EVM-VVPAT ને લઈને બિહારમાં PM નરેન્દ્ર મોદીએ વિપક્ષ પર કર્યા આકરા પ્રહારો
PM Modi Speech ON EVM-VVPAT: લોકસભાની ચૂંટણીને લઈને અત્યારે વડાપ્રધાન નરેન્દ્ર મોદી પ્રચાર કરી રહ્યાં છે. આજે PM નરેન્દ્ર મોદીએ શુક્રવારે બીજા તબક્કાના મતદાન વચ્ચે બિહારમાં એક જાહેર સભાને સંબોધી કરી હતી. નોંધનીય છે કે, ચૂંટણી પ્રચાર દરમિયાન અરરિયામાં આયોજિત આ જાહેરસભામાં પીએમ નરેન્દ્ર મોદીએ ઈવીએમને લઈને વિપક્ષ પર નિશાન સાધ્યું હતું. વડાપ્રધાન મોદીએ કહ્યું કે, ઈવીએમને લઈને આશંકા પેદા કરવામાં આવી છે અને આ લોકો તેને બદનામ કરી રહ્યા છે. સુપ્રીમ કોર્ટે પોતાના નિર્ણય સાથે વિપક્ષને જોરદાર લપડાક આપી છે. પીએમ મોદીએ કહ્યું કે, સુપ્રીમ કોર્ટના નિર્ણયથી બેલેટ પેપર લૂંટનારાઓનું સપનું ચકનાચૂર થઈ ગયું છે. હવે જૂનો યુગ પાછો આવવાનો નથી.
આજનો દિવસ લોકતંત્ર માટે ખુશીનો દિવસઃ વડાપ્રધાન મોદી
પોતાના ભાષણમાં વડાપ્રધાન મોદીએ કહ્યું કે, આજનો દિવસ લોકતંત્ર માટે ખુશીનો દિવસ છે. પહેલા આરજેડી અને કોંગ્રેસના શાસનમાં બેલેટ પેપરના નામો પર લોકોને લૂંટી રહ્યા હતા. આમની સરકારમાં ચૂંટણીમાં વોટ લૂંટવામાં આવતા હતા. તેના માટે તેઓ EVM હટાવવા માંગે છે. INDI ગઠબંધનના દરેક નેતાઓએ EVM ને લઈને લોકોના મનમાં સંદેહ પેદા કરવાનું પાપ કર્યું છે. માત્ર 2 કલાક પહેલા સુપ્રીમ કોર્ટે લોકોને આ રીતે ફટકાર લગાવી હતી. તે એક ગંભીર થપ્પડ છે જે તેઓ જોઈ શકતા નથી. વિપક્ષે માફી માંગવી જોઈએ.
વડાપ્રધાન નરેન્દ્ર મોદીએ પોતાના ભાષણમાં કરી આ ખાસ વાતો
પીએમ મોદીએ કહ્યું કે, 2011માં જ્યારે રાજદ અને કોંગ્રેસ દિલ્હીમાં સત્તા પર હતા ત્યારે તત્કાલિન વડાપ્રધાન ડૉ. મનમોહન સિંહની કેબિનેટે ઓબીસી અનામતનો ભાગ છીનવીને ધર્મના આધારે વોટબેંક માટે અનામત આપવાની મંજૂરી આપી હતી. પરંતુ, તે સમયની જાગૃત અદાલતે તેમને આ કામ કરતા અટકાવ્યા હતા. જ્યારે હું કોંગ્રેસને માત્ર મુસ્લિમોને પ્રાધાન્ય આપવાની વાત કરું છું, ત્યારે કેટલાક લોકો ગુસ્સે થાય છે. તેમની ઇકોસિસ્ટમ છેલ્લા અઠવાડિયાથી મારા વાળ ફાડી રહી છે.
#WATCH | Bihar: Addressing a public rally in Araria, PM Narendra Modi says, "The first right on the resources of our country lies with the poor of this country irrespective of religion... The way Congress was biased against the Hindus of India for their vote bank, today they have… pic.twitter.com/WhsZrgW1yP
— ANI (@ANI) April 26, 2024
વિપક્ષ પર વડાપ્રધાન મોદીના આકરા પ્રહાર
વધુમાં વડાપ્રધાને કહ્યું કે, હું તેમને કહેવા માંગુ છે કે, 25 વર્ષ થઈ ગયા, તમે મને ખુબ જ ડરાવવાનો પ્રયત્ન કર્યો છે પરંતુ હું ડર્યો નથી. તે માટે હવે તમે આ કોશિશ બંધ કરી દો. આ સાથે તેમણે વધુમાં કોંગ્રેસ પર પ્રહાર કરતા કહ્યું કે, આજે ડૉ. મનમોહન સિંહજીનો વધુ એક જૂનો વીડિયો સામે આવ્યો છે, જેમાં તેઓ ફરી કહી રહ્યા છે કે દેશના સંસાધન પર પહેલો અધિકાર મુસ્લિમોનો છે. આ વીડિયો સામે આવ્યા બાદ કોંગ્રેસ અને તેની ઈકોસિસ્ટમ સાપની જેમ લાગી ગઈ છે.