Lok Sabha Election 2024: ભાજપની પ્રથમ ઉમેદવાર યાદી જાહેર, જાણો ગુજરાતમાં કોને મળી ટિકિટ?

Lok Sabha Election 2024: ભારતીય જનતા પાર્ટીએ આગામી લોકસભા ચૂંટણી માટે 195 લોકસભા ઉમેદવારોની પ્રથમ યાદી જાહેર કરી છે. આ યાદીમાં પીએમ મોદી સહિત 34 કેન્દ્રીય મંત્રીઓના નામ સામેલ છે. બીજેપીના રાષ્ટ્રીય મહાસચિવ વિનોદ તાવડેએ પ્રેસ કોન્ફરન્સને સંબોધતા કહ્યું કે પીએમ મોદીની અધ્યક્ષતામાં 29 ફેબ્રુઆરીએ મળેલી પાર્ટીની કેન્દ્રીય ચૂંટણી સમિતિની બેઠકમાં 16 રાજ્યો અને 2 કેન્દ્રશાસિત પ્રદેશોની લોકસભા સીટો માટેના ઉમેદવારોના નામ જાહેર કરવામાં આવ્યા હતા.વિનોદ તાવડેએ કહ્યું કે પીએમ મોદી ફરી એકવાર વારાણસીથી ચૂંટણી લડશે.

ગાંધીનગરથી અમિતભાઈ શાહ લડશે ચૂંટણી

કચ્છથી વિનોદ ચાવડાને રિપીટ કરાવામાં આવ્યા છે. બનાસકાંઠાથી ડૉ.રેખાબેન ચૌધરીને ટિકિટ આપવામાં આવી છે, પાટણથી ભરતસિંહ ડાભીને રિપીટ કરાયા તો ગાંધીનગરથી અમિતભાઈ શાહ લડશે ચૂંટણી, અમદાવાદ પશ્ચિમથી દિનેશ મકવાણા ચૂંટણી લડશે, રાજકોટથી પરષોત્તમભાઈ રૂપાલા લડશે, પોરબંદર મનસુખભાઈ માંડવિયા લડશે ચૂંટણી, જામનગરથી પૂનમબેન માડમને રિપીટ કરાયા, આણંદથી મિતેષભાઈ પટેલને રિપીટ કરાયા, ખેડાથી દેવુસિંહ ચૌહાણને રિપીટ કરાયા, પંચમહાલમાં રાજપાલસિંહ જાદવ લડશે ચૂંટણી, દાહોદ જશવંતસિંહ ભાભોર રિપીટ કરાયા, ભરૂચથી મનસુખ વસાવાને રિપીટી કરાયા, બારડોલીથી પ્રભુભાઈ વસાવા ભાજપ ઉમેદવાર, નવસારીથી સી.આર.પાટીલને રિપીટ કરવામાં આવ્યા છે.

લોકસભા માટે ભાજપની પહેલી યાદી જાહેર, ગુજરાતમાં કોને મળી ટિકિટ?#LokSabhaElection #BJPCandidateList #LoksabhaPolls2024 #LokSabhaElections2024 #GujaratFirst @BJP4Gujarat @BJP4India @CRPaatil pic.twitter.com/dGWio91JGy

— Gujarat First (@GujaratFirst) March 2, 2024

195 લોકસભા ઉમેદવારોની પ્રથમ યાદી જાહેર

ભાજપના રાષ્ટ્રીય મહાસચિવ વિનોદ તાવડેએ કહ્યું કે 195માંથી 28 આપણી માતૃશક્તિ છે, 47 50 વર્ષથી ઓછી ઉંમરના યુવા ઉમેદવારો છે, 27 અનુસૂચિત જાતિના, 18 અનુસૂચિત જનજાતિમાંથી, 57 પછાત વર્ગના છે. તેમણે કહ્યું કે, 'છેલ્લા એક દાયકાથી સાતત્ય સાથે વિકાસ માટે સમર્પિત વડાપ્રધાન મોદીના નેતૃત્વમાં સરકારે સેવા, સુશાસન અને ગરીબ કલ્યાણ અને સબકા સાથ, સબકાના મંત્ર સાથે સેવાનું અદ્ભુત ઉદાહરણ સ્થાપિત કર્યું છે. વિકાસ, સબકા વિશ્વાસ અને સબકા પ્રયાસ. માત્ર દેશમાં જ નહીં પરંતુ વિશ્વના મંચ પર પણ પ્રસ્તુત કરે છે.

આ પણ વાંચો: PM Modi: વડાપ્રધાન મોદીએ ફુલહારના સ્વાગતમાં નીતિશકુમારને પણ જોડ્યા, જુઓ આ વીડિયો

ગુજરાત ફર્સ્ટ તમને સમાચારોથી હંમેશા અવગત રાખશે

ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ