સુપ્રીમ કોર્ટની Youtube ચેનલ હેક થઈ, ક્રિપ્ટોકરન્સી સંબંધિત વીડિયો થયા અપલોડ

• સુપ્રીમ કોર્ટની યુટ્યુબ ચેનલ હેક થઈ
• તેમા અમેરિકન ક્રિપ્ટોકરન્સી XRP ની જાહેરાત બતાવી રહ્યું છે

ભારતની સુપ્રીમ કોર્ટની Youtube ચેનલને હેક કરવામાં આવી છે. હવે આ ચેનલ પર સુપ્રીમ કોર્ટ ઓફ ઈન્ડિયાની જગ્યાએ રિપલ નામની એક અલગ જ ચેનલ દેખાઈ રહી છે. આ હેકિંગની ઘટનામાં સૌથી ચોંકાવનારી બાબત એ છે કે, હેકર્સે આ ચેનલ પર પહેલા જે સુપ્રીમ કોર્ટને લગતા વીડિયો હતા તેને દૂર કરીને તેની જગ્યાએ ક્રિપ્ટોકરન્સી સંબંધિત વીડિયો અપલોડ કર્યા છે. આનો અર્થ એ થાય છે કે હેકર્સે આ ચેનલનો ઉપયોગ ક્રિપ્ટોકરન્સીને પ્રમોટ કરવા માટે કરી રહ્યા છે.

SC ની Youtube ચેનલ હેક

સર્વોચ્ચ અદાલત બંધારણીય બેન્ચ અને જાહેર હિતના મુદ્દાઓ સમક્ષ સૂચિબદ્ધ કેસોની સુનાવણીને લાઇવ સ્ટ્રીમ કરવા માટે YouTube ચેનલનો ઉપયોગ કરે છે. તાજેતરમાં, કોલકાતાની આરજી કાર મેડિકલ કોલેજ અને હોસ્પિટલમાં એક મહિલા તાલીમાર્થી ડૉક્ટર પર દુષ્કર્મ અને હત્યા કેસની સુનાવણી સુપ્રીમ કોર્ટની યુટ્યુબ ચેનલ પર લાઇવ સ્ટ્રીમ કરવામાં આવી હતી. સુપ્રીમ કોર્ટની યુટ્યુબ ચેનલ પર અપલોડ કરવામાં આવેલી છેલ્લી સુનાવણીનો વીડિયો હેકર્સ દ્વારા ખાનગી બનાવવામાં આવ્યો હતો અને 'બ્રાડ ગાર્લિંગહાઉસઃ રિપલ રિસ્પોન્ડ્સ ટુ ધ એસઈસીના $2 બિલિયન ફાઈન! 'XRP પ્રાઇસ પ્રિડિક્શન' નામનો ખાલી વીડિયો હાલમાં હેક થયેલી ચેનલ પર લાઇવ થઈ રહ્યો છે. સુપ્રીમ કોર્ટના એક વરિષ્ઠ અધિકારીએ કહ્યું કે, અમને ખાતરી નથી કે ખરેખર શું થયું. પરંતુ એવું લાગે છે કે વેબસાઇટ સાથે છેડછાડ કરવામાં આવી છે. તેમણે કહ્યું કે, શુક્રવારે સવારે સુપ્રીમ કોર્ટની સત્તાવાર યુટ્યુબ ચેનલ પર સમસ્યા પ્રકાશમાં આવી હતી અને સુપ્રીમ કોર્ટની IT ટીમે તેને ઠીક કરવા માટે NIC (નેશનલ ઇન્ફોર્મેટિક્સ સેન્ટર) પાસેથી મદદ માંગી છે.

ચેનલ પર SC ની જગ્યાએ રિપલ નામની ચેનલ

આ દિવસોમાં, હેકર્સ મોટા પાયે લોકપ્રિય યુટ્યુબ ચેનલોને નિશાન બનાવી રહ્યા છે. હેકર્સને તેના CEO બ્રાડ ગાર્લિંગહાઉસનું નકલી એકાઉન્ટ બનાવવાથી રોકવામાં નિષ્ફળ રહેવા બદલ રિપલે પોતે યુટ્યુબ પર દાવો માંડ્યો છે. તત્કાલિન CJI UU લલિતની અધ્યક્ષતામાં પૂર્ણ અદાલતની બેઠકમાં, મુખ્ય સુનાવણીનું લાઇવ સ્ટ્રીમિંગ કરવાનો સર્વસંમતિથી નિર્ણય લેવામાં આવ્યો હતો. આ અંતર્ગત સુપ્રીમ કોર્ટે 2018માં નિર્ણય લીધો હતો કે તમામ બંધારણીય બેંચની સુનાવણી યુટ્યુબ ચેનલ પર લાઈવ-સ્ટ્રીમ કરવામાં આવશે. સુપ્રીમ કોર્ટની કાર્યવાહીનું લાઇવ સ્ટ્રીમિંગ પહેલીવાર 27 સપ્ટેમ્બર 2022ના રોજ થયું હતું, જ્યારે તત્કાલીન CJI NV રમણાએ તેમની નિવૃત્તિના દિવસે 5 કેસમાં ચુકાદો આપ્યો હતો.

આ પણ વાંચો:   'Bulldozer' 1 ઓક્ટોબર સુધી બંધ, Supreme Court એ કલમ 142 હેઠળ પ્રતિબંધ મૂક્યો