હેલ્લો પૃથ્વીવાસીઓ..,ચંદ્ર પરથી પ્રજ્ઞાન રોવરે ISRO ને મોકલ્યો આ સંદેશ
ભારતના ચંદ્ર મિશન 'ચંદ્રયાન-3'ના વિક્રમ લેન્ડર સાથે ગયેલા પ્રજ્ઞાન રોવરે ચંદ્ર પરથી પોતાની સ્થિતિ જણાવી છે. પ્રજ્ઞાન રોવરે એક સંદેશ મોકલ્યો છે, જેમાં તેણે પૃથ્વીના લોકોના સ્વાસ્થ્ય વિશે પણ પૂછપરછ કરી છે. રોવરે જણાવ્યું છે કે તે અને તેનો મિત્ર વિક્રમ લેન્ડર સંપર્કમાં છે અને બંનેની તબિયત સારી છે. આ સાથે, સંદેશમાં એવું પણ છે કે ટૂંક સમયમાં શ્રેષ્ઠ પરિણામ આવવાનું છે.
શું પ્રજ્ઞાન રોવરે કોઈ સંદેશ આપ્યો હતો?
ISROના વડા એસ. સોમનાથ સહિત ઘણા ભારતીય વૈજ્ઞાનિકોએ આશા વ્યક્ત કરી છે કે ચંદ્રયાન-3 બીજા ચંદ્ર દિવસોમાં પણ કામ કરી શકે છે. આ માટે તેને ચંદ્રની રાત્રિના અત્યંત ઠંડા તાપમાનમાં ટકી રહેવું પડે છે. નિષ્ણાતોનું કહેવું છે કે જ્યારે સૂર્ય આથમે છે ત્યારે ચંદ્રના કેટલાક ભાગોમાં તાપમાન માઈનસ 203 ડિગ્રી સુધી પહોંચી જાય છે.
આ પણ વાંચો -ADITYA L 1 MISSION : આદિત્ય મિશનમાં પોઈન્ટ L1 જ કેમ પસંદ કરાયું, જાણો તેની પાછળનું ગણિત