપ્રીમ કોર્ટમાં એક મહત્વપૂર્ણ સુનાવણી છે. બીજી તરફ, જેપી નડ્ડાના નિવાસસ્થાને એક મહત્વપૂર્ણ બેઠક યોજાઈ હતી, જેમાં અમિત શાહ પણ હાજર રહ્યા હતા. એટલું જ નહીં, રાષ્ટ્રપતિને મળ્યા બાદ પીએમ મોદી ભાજપના ટોચના નેતાઓને પણ મળ્યા. જોકે, આ બેઠકોનો વાસ્તવિક હેતુ સંપૂર્ણપણે જાહેર કરવામાં આવ્યો નથી.

આ પણ વાંચો :  રોબર્ટ વાડ્રાની પૂછપરછ બાદ ED મોટી કાર્યવાહીના મૂડમાં! ટૂંક સમયમાં ચાર્જશીટ દાખલ કરશે