Andhra Pradesh : ECI એ પૂર્વ CM ચંદ્રબાબુ નાયડુને નોટિસ ફટકારી, 48 કલાકમાં જવાબ આપવા કહ્યું...

Andhra Pradesh : ચૂંટણી પંચે તેલુગુ દેશમ પાર્ટી (TDP)ના વડા એન ચંદ્રબાબુ નાયડુને આંધ્રપ્રદેશના મુખ્યમંત્રી વાયએસ જગન મોહન રેડ્ડી વિરુદ્ધ વિવાદાસ્પદ નિવેદનો કરવા બદલ નોટિસ પાઠવી છે. નોટિસમાં આદર્શ આચાર સંહિતા (MCC)ના ઉલ્લંઘનનો આરોપ મૂકવામાં આવ્યો છે. TDP ના વડા નાયડુએ 31 માર્ચે તેમના ચૂંટણી ભાષણ દરમિયાન સીએમ જગન માટે ઘણા વાંધાજનક શબ્દોનો ઉપયોગ કર્યો હતો.

જવાબ આપવા માટે 48 કલાકનો સમય આપવામાં આવ્યો...

આંધ્ર પ્રદેશ (Andhra Pradesh)ના મુખ્ય ચૂંટણી અધિકારી દ્વારા રજૂ કરવામાં આવેલી નોટિસ અનુસાર, નાયડુને જગન મોહન રેડ્ડી વિરુદ્ધ કરવામાં આવેલી અપમાનજનક ટિપ્પણીઓ અંગે સ્પષ્ટતા કરવા માટે 48 કલાકનો સમય આપવામાં આવ્યો છે. યુવા શ્રમિક રાયથુ કોંગ્રેસ પાર્ટી (YSRCP)ના રાજ્ય મહાસચિવ લૈલા અપ્પી રેડ્ડીની ફરિયાદ બાદ આ નોટિસ રજૂ કરવામાં આવી છે.

પેન ડ્રાઇવમાં ભાષણની નકલ ચૂંટણી પંચને આપવામાં આવી હતી...

નોટિસ અનુસાર, TDP ના વડા એન ચંદ્રબાબુ નાયડુએ યેમ્મીગનુર, માર્કાપુરમ અને બાપટલા મતવિસ્તારમાં યોજાયેલી ચૂંટણી રેલીઓમાં સીએમ રેડ્ડી માટે કથિત રીતે અપમાનજનક ભાષાનો ઉપયોગ કર્યો હતો. YSRCP એ ચૂંટણી પંચને પેન ડ્રાઈવમાં ચંદ્રાબાબુ નાયડુના ભાષણો પૂરા પાડ્યા હતા. કમિશને નાયડુના ભાષણોની સમીક્ષા કરી છે અને કહ્યું છે કે TDP ના વડાએ પ્રથમ દૃષ્ટિએ આદર્શ આચાર સંહિતાની જોગવાઈઓનું ઉલ્લંઘન કર્યું હોવાનું જણાય છે.

આંધ્રપ્રદેશમાં વિધાનસભા અને લોકસભાની ચૂંટણી 13 મેના રોજ યોજાશે...

તમને જણાવી દઈએ કે આંધ્ર પ્રદેશ (Andhra Pradesh)માં વિધાનસભા અને લોકસભાની ચૂંટણી 13 મેના રોજ યોજાવાની છે અને 4 જૂને મતગણતરી થશે. આંધ્ર પ્રદેશ (Andhra Pradesh) વિધાનસભામાં 175 બેઠકો છે અને કોઈપણ પક્ષને સરકાર બનાવવા માટે ઓછામાં ઓછી 88 બેઠકોની જરૂર પડશે. ચંદ્રબાબુ નાયડુની આગેવાની હેઠળની TDP એ 2014 ની વિધાનસભા ચૂંટણીમાં 102 બેઠકોની બહુમતી સાથે જીત મેળવી હતી. જગન મોહન રેડ્ડીની આગેવાની હેઠળની YSRCP એ 67 બેઠકો જીતી હતી. ભાજપ બે પ્રાદેશિક દિગ્ગજો સામે ચૂંટણી લડીને માત્ર ચાર બેઠકો જીતી શકી હતી. 2019 ની વિધાનસભા ચૂંટણીમાં, YSRCP 151 બેઠકોની પ્રચંડ બહુમતી સાથે જીત્યો, જ્યારે TDP 23 બેઠકો પર ઘટી ગઈ.

આ પણ વાંચો : Congress: 2024 માં કોંગ્રેસને અલવિદા કહેનારા દિગ્ગજ નેતાઓની યાદી, મોટાભાગના BJP માં જોડાયા

આ પણ વાંચો : PM Modi in Bihar: PM મોદીનો ચૂંટણી પ્રચાર, કહ્યું – 2024 ની ચૂંટણી ભારત અને તેના ભવિષ્ય માટે નિર્ણાયક

આ પણ વાંચો : Congress : માત્ર 2 દિવસમા 3 દિગ્ગજે અલવિદા કહેતા કોંગ્રેસને ઝટકો