Noida : ટલ્લી બનેલી આફ્રિકન યુવતીએ જાહેરમાં જ....
- નોઈડામાં મોડી રાત્રે આફ્રિકન યુવતીએ કર્યો હાઇવોલ્ટેજ ડ્રામા
- ટલ્લી બનેલી યુવતીએ મચાવ્યો હોબાળો
- પોલીસકર્મીઓ સાથે દુર્વ્યવહાર કર્યો
- લોકોએ આ ઘટનાનો વીડિયો બનાવીને સોશિયલ મીડિયા પર વાયરલ કર્યો
Noida : દિલ્હીને અડીને આવેલા નોઈડા શહેરમાં એક યુવતીએ ભારે હંગામો મચાવ્યો હતો. મોડી રાત્રે આફ્રિકન મૂળની યુવતીએ દારૂના નશામાં રસ્તાની વચ્ચે હાઇવોલ્ટેજ ડ્રામા કર્યો હતો. જેથી રસ્તાની વચ્ચોવચ ભારે હોબાળો મચી ગયો હતો. ટલ્લી બનેલી યુવતીએ પોલીસકર્મીઓ સાથે દુર્વ્યવહાર કર્યો હતો, ત્યારે તે પસાર થતા લોકો સાથે લડતી પણ જોવા મળી હતી. લોકોએ આ ઘટનાનો વીડિયો બનાવીને સોશિયલ મીડિયા પર વાયરલ કર્યો હતો. ઘણી મથામણ બાદ પોલીસે લોકો સાથે મળીને યુવતીને કંટ્રોલ કરી અને પોલીસ સ્ટેશન લઈ ગઈ. આ ઘટના ગ્રેટર નોઈડાના સૂરજપુર પોલીસ સ્ટેશન વિસ્તાર હેઠળના જેતપુર વિસ્તારમાં બની હતી.
આ પણ વાંચો----Aloo patties માંથી એવી વસ્તુઓ નીકળી કે જોઈને તમે પણ સ્તબ્ધ થઈ જશો, જુઓ વીડિયો
લોકોએ વીડિયો બનાવીને વાયરલ કર્યો
#highvoltagedrama #NoidaPolice #UPNews pic.twitter.com/LO4NOSruB8
— Khushbu Goyal (@kgoyal466) August 2, 2024
સોશિયલ મીડિયા પર વાયરલ થયેલા વીડિયોમાં જોઈ શકાય છે કે તે આફ્રિકન મૂળની છોકરી છે. તેણે બ્લેક સિંગલ ટોપ ડ્રેસ પહેર્યો છે. તે રસ્તાની વચ્ચે ઊભી છે અને જોરથી બૂમો પાડી રહી છે. ક્યારેક તે ત્યાંથી પસાર થતા રાહદારી સાથે ઝઘડામાં પડી જાય છે તો ક્યારેક તે પોલીસકર્મીઓ સાથે લડે છે. તે તેની ભાષામાં ધમકી આપતી દેખાય છે. તેની ભાષા સમજનાર એક વ્યક્તિએ પોલીસને જણાવ્યું કે તે દુર્વ્યવહાર કરી રહી છે. પોલીસકર્મીઓ તેને પકડવાનો પ્રયાસ કરે છે, પરંતુ તે તેમને દૂર ધકેલી દે છે. તેણે એક મહિલા પોલીસ અધિકારીને નીચે પછાડી હતી. યુવતીની હરકતો જોઈને પસાર થતા લોકોમાં ગભરાટ ફેલાઈ ગયો હતો.
કોઈએ પોલીસને બોલાવી
સૂરજપુર પોલીસ સ્ટેશનના જણાવ્યા અનુસાર, રાત્રે કંટ્રોલ રૂમમાં ફોન આવ્યો હતો કે એક વિદેશી યુવતી દારૂના નશામાં અહીં-તહીં ભટકી રહી છે. લોકોને પરેશાન કરે છે. માહિતી મળતાં જ પોલીસ ઘટનાસ્થળે પહોંચી ગઈ અને યુવતીને કાબૂમાં લેવાનો પ્રયાસ કર્યો, પરંતુ તે ગુસ્સે થઈ ગઈ હતી. તેણે પોલીસકર્મીઓ સાથે ગેરવર્તણૂક શરૂ કરી. હંગામો જોતા જ સ્થળ પર લોકોના ટોળેટોળા ઉમટી પડ્યા હતા. મહિલા કર્મચારીઓએ તેને સમજાવવાની ઘણી કોશિશ કરી, પરંતુ તે માનતી ન હતી, તેમ છતાં પોલીસે તેને નિયંત્રિત કરી હતી.
આ પણ વાંચો--- પતિ હતો નિશાને, મહિલા બની શિકાર, Delhi માં ધોળા દિવસે મહિલાની હત્યા...