Landslide in J&K: 50 ગુજરાતી મુસાફરોની સલામતી માટે CM ભૂપેન્દ્ર પટેલ અને ગૃહ રાજ્યમંત્રી હર્ષ સંઘવી સતત પ્રયત્નશીલ
- રામબનમાં કુદરતી આફતમાં અટવાયેલા 50 ગુજરાતી સુરક્ષિત
- ગાંધીનગરના 30 અને પાલનપુરના 20 મુસાફર સુરક્ષિત
- ગુજરાતી મુસાફરોની સલામતી માટે સીએમ દ્વારા દિશા નિર્દેશ અપાયા
- ગૃહ રાજ્યમંત્રી હર્ષ સંઘવી સતત સંપર્કમાં રહ્યા છે
Landslide in J&K: જમ્મુ-કાશ્મીરમાં ભારે વાવાઝોડા અને વરસાદને કારણે ભારે વિનાશ થયો છે. છેલ્લા ઘણા દિવસોથી અહીં વરસાદ પડી રહ્યો છે. ભારે વરસાદને કારણે રામબન જિલ્લાના બનિહાલ(Banihal) વિસ્તારમાં ઘણી જગ્યાએ ભૂસ્ખલન થયું છે. રામબનમાં સર્જાયેલ કુદરતી આફતમાં અટવાયેલા 50 ગુજરાતી (50 Gujarati passengers)સુરક્ષિત હોવાની માહિતી સામે આવી છે. આ 50 મુસાફરોમાં ગાંધીનગર(Gandhinagar)ના 30 અને પાલનપુર(Palanpur)ના 20 મુસાફરોનો સમાવેશ થાય છે. આવતીકાલે તેમને બસમાં સહીસલામત રીતે Banihal મોકલવામાં આવશે. ગુજરાતી પ્રવાસીઓની સુરક્ષા અને સલામતી માટે ગુજરાતના મુખ્યમંત્રી ભૂપેન્દ્ર પટેલ(CM Bhupendra Patel) અને ગૃહ રાજ્યમંત્રી હર્ષ સંઘવી(Harsh Sanghavi) સતત પ્રયત્નશીલ છે.
જમ્મુ કાશ્મીરના રામબનમાં ફસાયેલા ગુજરાતીઓની વ્હારે દાદા સરકાર
CM ભૂપેન્દ્ર પટેલના માર્ગદર્શન હેઠળ ગૃહરાજ્યમંત્રીએ આપ્યા આદેશ
હર્ષભાઈ સંઘવીએ ગુજરાત પોલીસને જરૂરી પગલા લેવા આપી સૂચના
ગુજરાત પોલીસે તાત્કાલિક JK પોલીસ કંટ્રોલ રૂમનો કર્યો સંપર્ક@CMOGuj #JammuKashmirFloods… pic.twitter.com/dqzM68xRtt— Gujarat First (@GujaratFirst) April 20, 2025
ગુજરાત સીએમ અને ગૃહ રાજ્ય મંત્રી સતત પ્રયત્નશીલ
જમ્મુ કાશ્મીરના રામબન(Ramban) અને બનિહાલ(Banihal) વિસ્તારમાં થયેલા ભૂસ્ખલનમાં ગુજરાતીઓ ફસાયા હોવાની ખબર થી ચકચાર મચી ગઈ હતી. આ સમગ્ર મામલે ગુજરાતના મુખ્યમંત્રી ભૂપેન્દ્ર પટેલ(CM Bhupendra Patel) સતત માર્ગદર્શન આપી રહ્યા છે. ગૃહ રાજ્યમંત્રી હર્ષ સંઘવી(Harsh Sanghavi) પણ સતત પ્રયત્નશીલ છે. ભૂપેન્દ્ર પટેલના માર્ગદર્શન હેઠળ ગૃહ રાજ્ય મંત્રી હર્ષ સંઘવીએ ગુજરાત પોલીસને જરૂરી પગલાં લેવા સૂચના આપી છે. ગુજરાત પોલીસે તાત્કાલિક જમ્મુ-કાશ્મીર પોલીસ કંટ્રોલ રૂમ અને રામબન એસ.એસ.પી. સાથે સંપર્ક કરી પ્રવાસીઓની માહિતી મેળવી છે. તમામ ગુજરાતી પ્રવાસીઓ સુરક્ષિત છે. પ્રવાસીઓ માટે જમવા સહિતની વ્યવસ્થાઓ કરવામાં આવી રહી છે. ગુજરાત પોલીસ સેન્ટ્રલ આઈ.બી. સહિત જમ્મુ-કાશ્મીર પ્રશાસન સાથે સતત સંપર્કમાં છે. ગુજરાત સરકાર અને પોલીસે તાત્કાલિક જમ્મુ કાશ્મીર પ્રશાસનના સંપર્કમાં રહી ગુજરાતના પ્રવાસીઓની સલામતી સુનિશ્ચિત કરી છે. બનાસકાંઠાના કલેક્ટરે રામબનના કલેક્ટર તેમજ બસમાં સવાર મુસાફરોમાંના એક કેતન સાથે વ્યક્તિગત રીતે વાત કરી છે. જિલ્લા વહીવટીતંત્ર રામબનની ટીમ બચાવ કામગીરીમાં મદદ કરવા માટે રવાના થઈ રહી છે. આવતીકાલે તેમને બસમાં સહીસલામત રીતે બનિહાલ મોકલવામાં આવશે.
Jammu & Kashmir : વાદળ ફાટવાથી તબાહી | Gujarat First
-જમ્મુ કાશ્મીરમાં વાદળ ફાટતા મોટાપાયે તારાજી
-રામબનના ધર્મકુંડ ગામમાં વાદળ ફાટ્યું, 3ના મોત
-100 લોકોનું રેસ્ક્યૂ કરીને સુરક્ષિત સ્થળે ખસેડાયા
-લાપતા લોકોની શોધખોળ હાથ ધરવામાં આવી
-ભારે વરસાદ વચ્ચે રામબન-બનિહાલમાં ભૂસ્ખલન… pic.twitter.com/EBPtLreCTl— Gujarat First (@GujaratFirst) April 20, 2025
વહીવટી તંત્ર એલર્ટ મોડ પર
કેન્દ્રીય મંત્રી અને ઉધમપુરના ભાજપ સાંસદ ડૉ. જીતેન્દ્ર સિંહે સોશિયલ મીડિયા પ્લેટફોર્મ X પર એક પોસ્ટ દ્વારા આ ઘટનાની માહિતી આપી અને કહ્યું કે હું ડેપ્યુટી કમિશનર સાથે સતત સંપર્કમાં છું. તેમણે પોસ્ટમાં લખ્યું, રામબન અને આસપાસના વિસ્તારોમાં રાતોરાત ભારે કરા પડ્યા, ઘણી જગ્યાએ ભૂસ્ખલન થયું અને ભારે પવન ફૂંકાયો. જેના કારણે રાષ્ટ્રીય ધોરીમાર્ગ અવરોધિત થયો છે અને કમનસીબે 3 લોકોના મોત થયા છે અને કેટલાક પરિવારોની સંપત્તિને નુકસાન થયું છે. હું ડેપ્યુટી કમિશનર બસીર-ઉલ-હક ચૌધરી સાથે સતત સંપર્કમાં છું. હું જિલ્લા વહીવટીતંત્રની સમયસર અને ત્વરિત કાર્યવાહી બદલ પ્રશંસા કરું છું, જેના કારણે ઘણા કિંમતી જીવ બચી ગયા. તેમણે કહ્યું કે શક્ય તેટલી મદદ પૂરી પાડવામાં આવી રહી છે. ડીસીને કહેવામાં આવ્યું છે કે જો જરૂર પડશે તો તેઓ વ્યક્તિગત સંસાધનોથી પણ મદદ કરશે. તેમણે લોકોને ગભરાવ નહીં તેવી અપીલ કરી છે. આપણે બધા સાથે મળીને આ કુદરતી આપત્તિનો સામનો કરીશું.
આ પણ વાંચોઃ Landslide in J&K: વાદળ ફાટવાથી જમ્મુ-કાશ્મીરમાં ભૂસ્ખલન, 50 ગુજરાતી મુસાફર સલામત
વાદળ ફાટવાથી તારાજી સર્જાઈ
જમ્મુ-કાશ્મીરમાં ફરી એકવાર હવામાન બદલાયું છે. અચાનક આવેલા ભારે પવન અને વરસાદે જનજીવન અસ્તવ્યસ્ત કરી દીધું છે. આ વખતે હવામાને રામબન, રાજૌરી, જમ્મુ અને ઉધમપુરને સૌથી વધુ અસર કરી છે. રાજૌરીના કાલાકોટ ઉપ-જિલ્લામાં ભારે વાવાઝોડા સાથે કરા અને ભારે વરસાદે ભારે તબાહી મચાવી હતી, જેના કારણે ડઝનબંધ પરિવારો બેઘર થઈ ગયા અને સંપત્તિને ભારે નુકસાન થયું હતું. સૌથી વધુ અસરગ્રસ્ત વિસ્તારોમાં કાલાકોટ અને મોગલા બ્લોકનો સમાવેશ થાય છે, જ્યાં ભારે પવનથી આ વિસ્તાર તબાહ થઈ ગયો હતો. જ્યારે રવિવારે સવારે રામબન જિલ્લાના સેરી બાગના વિસ્તારમાં વરસાદ પછી વાદળ ફાટવાથી 4 લોકોના મોત થયા હતા. સૂત્રોએ જણાવ્યું હતું કે વાદળ ફાટવાના કારણે અચાનક પૂર આવ્યું હતું જેના કારણે પર્વતનો કાટમાળ ગામ તરફ આવ્યો હતો અને ઘણા લોકો અને ઘરો તેની ઝપેટમાં આવી ગયા હતા.
ઠેર ઠેર ભૂસ્ખલન
રામબન જિલ્લાના ધરમકુંડમાં ચેનાબ નદી નજીકના એક ગામમાં ભારે વરસાદને કારણે અચાનક ભૂસ્ખલન થયું. આમાં, 10 ઘરોને સંપૂર્ણપણે નુકસાન થયું હતું અને 25-30 ઘરોને આંશિક અસર થઈ હતી. ધર્મકુંડ પોલીસે લગભગ 90-100 લોકોને સલામત સ્થળે ખસેડ્યા છે. તે જ સમયે, રામબન જિલ્લાના બનિહાલ વિસ્તારમાં ઘણી જગ્યાએ ભૂસ્ખલનની ઘટનાઓ બની છે. આ કારણે જમ્મુ-શ્રીનગર રાષ્ટ્રીય ધોરીમાર્ગ બંધ થઈ ગયો છે. હાઇવે પર સેંકડો વાહનો ફસાયેલા છે. ઉપરાંત, કિશ્તવાડ-પદ્દર રસ્તો પણ બંધ કરી દેવામાં આવ્યો છે. અહીં વાહનોની અવરજવર બંધ કરી દેવામાં આવી છે.
આ પણ વાંચોઃ Gondal કાર અકસ્માતમાં મૃત્યુ પામેલા 4 લોકોની અંતિમયાત્રા નીકળી, સમગ્ર વાતાવરણ શોકમય બન્યું