Lok Sabha Election Result 2024: જાણો... કેવી રીતે મતગણતરી કરીને પરિણામો જાહેર કરવામાં આવે છે?

Lok Sabha Election Result 2024: લોકસભા ચૂંટણી 2024 (Lok Sabha Election) ના સાત તબક્કામાં થયેલા મતદાનની ગણતરી 4 June ના રોજ કરવામાં આવશે. 4 June ના રોજ દેશમાં કોની સરકાર બનશે તે જાહેર કરવામાં આવશે. તે પહેલા 1 June ના રોજ એક્ઝિટ પોલના આંકડાઓ અનુસાર દેશમાં ફરી એકવાર ભાજપ સરકાર બનવા જઈ રહી છે. તો લોકસભાના અમૃત મહોત્સવના પર્વ લોકસભા ચૂંટણી 2024 ના પરિણામો આવતા પહેલા કેવી રીતે મતગણતરી કરવામાં આવે છે, આ અહેવાલમાં તેના વિશે જાણીએ....

• કેવી રીતે શરુ કરે છે મતગણતરીની પ્રક્રિયા?

• કેવી રીતે પરિણામ નક્કી કરવામાં આવે છે?

• ક્યારે થાય છે VVPAT ની ગણતરી?

ભારતીય ચૂંટણી પંચના અનુસાર 4 Juneની સવારે 8 કલાકના રોજ મતગણતરી શરુ કરવામાં આવશે. સૌથી પહેલા પોસ્ટલ બેલેટની મતગણતરી કરવામાં આવશે. ત્યારબાદ EVM માં પડેલા મતોની ગણતરી કરવામાં આવશે. તો બીજી તરફ પોસ્ટલ બેલેટની મતગણતરીના પણ બે પ્રકાર હોય છે. સૌ પ્રથમ ભારતીય સુરક્ષા અધિકારીઓ દ્વારા કરવામાં આવેલા મતોની ગણતરી કરવામાં આવશે. તેના પછી ચૂંટણીમાં નિયુક્ત કરવામાં આવેલા કર્મચારી, અધિકારીઓ અને સુરક્ષા કર્મચારીઓના મતની ગણતરી કરવામાં આવશે.

કેવી રીતે શરુ કરે છે મતગણતરીની પ્રક્રિયા?

ચૂંટણી સંચાલન નિયમ 1961 ના નિયમ 54 A ના અનુસાર, પોસ્ટલ બેલેટની ગણતરી પ્રથમ રિટર્નિંગ ઓફિસર (RO) ના ટેબલ પર શરૂ થશે. આવા પોસ્ટલ બેલેટ પેપરની જ ગણતરી કરવામાં આવશે જે RO દ્વારા મતગણતરી શરૂ કરવા માટે નિર્ધારિત સમય પહેલા પ્રાપ્ત થાય છે. પોસ્ટલ બેલેટની ગણતરી શરૂ થયાના 30 મિનિટ પછી EVM થી મતોની ગણતરી શરૂ થાય છે. જોકે મતવિસ્તારમાં પોસ્ટલ બેલેટ દ્વારા મત આપવામાં આવ્યા નથી. ત્યારે EVM થી થયેલા મતોની ગણતરી કરવામાં આવશે.

કેવી રીતે પરિણામ નક્કી કરવામાં આવે છે?

મતોની ગણતરી માટે મતદાન મથકમાં ઉપયોગમાં લેવાતા EVM ના કંટ્રોલ યુનિટ (CU) સાથે માત્ર ફોર્મ 17C જરૂરી છે. EVM ના CU માંથી પરિણામો જાહેર કરતાં પહેલા, મતગણતરી અધિકારીઓ ખાતરી કરશે કે તેમના પરની પેપર સીલ છે અને કુલ મતદાન ફોર્મ 17C માં દર્શાવેલ મતો સાથે મેળ થાય છે કે નહીં. કંટ્રોલ યુનિટનું પરિણામ મતગણતરી નિરીક્ષકો, સૂક્ષ્મ નિરીક્ષકો અને ઉમેદવારોના કાઉન્ટિંગ એજન્ટોને બતાવ્યા પછી ફોર્મ 17C ના ભાગ-2 માં નોંધવામાં આવશે. જો પરિણામ કંટ્રોલ યુનિટની ડિસ્પ્લે પેનલમાં પ્રદર્શિત ન થાય તો, તમામ CU ની ગણતરી પૂર્ણ થયા, પછી સંબંધિત VVPAT ની VVPAT સ્લિપ્સની ગણતરી કરવામાં આવશે.

ક્યારે થાય છે VVPAT ની ગણતરી?

દરેક CU ના ઉમેદવાર મુજબનું પરિણામ ફોર્મ 17C ના ભાગ 20 માં નોંધવામાં આવશે અને મતગણતરી નિરીક્ષક અને મતગણતરી ટેબલ પર હાજર ઉમેદવારોના કાઉન્ટિંગ એજન્ટ દ્વારા સહી કરવામાં આવશે. CU માંથી મતોની ગણતરી પૂર્ણ થયા બાદ જ VVPAT ની ગણતરી શરૂ થશે. દરેક વિધાનસભા મતવિસ્તાર/સંસદીય મતવિસ્તારમાં અવ્યવસ્થિત રીતે પસંદ કરાયેલા પાંચ મતદાન મથકોની VVPAT ની ફરજિયાત ચકાસણી મત ગણતરી પૂર્ણ થયા પછી જ કરવામાં આવશે. જ્યારે જીતનું માર્જિન અસ્વીકારિત પોસ્ટલ બેલેટની સંખ્યા કરતા ઓછું હોય, ત્યારે પરિણામ જાહેર કરતા પહેલા આવા તમામ નામંજૂર કરાયેલા પોસ્ટલ બેલેટની ફરજિયાતપણે પુનઃ ચકાસણી કરવામાં આવશે. જો બે ઉમેદવારો સમાન સંખ્યામાં સૌથી વધુ મત મેળવે છે, તો પરિણામ લોટરી દ્વારા જાહેર કરવામાં આવશે.

આ પણ વાંચો: EC Rajiv Kumar: ભારતીય ચૂંટણી પંચના મુખ્ય સચિવનો જોવા મળ્યો શાયરાના અંદાઝ