• PM મોદીએ ઓનલાઇન માધ્યમથી સમિટનું સંબોધન કર્યું
• દિલ્હીમાં ઇન્ડિયા એનર્જી વીક 2025 ની શરૂઆત કરાવી હતી
• 2030  સુધીમાં ભારત 0 કાર્બન એમિશનનાં લક્ષ્યાંક પર ચાલી રહ્યું છે

PM Modi France Visit: ભારત ઉર્જા સપ્તાહ 2025 કાર્યક્રમને સંબોધતા પ્રધાનમંત્રી નરેન્દ્ર મોદીએ કહ્યું કે, ભારત ઝડપી ગતિએ આગળ વધી રહ્યું છે. ભારતના ઉર્જા ક્ષેત્રમાં ઘણી શક્યતાઓ છે. પીએમએ કહ્યું કે આગામી બે દાયકા ભારત માટે ખૂબ જ મહત્વપૂર્ણ છે.

દિલ્હીમાં ઇન્ડિયા એનર્જી વીક 2025 ની શરૂઆત કરતી વખતે, પીએમ મોદીએ કહ્યું કે વિશ્વના દરેક નિષ્ણાત કહી રહ્યા છે કે 21મી સદી ભારતની સદી છે. ભારત ફક્ત પોતાના જ નહીં પરંતુ વિશ્વના વિકાસને પણ આગળ ધપાવી રહ્યું છે. આમાં આપણા ઉર્જા ક્ષેત્રની મોટી ભૂમિકા છે. ભારતની ઊર્જા મહત્વાકાંક્ષાઓ 5 સ્તંભો પર ઉભી છે. પહેલું- આપણી પાસે સંસાધનો છે, જેનો આપણે ઉપયોગ કરી રહ્યા છીએ. બીજું- અમે અમારા તેજસ્વી દિમાગને નવીનતા માટે પ્રોત્સાહિત કરી રહ્યા છીએ. ત્રીજું- આપણી પાસે આર્થિક અને રાજકીય સ્થિરતા છે. ચોથું- ભારત એક વ્યૂહાત્મક ભૌગોલિક સ્થિતિ ધરાવે છે, જે ઊર્જા વેપારને વધુ આકર્ષક અને સરળ બનાવે છે. પાંચમું- ભારત વૈશ્વિક સ્થિરતા માટે પ્રતિબદ્ધ છે, જે ભારતના ઊર્જા ક્ષેત્રમાં નવી શક્યતાઓ ઊભી કરી રહ્યું છે.

આ પણ વાંચો : Scottsdale Plane Accident: અમેરિકામાં વધારે એક ભયાનક પ્લેન દુર્ઘટના

2030 ની સમયમર્યાદા અનુસાર લક્ષ્યો નક્કી કરવામાં આવ્યા છે: પીએમ મોદી

પીએમ મોદીએ કહ્યું કે, વિકસિત ભારત માટે આગામી બે દાયકા ખૂબ જ મહત્વપૂર્ણ છે. આગામી પાંચ વર્ષોમાં, ઘણા સીમાચિહ્નો પાર કરવાના છે. આપણા ઘણા ઉર્જા લક્ષ્યો 2030 ની સમયમર્યાદા સાથે સુસંગત છે. અમે 2030 સુધીમાં 500 ગીગા વોટ નવીનીકરણીય ઉર્જા ક્ષમતા ઉમેરવા માંગીએ છીએ. ભારતે 2030 સુધીમાં ઝીરો કાર્બન એમિશનની મહત્વાકાંક્ષાનું લક્ષ્ય રાખ્યું છે. અમારું લક્ષ્ય 2030 સુધીમાં 5 મિલિયન મેટ્રિક ટન ગ્રીન હાઇડ્રોજનનું ઉત્પાદન કરવાનું છે. આપણા આ લક્ષ્યો મહત્વાકાંક્ષી લાગે છે, પરંતુ ભારતે 10 વર્ષમાં જે હાંસલ કર્યું છે તેનાથી વિશ્વાસ પેદા થયો છે કે આપણે આ લક્ષ્યો પણ પ્રાપ્ત કરીશું.

ભારતની સૌર ઉર્જા ક્ષમતા 10 વર્ષમાં 32 ગણી વધી: પ્રધાનમંત્રી

છેલ્લા 10 વર્ષમાં, ભારત 10મા અર્થતંત્રથી 5મા સ્થાને પહોંચી ગયું છે. 10 વર્ષમાં આપણે આપણી સૌર ઊર્જા ક્ષમતામાં 32 ગણો વધારો કર્યો છે. આજે ભારત વિશ્વનો ત્રીજો સૌથી મોટો સૌર ઉર્જા ઉત્પન્ન કરતો દેશ છે. આપણી બિન-અશ્મિભૂત ક્ષમતા ત્રણ ગણી વધારે છે. પેરિસ કરારનું પાલન કરનાર G20 દેશોમાં ભારત પહેલો દેશ છે. ઇથેનોલ મિશ્રણ એ એક ઉદાહરણ છે કે ભારત કેવી રીતે સમય પહેલા પોતાનું લક્ષ્ય પ્રાપ્ત કરી રહ્યું છે. આજે ભારત 90 ટકા ઇથેનોલ મિશ્રણ કરી રહ્યું છે.

આ પણ વાંચો : Mahakumbh: મહા પૂર્ણિમાના સ્નાનને લઇને traffic advisory જાહેર