Delhi Politics : ભાજપને બાય બાય કહી આ દિગ્ગજ નેતા AAP માં જોડાયા

Delhi Politics : દિલ્હીમાં વધતા પ્રદૂષણ વચ્ચે રાજનીતિમાં પણ ગરમાવો જોવા મળી રહ્યો છે. BJP નેતા બ્રહ્મસિંહ તંવર આમ આદમી પાર્ટી (AAP) માં જોડાઈ ગયા છે. દિવાળીના અવસર પર તેમણે ભાજપ (BJP) છોડીને આમ આદમી પાર્ટીમાં જોડાવાનો નિર્ણય કર્યો હતો. તેમણે આમ આદમી પાર્ટીના રાષ્ટ્રીય અધ્યક્ષ અરવિંદ કેજરીવાલની હાજરીમાં પાર્ટીનું સભ્યપદ લીધું. બ્રહ્મસિંહ તંવર ત્રણ વખત ધારાસભ્ય અને ત્રણ વખત સાંસદ રહી ચૂક્યા છે. બ્રહ્મસિંહ તંવર 1993, 1998માં મહેરૌલી અને 2013માં છતરપુરથી ભાજપની ટિકિટ પર ધારાસભ્ય રહી ચૂક્યા છે. બ્રહ્મસિંહ તંવર એક મહાન ગુર્જર નેતા તરીકે ઓળખાય છે.

બ્રહ્મસિંહ તંવરે શું કહ્યું?

છતરપુરથી AAP ધારાસભ્ય કરતાર સિંહ તંવર આમ આદમી પાર્ટી છોડીને ભાજપમાં જોડાયા હતા. આવી સ્થિતિમાં એવું માનવામાં આવે છે કે આમ આદમી પાર્ટી બ્રહ્મસિંહ તંવરને છતરપુર વિધાનસભાથી ટિકિટ આપી શકે છે. આમ આદમી પાર્ટીમાં જોડાયા બાદ બ્રહ્મ સિંહ તંવરે કહ્યું, "આજે મેં ભાજપ સાથે સંબંધ તોડીને AAP સાથે કામ કરવાનું મન બનાવી લીધું છે. અરવિંદ કેજરીવાલનો ઉત્સાહ અને વિકાસ જોઈને હું તેમની સાથે જોડાયો છું. અરવિંદ કેજરીવાલ જી આભાર કે તેમણે તેમની સાથે મને જોડ્યો."

અરવિંદ કેજરીવાલે શું કહ્યું?

બ્રહ્મસિંહ તંવરના પક્ષમાં જોડાવા અંગે અરવિંદ કેજરીવાલે કહ્યું, "આજે AAP માટે ખૂબ જ ખુશીનો દિવસ છે. બ્રહ્મસિંહજી એક મોટો ચહેરો છે. તેઓ 50 વર્ષથી જનતાની સેવા કરી રહ્યા છે. તેઓ ત્રણ વખત ધારાસભ્ય રહી ચૂક્યા છે. ભાજપ છોડીને જોડાયા છે. આમ આદમી પાર્ટીનું કામ જોઈને લોકો અમારી સાથે જોડાઈ રહ્યા છે. અરવિંદ કેજરીવાલે કહ્યું કે, આમ આદમી પાર્ટી માત્ર 12 વર્ષની છે, પરંતુ દિલ્હી બાદ પંજાબમાં પણ તેમણે સરકાર બનાવી છે. આ પાર્ટીમાં મોટા મોટા નેતાઓ જોડાઈ રહ્યા છે. તેનું કારણ આમ આદમી પાર્ટીની સરકારનું કામ છે.

આ પણ વાંચો:  Delhi Air Pollution : ફટાકડા ફોડનારાઓની ખૈર નહીં, થશે કડક કાર્યવાહી