Rajasthan : ભજનલાલ...અમિત શાહના નીકટ અને સંગઠનના વફાદાર

રાજસ્થાનમાં વસુંધરા રાજેનો યુગ પૂરો થયો છે. હવે અહીંના મુખ્ય પ્રધાન ભજનલાલ શર્મા હશે. મધ્યપ્રદેશ અને છત્તીસગઢની જેમ રાજસ્થાનમાં પણ ભાજપે આશ્ચર્યજનક રીતે નવા નેતાને મુખ્યમંત્રી બનાવ્યા છે. ભજનલાલ શર્મા પ્રથમ વખત ધારાસભ્ય બન્યા છે, જેઓ આ વખતે જયપુરની સાંગાનેર બેઠક પરથી ચૂંટણી લડ્યા છે. ભરતપુરના રહેવાસી ભજનલાલ શર્મા ભલે પહેલીવાર ધારાસભ્ય બન્યા હોય, પરંતુ તેઓ સંગઠનમાં મજબૂત વ્યક્તિત્વ રહ્યા છે.

અમિત શાહના નજીક

તેઓ અમિત શાહના નજીકના ગણાય છે. છત્તીસગઢમાં એક આદિવાસી નેતા અને મધ્યપ્રદેશમાં એક OBC નેતાને મુખ્યમંત્રી બનાવ્યા બાદ હવે ભાજપે રાજસ્થાનમાં બ્રાહ્મણ નેતાને કમાન સોંપી છે. આ રીતે તેમણે સમાજના તમામ વર્ગો સુધી પહોંચવાનો પ્રયાસ કર્યો છે.

#WATCH | BJP names Bhajanlal Sharma as the new Chief Minister of Rajasthan pic.twitter.com/j3awHnmH7k

— ANI (@ANI) December 12, 2023

સંઘ સાથે જૂનો સંબંધ

ભજનલાલ શર્મા રાજસ્થાન ભાજપના મહાસચિવ રહી ચૂક્યા છે અને સંગઠનને વફાદાર માનવામાં આવે છે. તેમનો સંઘ સાથે જૂનો સંબંધ છે, પરંતુ તેમને આ વખતે જ ચૂંટણી લડવાની તક મળી. કુશળ વક્તા તરીકે જાણીતા ભજનલાલ શર્મા ઘણીવાર સ્ટેજ પર જોવા મળતા. તેઓ રાજસ્થાન ભાજપના કોઈપણ મોટા કાર્યક્રમમાં સ્ટેજ ઓપરેટર તરીકે જવાબદારી સંભાળતા હતા. તેમની ગણતરી અમિત શાહના નજીકના નેતાઓમાં થાય છે. ભલે તેમના નામની વધુ ચર્ચા થઈ ન હતી, પરંતુ જો બ્રાહ્મણ કાર્ડ રમતમાં હોય તો તેઓ ચોક્કસપણે રેસમાં હતા.

આ પણ વાંચો-----RAJASTHAN : ભજનલાલ શર્મા બન્યાં રાજસ્થાનના નવા મુખ્યમંત્રી, રાજેનું પત્તું કપાયું